Gàlashìan 4:16 - To kə Kəzə̀ kə̀ Fughu ko

¹⁶ À lò enyəa M̀ fɛ kòom fə̀n dòʼò kɔ̌ʼ ghùwkə̀tuw wɛ̄ʼɛ bòʼ sə̀ŋò zəla Ǹ dzɛ̂ wo â ghɛ̀ a?

Gàlashìan 4:16 Iomraidhean Croise

Dzɔ̌n 7:7

Ghî a mbī yo alebɛ̀ ghɛ̀, ghe bâa nù mugho bòʼ Ǹ dzâa fùghuu wò ghəa a ghee à biigh ghəla ghe ghəŋlo.

Dzɔ̌n 8:45

Ghɛ̀ kuuwn boom fughu wò yò â mùghò bòʼ Ǹ sô dzâa səŋò zò.

Gàlashìan 2:14

A m bùghò mùghò Pôl kuuwn kôʼ tsùghù enyəa ghî ghən nyɔʼɔ̀ bwìi dzə̂ yò alo êsəŋò zəla e lo an làbəlà è Kə̀lestò, mùghò n dzɛ̀ ndùw â Pità an sə kə ghì yì à dzə̀m enyəa, “Abugho ghù Pità, ghùw ù Dzudà, lò alemùghùu tò Etoʼò, mùghù yo tò Dzûu, ghù lǒ êzə̂n aletsəən Toʼò zò enyəa e bughò kaʼ alemùghùu tǒ tə̀ Dzûu a?”

Gàlashìan 2:5

Ghàʼ ŋ kè kuuwn buʼù boon nəgha è li zo alezə̂ən ghəa a ghee a te ghəla ghe fə̀ dzâa wo, aleghəŋlo enyəa ghɛ̀ naam boo fughu tsughu ko êsəŋò zəla è lò an làbəlà è dzùŋ zəla ghǎʼ mò zoʼn ghɛ a te.

Gàlashìan 4:15

Duʼn kəla ghɛ̀ mò bûʼ ki tsəgha, kə ndûw ghɛ̀ êzə̄ŋ? Nu mughò ŋ kòʼ enyəa abugho dzì fə̀ bûʼ lo â ghɛ̀ alefɔ̀ʼn səa wô sə ghɛ̄ʼɛ to ghɛ̀ fughu wo â mùghò, to ghɛ̀ mafə êzə ghəŋlo.

Gàlashìan 4:17

Ghî à li ghən ki nu zǐi a zəŋò ghɛ̀, yìa à sò kuūwn lô ko enyəa ghe ki moʼnlò e biigh zo a zəŋò. Ghe êzə̀ ghəə̄ŋ ko alebàʼà nughù ghɛ̀ a zəŋò mùghò enyəa ghɛ̂ zɛʼɛ zə e lo tən ko a zəŋò ghee.

Gàlashìan 5:7

Ghɛ̀ mò mgbaŋa bwiī dzɔɔ̄ nû, am fwàʼ kə Kə̀zə̀ kɛʼɛ. À màʼà ghɛ koōm bughu naŋa ndughoo enyəa ghɛ̀ ka tee tən tsughu ko an səŋò e te zo a?