Gàlashìan 3:8 - To kə Kəzə̀ kə̀ Fughu ko

⁸ Ghe fə̀ tɔm naŋa am Mwàʼsò kə Kəzə̀ enyəa Zə̀ kə̀ lô Tòʼò è naaŋ tsəghatsəgha am fə̂ŋ è ghee zəla ghe gaʼ tsughu a zəŋò wə̄n, Kə̀zə̀. Zən lò e ghee Zə̀ kə fə̀ dzɛ̂ naŋā zîi wo Làbəlà è Dzùŋ â Abə̀làhâm enyəa, “Naʼà tə̀n tə̀ dzə̀m fɛ a mbī kê bughuso e kele am bàm zəghà.”

Gàlashìan 3:8 Iomraidhean Croise

Dzɔ̌n 19:37

Mo shwaʼ u Kəzə̀ ù li u dzɛ̂ kpèʼe sùghò enyəa, “Ghe kê lɛɛ̄n kɔʼɔ ndûw ghùw wəla ghe sughùu nyə ndûw ti e ebùghu e wə̄n zo.”

Dzɔ̌n 7:38

Ghuw wəla ù boō fughu â mùghò aŋghəa mwàʼsò kə Kəzə̀ kə̀ dzaā enyəa, ‘Mùghù mə̀là m fughuu mughù zò lo kuŋu səa wò a zəŋò wə̄n tò fədzughù.’ ”

Dzɔ̌n 7:42

À lǒ mo mwàʼsò kə Kəzə̀ kə̀ ka fə dzɛ̀ enyəa Kə̀lestò ù te kê sə̌a wò an tiigh kə Dɛvìd à, mò ù nùghù wò am Bɛtə̀lɛ̀hɛ̂m, naʼà fəla Dɛvìd fə̀ sə a te a?”

Kə̀fwàʼ 2:35

ghù ləma tsughu Ŋ̀ ghəə̄ŋ tsughu ghîikətuw ghə̂a à doʼò tsughu fəgha kə̀a kə̀ gaʼŋ kə aghùw kò.’

Lumà 9:17

Nu ghe tɔm naŋa am Mwàʼsò kə Kəzə̀ enyəa, “Zə̀ kə fə̀ dzɛ̂ ndùw â də̀ŋ kə Edzìpt kò enyəa, ‘Soo kə eghəa kəla mùghò fə̀ tsuʼ naŋa kɔʼ ghû a te an ndàŋ è kədə̀ŋ fə̀ lo enyəa, Ŋ̀ kê nî ghù Ǹ dê dwaʼa waŋā a te, enyəa zwɔ̂ŋ waŋa u kê kûu ŋgəaa wô mbī e dzə̀m.’ ”

Lumà 9:30

A lo aledzàa tsughu èndugho êzəŋ à? E lo enyəa Toʼò zəla e mò buʼù kəŋo yo alebùghò doʼò tsəghatsəgha a vʉ̀a Zə̀ kò m bùghò dòʼò, mo ghe bùghò dòʼò tsəghatsəgha bòʼ ghe boō fughu tsughu â Zə̀ kò.

Gàlashìan 3:16

Zə̀ kə fə̀ to kə to â Abə̀làhâm, àsùghò â wɛ ù wə̄n. Mwàʼsò kə Kəzə̀ kə̀ kâ dzɛ̀ dzə̀ enyəa, “Àsùghò â wɛ a awɛ a wə̄n gho.” E fi moʼò dzə̀ yǒ ndə̀m è àghì; e moʼò ko ghùw u mɔ̀ʼ, “Àsùghò â wɛ wʉ̂a.” Mò à lǒ Kə̀lestò.

Gàlashìan 3:22

Mwàʼsò kə Kəzə̀ kə̀ fwə̂n dzɛ̀ tsùghù enyəa aghî à dzə̀m am mbī lo ukɔ̀ â bo zo. E dêe enyəa, Zə̀ kə̀ lo fughuu kô namso kə̀là kə to naŋā â ghì ghəla ghe boō fughu â Yɛso Kə̀lestò.

Gàlashìan 4:30

Mwàʼsò kə Kəzə̀ kə kuuwn dzɛ̀ êndūghō a? Kə dzɛ̂ enyəa, “Dzǔu nùghu sə kɔ̂ kə te ko ghèe wɛ ù wə̄n; nu wɛ ù kə̀kɔ̀ lo zəa dzəəŋ yo fʉgha wo ghèe wɛ ù wìzən wəla ù ndzə̀əm mughu.”

Hibùlù 4:2

Tɔŋlo enyəa ghe maā làbəlà e dzùŋ zən â sɛ̀ naʼa wò, to aŋghəa ghe fə̀ naʼà ndûw sugho â wɛ ghə Ezə̀lɛ̂ ghəla ghe fə̀ lo aŋ ŋgwən. Làbəlà zəla ghe fə̀ naʼa nduw â ghee ŋ kè kuuwn kwu eghəa, bòʼ ghî ghəla ghe fə̀ zuw làbəlà e te ka fə nî naŋa dzə̀ am fə̀ŋ tə ghee.

Edêe Fughu 11:15

Tsə̀ndə̄ghā è sə̀ghàkəmbəgha n daŋso tɔŋ tsughu mbuwlì è wə̄n, a n zuw dzə̂ tə̀ tughu tə̀ li to alo kəwālā tə dzâa wô enyəa, “Naʼ e mbī zə m bùghò dòʼò fɔ̂e u Tsə̂ntə̀mbî ù sɛ̀ wò ghèe Bəghambī u wən: wəla ù fə̀ tsɔʼ kɔʼ, ù ke e saʼa tuw u aghì wò to mbī kê bughò mîaa.”