Gàlashìan 3:1 - To kə Kəzə̀ kə̀ Fughu ko

¹ Huʼ, ndzə̀ŋ tə efùw tə Gàlashìa tə̀n, à ghɛ̀ yia boon naŋa ndùghò à? À fə̀ mgbaŋ yo an sə kɛʼɛ̄ ghe fə̀ teso dzaā dzì zəla Yɛso Kə̀lestò fə̀ kpuw a te, mo ghe wə̄n təghàa kɔ̀ʼ alo kədàŋlo a?

Gàlashìan 3:1 Iomraidhean Croise

Matìo 24:24

Tɔŋlo enyəa, Kə̀lestò tə agha tə lo səa kɔʼɔ nù, àsùghò ghǐishùghà ghə agha gho, ghe e deē tsə̌a tə̀ fɛɛ̄n to, à sə̀ghà mò, enyəa abugho dzì lǒ, ghe buʼù sêe məŋsō ghì ghəla Zə̀ kə̀ tsɔʼ kɔʼ.

Matìo 7:26

Yia abugho ghùw wəla u zuw shwaʼ waŋa wən wo, vʉ̀a ù tàʼkè naŋa kə̀tuŋlo a te, ù lo dòʼn ko tǒ làʼsò kə ghûw kəla kə fə̀ so e bəghaa ndughu, ù m bəgha tiso kɔʼ ndùghù è wə̄n alo kəshīashīa.

Lûk 24:25

Yɛso fi nughù dzɛ̀ nù â ghee enyəa, “Chisɛɛ̂, làʼsò tə aghì tən, mo e tughuu tsə̀ghà kwò â ghɛ̀ alebôo shwaʼ u ghùwshʉ̀gha wəla ù fə̀ dzɛ̂ naŋā.

Kə̀fwàʼ 16:6

A m bùgho Zuʼ tə̀ Zɔlɔ tə tue enyəa ghe ka ghəa gho am mbùʼ è Ɛshìa kə̂aa, ghe n tsə̀gha sə̀ ndùw dzi am Fə̀legia àsùghò aŋ Galɛshia.

Kə̀fwàʼ 6:7

Shwaʼ u Kəzə̀ wə̀ n ndûuw ndûuŋ ko â sə ko; kɔ̂n kə aghì kəla ghe mò boō fughu tsughu, kə m biso dùw tsùghù ènyə an Yɛ̀lusalɛ̀m, ndə̀mà tə tə̀fɔ̀e tə̀ m boo tsughu aŋ Kə̀lestò.

Lumà 10:16

À sò kǔuwn lo ko enyəa à yò dzə aghî a dzəm ghe lo mo ghe m boo làbəlà è dzùŋ è te. Tɔŋlo enyəa ghùwshʉ̀ghà ù Kə̀zə̀, Èzayà fə dzɛ̀ naŋa enyəa, “Mughu ù te, à mò lo ndugho ù mò boo fughu â shwaʼ u sɛ̀ wò?”

Lumà 2:8

Yia kuuwn bugho â ghì ghəla ghe kwo tsughu ko ghue e ghee zo, ghuu màʼnlo e sə̀ŋò, kuuwn tughuu nyəa ndùw aŋ ghəa biigh gho, ghe lo kòʼò tsughuu nyə aŋ ghùu fɛ̀ɛn kə nʉ̀ghà u Kəzə̀ ù pfʉa wo.

Lumà 6:17

E sô kuuwn lò ko enyəa, a fughu kəzɔ̀ŋlò â Zə̀ kò enyəa ghɛ̀ ghəla ghɛ̀ mo bûʼ lô tsəgha kɔ̂ wò â ghəa a biigh gho, ghɛ̀ bwîi nù aŋ ghəa ghəla ghî ghəla ghe mo zoʼn ghɛ a te fə̀ fughu naŋa â ghɛ̀.

1 Kòlentìan 11:26

Tɔŋlo enyəa ghəa ghɛ̀ lò zəā zeē tsəghà bɛ kən ko, mʉa zee sùghò wʉ̀a zən, ghɛ̀ fi zə̂əŋ zěe ghue zɛʼɛ an vʉ e Mughu ù te to ù kè tèlè bughò.

1 Kòlentìan 2:2

Tɔŋlo enyəa aŋghəa mùgho fə̀ lo sɛ̀, mùgho n tsəm tsùghù enyəa Ǹ nîizə̂a tsughu ghəa ghən à dzəm mò à gɔ̀ʼɔ̀ ko Yɛso Kə̀lestò, à ka dɔ̂m tàŋ ghəa ghe fə̀ təghāa wə̄n.

2 Kòlentìan 10:5

Sɛ̀ buu nyəmâ làŋà tə dzughu à pfʉa gho àsùghò làŋà tə aghəa təla tə ghəŋlo enyəa ghəa a Kəzə̀ à ka ndûw â sə ko am fʉgha u tsam u sɛ̀ wən. Sɛ̀ kwuu kɔ̀lɔ̀ tsùghûu mòʼnlò ghì ghəla ghe ləghaa yo alezuw shwaʼ u Kəzə̀ a ŋ ghəə̄ŋ tsughu ghî a te gho enyəa ghe e zuuw wo â Kə̀lestò.

2 Kòlentìan 11:3

Ǹ sô fɛ tsəŋo enyəa aŋghəa zughu fə̀ nɔm fughu tsughu Êf, mò zughu è te tɔɔ ko nʉghànʉghà tò ekom, ghe lo sèe mɛ̀ŋso nù tuw wɛʼɛ wo, ghɛ̀ lo ti zəghāa tsughu kùum kə kəfwàʼ kəla ghɛ̀ fwaʼā â Kə̀lestò am fə̂ŋ zɛʼɛ e dzə̀m, mò ghɛ̀ fwaʼà an dziī è zɔ̀lɔ.

Gàlashìan 1:2

Ghî à kəzə̀ à li ghəla ghe lô fɛ ghàʼ à ghee yia fughuu wô sughò ghɛ â tɔɔŋ zo. Ŋ̀ wàʼsò kən kə tɔɔ wò â ghɛ̀ ghî yìa ghɛ̀ lo an dzweŋe u ghì a Kəzə̀ a fì èzə̀ am mbùʼ è Gàlashìa.

Gàlashìan 1:6

Dzughu e zuu mùghò aŋ ghəa ghəla ghɛ̀ ghəŋlo, enyəa ghɛ̀ ŋ ghaam kùʼn tì zə̀ghaa Zə̀ kəla kə mò tɔŋɔ̄ ghɛ enyəa ghɛ̀ e lo ghî a wə̄n gho an dzɔ̀ zəla Kə̀lestò fə̀ dê tsughu â ghɛ̀, ghɛ̀ yia fwə̂ən nughùu nduw alebwiī aŋghəa làbəlà è nùghu dêe —

Gàlashìan 2:14

A m bùghò mùghò Pôl kuuwn kôʼ tsùghù enyəa ghî ghən nyɔʼɔ̀ bwìi dzə̂ yò alo êsəŋò zəla e lo an làbəlà è Kə̀lestò, mùghò n dzɛ̀ ndùw â Pità an sə kə ghì yì à dzə̀m enyəa, “Abugho ghù Pità, ghùw ù Dzudà, lò alemùghùu tò Etoʼò, mùghù yo tò Dzûu, ghù lǒ êzə̂n aletsəən Toʼò zò enyəa e bughò kaʼ alemùghùu tǒ tə̀ Dzûu a?”

Gàlashìan 3:3

À lǒ kwò ghɛ̀ sô boʼò laʼsò enyə a? Ghɛ̀ mò mgbaŋ kaʼ tsughu alemùghù an daʼa kə Zuʼ tə kə Kəzə̀, à lò enyəa ghɛ̀ êzəŋ so e mîasò kɔʼ aŋ ŋgəŋ zɛʼɛ̄ a?

Gàlashìan 4:9

Yia a kuuwn bughò êzəŋ wəla ghɛ̀ kele tsughu Zə̀ kò, ŋkāa aŋghəa Zə̀ kə̀ kwo ghɛ, ghɛ̀ lo ênzə̂n alekòom nughù ndûw èbàm a vʉ̀a bvùʼù mə̀ nzə̀a ŋ kə̀nughùnùghù məla n saʼā mbī zən a, alendùw doʼò kpeʼe ndûw ukɔ̀ u gheē a?

Gàlashìan 5:11

Waazə̂ ghaŋa gho, abugho e mô lô enyəa Ǹ naam zoʼn kaaŋ ko aghì enyəa ghe e sughoo tiigh ko, à sò lǒ kwo ghe tsôo naām ndzaŋsō kaāŋ ko mugho a? Abugho M̀ mô zoʼn kaāŋ yô ghì ghò aŋ ghəa ghən enyəa Kə̀lestò mò kpuw alo kədàŋlo, to ghùw ù lì mò so pfʉ̀so yo nʉghà.

Efɛsùs 3:8

Ghəa e bûʼ lô ko enyəa Ŋ̀ kâ tso kɔ̀ʼ kpe to ghe e tɔŋɔ mùghò enyəa Ǹ lo ghùw ù Kə̀zə̀, ghe fə̌ fwàʼ kən kə fughu wo â mùghò alezùghò naʼa kum e ne zəla e lo am bàm e Kə̀lestò â Tòʼò zò,

Efɛsùs 4:14

Sɛ̀ kê koom yo dzə̂ wɛghêtùghù gho, enyəa mo à bugho ko ndughò à tsʉ̀ zə agha e wən zo a n sə̀ tə̀ŋò ndùw a baa wən tò tùŋutùŋù kə dzughù kə̀ lô tûuŋ kaāŋ kwə̀n ko an dzughù.

Efɛsùs 5:15

E fi lo enyəa ghùw kǐ aletɔʼɔ̄ naŋso tsughuu ghuw kə egbìi kə wə̄n ko, kà è tsôo bwiī ko nlò tò ndzəŋso tə aghì, e kuuwn bwiī nlo tò ghî à tɔɔ gho.

2 Tɛ̀sàlonìan 1:8

Abugho ù kè səā tsughu wo ghèe ghè tsə̀təndə̄ghā tə Kəzə̀ tə wə̄n to èzə̀ à wə̀n ù bəghaan wo, ù kê dî tə̀ŋgàmà a zəŋò ghì ghəla ghe kwo yo Zə̀ kò àsùghò a zəŋò ghì ghəla ghe bwîi yo aŋghəa Làbəlà è Mughùbè ù sɛ̀ Yɛso děe.

1 Timotì 6:4

Ghùw ù te ŋ ki alekele tsughu enyəa ù tsòo ghaŋso kaāŋ tsə̀ghà sùghò ghue u wə̄n mò ù bùʼù zuuwkɛlɛ yo ghəa è li zo. Tsû u ghûw ù te e lo ko alekəŋo ŋgəaa kaaŋ tsəgha shwaʼ wo, ghəəŋ sughò enyəa ghî ghə̀ e pfʉa kaaŋ dzughu gho, zùghùu ŋgə̂aa kaaŋ tsə̀ghà sùghò, mo ghəa a te a bughò â mʉ̌ʉn ko, təfom, kə̀ghòʼ, moʼnlò è biigh zo, àsùghò ndə̀m kò.

Hibùlù 11:8

À fə̀ lo bòʼ Abə̀làhâm fə̀ boo fughu tsughu â Zə̀ kò e fə̀ ghəŋlo enyəa ù zuw dzə̀ e Kə̀zə̀ aŋghəa Zə̀ kə̀ fə̀ tɔŋɔ wə̄n enyəa ù ndùw an lùʼù kəla ù fə̀ ki alendùw zə. Ù n sə̀ nùghù ndùw a fughu mò ù kwò yo luʼu kəla ù mò nduūw a fughu.

Hibùlù 5:9

A m bùghò ù bùghò doʼò kɔʼ fəgha kəla ù mò ki alelo ghè kò, Zə̀ kə ŋ ghəə̄ŋ tsughu enyəa ghî ghəla ghe boō fughu a wə̄n e lo alezə tuw kəla kə doʼò tən.

1 Pità 1:22

Ghəa e lô êzə̄ŋ enyəa səŋò zəla ghɛ̀ zoʼn kele kɔʼ ghɛ̀ yia bwiī a te ŋ ghɛ̀ sûw màʼà, ghɛ̀ yia ləghaa ghue zɛʼɛ zo tò waazə̂, e kuū ləghaa nlò ghue zɛʼɛ zo am fə̂ŋ è mɔ̀ʼ.

1 Pità 4:17

Tɔŋlo enyəa nəgha zə m kpe â Zə̀ kò alesāʼ mbī, mò ù bùʼù kàʼa nùghù tsùghù dzə̀ a zəŋò ghì a wə̄n gho. Abugho saʼ tə te tə ki alekaʼā nughù tsughu a zəŋò sɛ̀ wɛ a Kəzə̀, e lo bòʼò bǒo ênzə̂n a zəŋò ghì ghəla ghe lo mo ghe boom yo làbəlà e Kəzə̀ a?

2 Pità 2:18

Ghe kɔʼso kaŋlo èghue, kə̀a shwaʼ ù laʼso wo, nìi kɔ̀ʼɔ ghəa ghəla ghe nûuŋ kaŋlo a te, tsʉ̀a bòon ndùw ghì ghəla ghe kuʼù nughù ti sə wo am bvʉa e ghì ghəla ghe mughu dzə̀adzə̀ kə e mùghù kò.

Edêe Fughu 18:3

Aghî a dzə̀m an naʼàʼ ten n dzə̀m m mʉ mɔ̀m lʉ ŋ wə̄n mò an dzə̀adzə̀ tə aghəa tə wə̄n təla ù gheŋlo, dwə̀ŋ u mbī vʉa u nûuŋ ghue zo ghèe ghee, ghî a mbòʼkùm yia ghaʼ kɔʼ am bàm e wə̄n bòʼ aŋghəa ù ŋgeē ləghaa fʉgha u mbī wo.”

Edêe Fughu 2:20

Ŋ̀ kuuwn ki ko ghəa zə̄n e mɔ̀ʼ Ǹ saʼā ghɛ a te; ghɛ gbən zə̀ghàa màʼà tsùghù wìzən wəla ghe tɔŋlo enyəa à lò Dzɛzɛ̄bɛ̀l, wìzən wəla ù dzɛ̀ enyəa e lo zən ù ùshʉ̀ghà, mo tsʉ̂ e wə̄n e nyuuŋ nùghùun ndùw kɔ̀ɔ maŋa enyəa ghe e ndzaŋa naʼ zo alo enùŋlò, ghe e zəa sugho fʉgha wəla ghe sɛ̂ nduw â mùʼù mò.