Gàlashìan 3:9 - To kə Kəzə̀ kə̀ Fughu ko

⁹ Abə̀làhâm fə̀ gaʼ tsughu fə̀ŋ a zəŋò Zə̀ kò, Zə̀ kə̀ m bughuso tsughu wə̄n, a fi lo enyəa ghî ghə̀n à dzə̀m ghe gaʼ tsughu fə̀ŋ a zəŋò Zə̀ kò, ghe lo kele sùghò bughuso tò aŋghəa Abə̀làhâm fə̀ kele.

Gàlashìan 3:9 Iomraidhean Croise

Lumà 4:11

Ghe fə̀ tigh kə Abə̀làhâm kə̀ bugho sugho tsughu tǒ tsə̌a enyəa ù lo ghùw ù fə̀ ki gaʼ fə̀ŋ a zəŋò Zə̀ kò, Zə̀ kə̀ n nì ndùw wə̄n aŋ ghùw ù tsəghatsəgha bòʼ fə̀ŋ zəla ù fə̀ naŋa a zəŋò Zə̀ kò mo ghe kaām tigh kə wən kə m bûʼ sugho. Zən fə̀ lo aledèe tsughu enyəa Abə̀làhâm lǒ tsele a zəŋò ghì ghən a dzə̀m ghe lo boōm Zə̀ kò, Zə̀ kə̀ lo nîi ndûw ghe enyəa ghe lo tsəghatsəgha mo ghe kaām tigh kə ghee kə m bûʼ sugho.

Lumà 4:16

Zə̀ lò e ghee à mìaa ko fə̀ŋ zəla ghùw gaʼ tsughu a zəŋò Zə̀ kò è ghəŋlo enyəa ù kele dzɔ̀ e Kəzə̀. Dzɔ̂ zən fɛ lo tǒ tsə̌a aledèe wô enyəa Zə̀ kə̀ lo ghəəŋ nù ghəa ghəla kə fə̀ to naŋa â waawɛ ghə Abə̀làhâm ghò a dzə̀m — ghəla ghe gaʼ tsughu fə̀ŋ a zəŋò Zə̀ kò tò aŋghəa Abə̀làhâm fə̀ gaʼ sugho fə̀ a zəŋò Zə̀ kò a te. E ka yò ko â ghì ghəla ghe zuuw lâŋ kò, mo dzɔ̂ e te e lo sugho â ghì ghəla ghe gaʼ sugho fə̀ŋ a zəŋò Zə̀ kò tò Abə̀làhâm, tɔŋlo enyəa Abə̀làhâm lo tsele ù sɛ̀ a dzə̀m.

Lumà 4:24

Shwaʼ u te u lo sugho â sɛ̀. Zə̀ kə̀ lô sɛ̀ nîi sùgho aŋ ghì a tsəghatsəgha gho êzə̀ bòʼ sɛ̀ gaʼ fə̀ŋ a zəŋò wə̄n wəla ù fə̀ zôm nughù kɔʼ Mughùbè ù sɛ̀ Yɛso alo evʉ̄.

Gàlashìan 3:14

Kə̀lestò fə̀ enyə ghəəŋ tsughu enyəa, Toʼò zə è lo alekelê bughuso zəla Zə̀ kə fə̀ to naŋa â Abə̀làhâm, àsùghò enyəa sɛ̀ è lo alekelê Zuʼ tə̀ Zɔlɔ təla Zə̀ kə fə̀ to naŋā â sɛ̀ enyəa a kê kèle ko abugho sɛ̀ boō fughu tsughu â Kə̀lestò Yɛso.

Gàlashìan 3:29

Abugho ghɛ̀ lô dzə̂ ghɛ̀ à ghêe Kə̀lestò, ghɛ̌ fi lo wɛ ghə Abə̀làhâm, ghî ghəla ghe ki to kəla Zə̀ kə fə̀ to naŋā â Abə̀làhâm.

Gàlashìan 4:28

Ghɛ̀ êzəŋ a waazə̂ ghò, tò Aezìk, ghɛ̀ lo wɛ ghəla Zə̀ kə fə̀ to naŋā to naŋā to ko kùu ndwù ghee.