Gàlashìan 4:13 - To kə Kəzə̀ kə̀ Fughu ko

¹³ Ghɛ̀ kwo nû enyəa à fə̀ ghəəŋ dzâŋ zaŋa enyəa M̀ bughò kə̂aa wô làbəlà è dzùŋ zən â ghɛ̀.

Gàlashìan 4:13 Iomraidhean Croise

Matìo 4:23

Yɛso m bwìi ŋgəa tsughu Galèlîi e dzə̀m, zoʼn ndùw ghee an Ndughu tə Tə̀dzûu tə̀ ne to, nàʼn ndùw Làbəlà è te kùu ndùw Fɔ̀e u Kəwālā, baaŋ ndùw ghì ghəla ghe mò dzaŋā ŋgòʼ è dzàŋà tə̀n tə dzə̀m.

Kə̀fwàʼ 16:6

A m bùgho Zuʼ tə̀ Zɔlɔ tə tue enyəa ghe ka ghəa gho am mbùʼ è Ɛshìa kə̂aa, ghe n tsə̀gha sə̀ ndùw dzi am Fə̀legia àsùghò aŋ Galɛshia.

1 Kòlentìan 2:3

Mùghò n lo sɛ̀, tsəəŋ təla ko enyəa aŋ ghùu tsəŋ zo enyəa Ǹ lo tɔ̀ʼɔ̀ fwàʼà dzɔ̀ɔ yǒ fwàʼ kaŋa ko.

2 Kòlentìan 10:10

Ghî à li a dzɛ̀ enyəa, “Shwaʼ wəla ù tɔɔ̄ am mwàʼsò u wə̄n u dəlà nù, tɔɔn sùghò, abugho ù kuūwn ti aŋ ghùe u wə̄n an sə kə sɛ̀ ù n tsəŋlo, shwaʼ u wə̄n wə ŋ kwuu yo ghəa zo.”

2 Kòlentìan 11:30

Abugho Ŋ̀ ki aletèlè to num, Ŋ̀ ki aletō aŋ ghəa ghəla a dêe tsughuu lɛɛ zaŋā zo.

2 Kòlentìan 11:6

Abugho M̀ bûʼ tɔ̂ʼ kwo ko yô ghəa à kə̀āa gho, Ŋ̀ kuuwn ki nû tɔ wo, ghàʼ ŋ kəŋ dziī tən tə̀ dzə̀m aledèe səā kɔʼ aghəa ndɛ â ghɛ̀ alo aghəa a dzə̀m.

2 Kòlentìan 13:4

Aŋghəa ghe mò bûʼ təghàa ko Kə̀lestò mò ù kì yo daʼa ko, vʉ̀a ù kuuwn lô â tuw ko an daʼa kə Kəzə̀. Ghàʼ ki sugho yo daʼa ko aŋghəa ghàʼ lo alo kəfəgha kə mɔ̀ʼ ghàʼ à ghee, yia a bugho aŋ ghəa zɛʼɛ̄, ghàʼ lo doʼn wò â tuw ko ghàʼ à ghee an daʼa kə Kəzə̀.

Gàlashìan 1:6

Dzughu e zuu mùghò aŋ ghəa ghəla ghɛ̀ ghəŋlo, enyəa ghɛ̀ ŋ ghaam kùʼn tì zə̀ghaa Zə̀ kəla kə mò tɔŋɔ̄ ghɛ enyəa ghɛ̀ e lo ghî a wə̄n gho an dzɔ̀ zəla Kə̀lestò fə̀ dê tsughu â ghɛ̀, ghɛ̀ yia fwə̂ən nughùu nduw alebwiī aŋghəa làbəlà è nùghu dêe —

Gàlashìan 4:12

Waazə̂ ghaŋa gho, dòʼo wo nlò tò mugho, tɔŋlo enyəa M̀ maa doʼò sùghò tò ghɛ. Ghùw wɛʼɛ ù li kâ mùghò â ghəa è li e ghəəŋ boon dzə̀.

Gàlashìan 4:14

Dzì zəla kôʼ zaŋa e fə̀ lo a te fə̀ lo nu aleghəŋlo enyəa ghɛ̀ tue maʼa mugho; ghɛ̀ ŋ kè kuwn ghəəŋ dzə̂ èzə̀. Ghɛ̀ m fwə̀n kpè nì mùghò tǒ tsə̀ndə̄ghā è Kə̀zə̀ alo kəwālā; tò a so Ǹ tso lǒ ghuūghùe u Kə̀lestò Yɛso.

Gàlashìan 4:18

E dzɔ̂ɔ nù alekī ghɛ̀ zo alo eghəa abugho ghəa e te lo è dzûŋ zò, abugho M̀ bûʼ yô zeē ko am bùghu zɛʼɛ̄.