Gàlashìan 3:10 - To kə Kəzə̀ kə̀ Fughu ko

¹⁰ Ghî ghəla ghe moʼò enyəa ghe kê lò tsəghatsəgha a vʉ̀a Zə̀ kò bòʼ ghe naāŋ dzə̂ lâŋ kò, à lo ghî ghəla Zə̀ kə lo dzûuw maʼn ghee; nu ghe tɔm naŋa am Mwàʼsò kə Kəzə̀ enyəa, “Ghùw wəla ù tɔ̀ʼɔ̀ bwîi mɛʼn yo aŋ ghəa ghən à dzə̀m ghe tɔm naŋa am Mwàʼsò kə Kəlàŋ, vʉ fi lo ghùw wəla ghe lo dzûuw maʼnlo.”

Gàlashìan 3:10 Iomraidhean Croise

Matìo 25:41

Ù lo daŋso dzɛ̂ â ghì yia aŋ kwe u wə̄n ù kwû wò enyəa, ‘Nùghu nlò an sə kaŋā, fə̀ghàan ŋ kə̀lòʼ mə̄n, ndǔw nlò aŋ wə̀n wəla u doʼò tən; wəla ghe fə̀ fəghaan naŋā â Vʉatsə̄a gho ghèe ghê tum tə wə̄n to;

Lumà 4:15

Tɔŋlo enyəa, luʼu kəla lâŋ kə̀ lo a te, Zə̀ kə n dêe nʉ̀ghà u wə̄n u pfʉa wo a zəŋò ghì ghəla ghe bvʉ̂sò màʼn lâŋ kə te ko. A m bùghò luʼu kəla lâŋ kə̀ buw a te, ghù yò dzə̂ alezuw enyəa ghùw bvʉ̀ kə̀lâŋ fùghù èzə̀.

Lumà 6:23

Ghɛ̀ kele tsughu enyəa, namso kəla ghùw kele am bo zəla ù ghəə̄ŋ tsughu lò evʉ, Zə̀ chia kə kuuwn tsôo ndzə̂əm fughuu ko mughù è doʼn təla zo am bàm e Kə̀lestò Yɛso, Mughùbè ù sɛ̀.

Lumà 8:7

Ghùw wəla ù nì kɔʼ fə̀ŋ è wə̄n naŋa tsughu am fʉgha wəla gwən e ughùe e wə̄n e ləghaa, ghùw ù te baam nǔ ghèe Zə̀ kò. Ghùw u te zuuw yo lâŋ kə Kəzə̀ kò, mò ù tsò buʼ yò alenaŋa làŋ kə te ko.

2 Kòlentìan 3:7

Lâŋ kəla ghe fəghàa naŋa nyə nduw am mgbà wə atīa kə mò ni wo evʉ. Lâŋ kə te kə mò bugho â səghanyəgha mò, ghî ghə Ezə̀lɛ̂ ghə̀ n yo dzə̂ alelɛɛ̄n ndûw sʉ Musî, u màʼà muuwn nyəghanlo, mo nyəghanlo e te e mò buʼ lo mo e sô lǎa ndùw sùghò nù.

Gàlashìan 2:16

a kwo sugho nû enyəa ghùw dòʼn dzə̀ yǒ ghûw ù zɔ̀lɔ a vʉ̀a Zə̀ kò enyəa so ù nàŋa tsughu kəlâŋ, à lǎam lò abugho ù gaʼ tsughu fə̀ŋ e wə̄n a zəŋò Yɛso Kə̀lestò. Zən lò e ghee ghàʼ boō fughu ndûw sugho â Kə̀lestò, enyəa ghàʼ doʼò tsughu ghî à zɔlɔ gho am fə̀ŋ zəla a gaʼ tsughu a zəŋò Kə̀lestò Yɛso, à yò dzə̂ làŋ kə̀ naaŋ ko; tɔŋlo enyəa abugho à lò ko an làŋ kə̀ naaŋ ko, ghùw yò aledòʼò ghùw ù zɔ̀lɔ.