Gàlashìan 3:5 - To kə Kəzə̀ kə̀ Fughu ko

⁵ Ghəa Zə̀ kə fə̀ fughu tsughu ghɛ â Zuʼ tə̀ Zɔlɔ to, dè sùghò nsə̀ghàa am bvʉa zɛʼɛ̄, ghɛ̀ moʼnlò enyəa à mò lo bòʼ ghɛ̀ mò zuūw lâŋ kò ŋkāa, à lǒ bòʼ ghɛ̀ mò zuw tsughu làbəlà è dzùŋ è Yɛso, ghɛ̀ m boo fughu ndùw â wə̄n à?

Gàlashìan 3:5 Iomraidhean Croise

Kə̀fwàʼ 14:3

Ghê Pôl n dòʼò fùghù èzə an də̀ghàa kə kəgha, dòo kə̀aa ko àghəa kùu ndùw Mughu ù te. Mughù ù te n dè fùghù wò ghəa a te gho a dzə̀m enyəa à lò êsəŋò an sə̀ghàa məla ghe mò deē.

Lumà 10:17

Ghùw gàʼa ko fə̀ŋ alo eghəa mò ù ŋ ghəa e te e zuw, ghùw tum è tè zuuw ko abugho ghe naʼn wo làbəlà è Kə̀lestò â wə̄n.

Lumà 15:19

Ù fə̀ ghəa ghən ghəəŋ tsughu aŋ daʼa kə kɔ tə tətsə̌a təla mùghò fə̀ dê tsughu àsùghò sə̀ghàa mò, àsùghò an daʼa kə Zuʼ tə Kəzə̀. Zə ŋ ghəəŋ tsughu mùghò n naʼn wò Làbəlà è dzùŋ è Kə̀lestò zən an lùʼu tən tə̀ dzə̀m aŋghəa mùgho mò nughù wo an Yɛ̀lusalɛ̀m lɔʼso ŋgə̀a ndùw alendùw an naʼ zə Èlilekùm.

1 Kòlentìan 12:10

â ghùw ù li, Zuʼ tə̀ Zɔlɔ tə te tə m fughu wə̄n â fughu kə deē kə nsə̀ghàa kò; â ghùw ù lì, Zuʼ tə̀ Zɔlɔ tə m fughu tsughu wə̄n â fughu kə̀ dzaā kə ushʉ̀ghà u kə Kəzə̀ wò; â ghùw ù lì, Zuʼ tə̀ Zɔlɔ tə te tə ŋ ghəəŋ tsughu wə̄n alekwo enyəa fən lǒ zə̀a fə̀ dzûŋ fò ŋkāa à lǒ fə̀ biigh fo; â ghùw ù lì, Zuʼ tə te tə ŋ ghəəŋ tsughu wə̄n enyəa ù è kəaa ghəa gho an ndə̀m è sàʼà tə tənàʼà; â ghùw ù lì Zuʼ tə te tə ŋ ghəəŋ tsughu ù e zuuw dzaā wo ghəa gho an ndə̀m è sàʼà tə tənàʼà.

2 Kòlentìan 10:4

Fʉgha u tsam u sɛ̀ ù yo dzə tò u ghì a mbī wo, u kuuwn ki daʼa kə Kəzə̀ aletəma sâʼ luʼū təla ghîikətuw a sɛ̀ à bəgha doʼò kaŋlo a te.

2 Kòlentìan 12:12

Ghəa mùgho mò lo fì sɛ̀, mùghò n zumso tsughu ughue, dè wò tə̀tsə̌a, nsə̀ghàa, fwàʼ sùghò kɔ tə aghəa aledèe tsughu enyəa Ǹ lo tùm è Kə̀lestò è sə̀ŋò.

2 Kòlentìan 13:3

Aŋghəa ghɛ̀ ləghaa tsə̌a, Ǹ dêe wò nù â ghɛ̀ enyəa Kə̀lestò kə̀aa sə̌a wò àghəa a zəŋò mùghò. Aŋ ghəa zɛʼɛ̄, ù dɔ̀ɔ kpàʼa yo kpe wo, Ù lǎam dèe daʼa kə wə̄n am bvʉa zɛʼɛ̄.

2 Kòlentìan 3:8

Səghanyəgha məla m bugho an Ushʉ̀ghà so yìa boʼò lò alenyəghaan doʼò ndûw ênzə̂n.

2 Kòlentìan 9:10

Zə̀ kəla kə fughuu ŋgòʼ tò â ghùwsūm àsùghò fʉ̀ghàzəa wo â ghì ghò alezə, kə lo fughuu mɛ̀ʼn ghɛ̀ â ŋgòʼ tɛʼɛ to tə dzə̀m, kə ghəəŋ sughò ghɛ̀ kele fʉgha wo u dzə̀m aŋghəa ghɛ̀ bughuu â ghu ko a te.

Gàlashìan 3:2

Ghəa e lo ko e mɔ̀ʼ Ǹ so n bvʉ̀ā wô â ghɛ̀. Ghɛ̀ mò kaʼ tsughu ênzə̂n to ghe fughu â Zuʼ tə Kəzə̀ tò a? À mò lo bòʼ ghɛ̀ zuuw kə̀làŋ ŋkāa à mò lo aŋghəa ghɛ̀ mò zuw tsughu shwaʼ u Kəzə̀ wò a ghɛ̀ m boo fughu ndùw â Kə̀lestò enyəa ù kpe nû alebəghaasə ghɛ à?

Fèlepìan 1:19

E lo nû èsəŋò enyəa Ǹ lo naam ki nû aleduʼnlo, Ǹ sô kwo enyəa gɔ̂ɔŋ zɛʼɛ àsùghò daʼa kə Yɛso Kə̀lestò kò lo bəghaasəa nù mugho.