Gàlashìan 2:9 - To kə Kəzə̀ kə̀ Fughu ko

⁹ A m bùghò Pità ghèe Dzɛ̂ms asùghò Dzɔ̌n, ghî ghəla ghiī a fə̀ kwo tǒ tsôʼ tə dzeŋe kə ghì a Kəzə̀ tə̀ səŋò tò kele tsughu enyəa à fwàʼ kən â mùghò fughu Kəzə̀, ghe n tɔɔŋ zùw wò ghàʼ à Bànabàs, fùghù ghàʼ â ghu ko aledèe tsughu enyəa ghe ŋ ghàʼ kpenì, enyəa ghaʼ à ghee êzəŋ e lo alo kəfəgha kə̀ mɔ̀ʼ. Ghàʼ à ghee n tsughu boo tsughu enyəa ghàʼ à Bànabàs è naʼn nduw tum è Kə̀zə̀ â Tòʼò zò, to ghe e kuuwn naʼn nduw â Dzûu tò.

Gàlashìan 2:9 Iomraidhean Croise

Matìo 16:18

Ǹ so Ǹ dzâa wô â ghù enyəa ghù lò Pità, mo e moʼnlò enyəa, à lò kənɛ, kəla Ǹ lo bəghaa tiso kɔʼɔ dzeŋe kə ghì a Kəzə̀ kaŋa ko a te, mo vʉ e kê bùʼ tsò yò aletughu tsəghà dzeŋe kə te ko.

Lûk 22:8

Yɛso n tum tsughu Pità ghèe Dzɔ̌n â ghee enyəa, “Ndǔw ghəəŋ tsughu nlò fəghàzəa kə kəzə kə̀ Ezəŋsō naŋa ko, a lô zəā.”

Dzɔ̌n 1:42

Ù n nì ndùw wə̄n a vʉ̀a Yɛso. Yɛso n lɛɛn ko wə̄n enyəə, dzɛ̀ a wə̄n enyəa, “Ghù fɛ lo Sàemò Pità tɔɔŋ wɛ ù Dzɔ̌n. A lô ghù êzəŋ tɔŋlo enyəa à lò Sefàs; mo e moʼn tsùghu enyəa, ‘À lò Pità (ŋkāa Kənɛ.’ ”)

Kə̀fwàʼ 12:17

Ù m fòʼ kɔ̀ʼ aŋ ghu kə wə̄n â ghee enyəa ghe doʼò tsughu mɔŋ, daŋso teso dzɛ̀ ndùw ghəa Mughubè ù te mò nî nughù sə wo wən a te an ndughutsāʼ â ghee. Ù m bùghò bàʼso tsughu enyəa, “Dzǎa ndùw ghəa ghən â Dzɛ̂ms ghèe ghê ghì ghəla ghe lo mo ghe m boo.” Ù n daŋso nùghù è tsughu nùghù ndùw luʼū tə wə̄n.

Kə̀fwàʼ 15:13

A m bùghò ghe ndôʼ kə̂aa mɛʼɛ̀ tsughu, Dzɛ̂ms m bɛ̀lɛ̀ ndùw enyəa, “Waazə̂ ghò, zuw tsughu nlò ghɛ;

Kə̀fwàʼ 15:7

A m bùghò ghe pfʉ dzughu zo aŋ ghəa e te zo, pfʉ; Pità n nùghù è kɔʼ dzɛ̀ â ghee enyəa, “Waazə̂ ghaŋa gho ghɛ̀ kwo nû enyəa sûesʉ Zə̀ kə fə̀ shiā sə wo mugho am bvʉa zɛʼɛ̄ enyəa Ǹ naʼà ndûw shwaʼ ù dzûŋ wən â Tòʼò zò, to ghe zuw, ghe boō fughuu tsughu.

Kə̀fwàʼ 4:36

Dzùghùsî wən fə̀ sə an tigh kə Lɛvì mò ghe wə̄n dzə an naʼ e Saepə̀lùs, tum tə Kə̀lestò tə n təghàa tsughu zən e wə̄n enyəa à lǒ Bànabàs (mo e môʼn tsùghuu enyəa, Ghù wəla ù dzə̀la fə̂ŋ tə aghì tò),

Lumà 1:5

À lò am bàm e wə̄n Zə̀ kə̀ mò dê mughò â dzɔ̀ e wə̄n zo, nì kɔ̀ʼ mugho an tum e wə̄n aŋ ghəa e Kə̀lestò, aleghəŋlo enyəa aghî an nàʼa ten tə dzə̀m, am mbī mô boo fughuu ndûw â Kə̀lestò, ghe e zuuw sugho â wə̄n.

Lumà 12:3

À lǒ bòʼ dzɔ̀ zəla Zə̀ kə̀ mò dê tsughu â mùghò, Ǹ dzâa wô â ghɛ̀ a dzə̀m enyəa, Kà nlò è ŋgeē kɔʼso tsəghaso ghue zo aŋghəa ghɛ̀ ki alekɔʼsō a te. Ghɛ̀ laam maʼa tsughu nlò ghue zo aletɔʼɔ̄ moʼn tsughuu ghəa zo, ghɛ̀ è lɛɛn tsəso tsughuu ko ghue zɛʼɛ zo am fə̂ŋ zəla Zə̀ kə̀ ghəŋlo enyəa ghɛ̀ gaʼ wo a zəŋò wə̄n.

Lumà 15:15

Mùghò ŋ ghəa gho â ghɛ̀ dô tɔ̀m wò kùu ndùw tuw u aghəa u lì wo alezə̀əŋ wô ghɛ̀ a te. Ŋ̀ ghəa ghən dôo ghəŋlo bòʼ dzɔ̀ zəla Zə̀ kə̀ dê tsughu â mùghò,

1 Kòlentìan 15:10

M̀ fɛ kuuwn lò ko fəgha kəla Ǹ lo ghè kò bòʼ dzɔ̀ e Kəzə. Dzɔ̂ zəla Zə̀ kə mò dê wo â mùghò, kə ka mo sâaŋ màʼà dzə̀. Mùghò ŋ kòom kuuwn biso fwàʼ tsəghà tsùghu ghee a dzəm, à mò buʼ yo mugho, à mò lo dzɔ̂ e Kəzə zəla e lo a zəŋò mùghò.

2 Kòlentìan 11:5

Ghî ghəla ghe toō ko num enyəa à bìso lǒ ghee tum tə Kə̀lestò to, Ŋ̀ kwo dzə yo enyəa ghə̂an fə̀ li fə lo nû ghe tsə̀ghàsə mugho a te.

2 Kòlentìan 12:11

Mùghò m fə̀n fəgha kə̀ laʼso ko mò à ghə̌əŋ ghɛ̀, mò à lǎam lò ghɛ alekɛɛ mugho, tɔŋlo enyəa ghəa M̀ bûʼ buw ko fəgha ko, ghî ghəla ghe toō num enyəa ghe lo kɔ tə tətūm, Ŋ̀ kwo dzə yo enyəa nyàaŋ fə eghəa fə̀ lo nû ghe tsə̀ghàsə mugho a te.

2 Kòlentìan 8:4

Ghe ŋ kûu bùʼu wò kə̀ghu â ghàʼ enyəa ghàʼ zəghàa tsughu ghee ghe e yosō nduw sugho ghî à Kəzə̀ ghəla a ghe mò laā an Yɛ̀lusalɛ̀m.

Gàlashìan 1:16

Kə n lə̀ghà tsùghù sùghò aledèe wô Wɛ ù Wə̄n â mùghò aŋ ghəa ghəla Ǹ lo alendùw zughòo zən e wə̄n â Tòʼò zò. Ghəa Ù fə̀ tɔŋɔ̄ tsughu dzə̂ mugho êzə̀, mùghò ŋ kè kôom ndûw bvʉā zuūw dzə̂ aŋ ghulô fəgha kə nsɔ̌ɔŋnchùw kə̀ li ko.

Gàlashìan 1:18

A m bùghò nûu tə̀ tsəghà tsughu tə təgha, mùghò n nùghùu kɔ̀ʼ ndùw an Yɛ̀lusalɛ̀m alendùw bwîin kôʼ Sɛfàs tɔɔŋ Pità, mùghò n dòʼò kə̀ŋo ndùw ghàʼ à wə̄n alo ntsuʼu eghə̄m à ghè mò n tɛ̀.

Gàlashìan 2:1

A m bùghò nûu tə̀ tsəghà tsughu eghə̄m à ghè tò tə chìakò, mùghò ŋ kòom kɔʼ kpeʼe ndùw an Yɛ̀lusalɛ̀m ghàʼ à Bànabàs. Mùghò n nì kɔ̀ʼ Taetùs, ndùw ghàʼ à ghee.

Gàlashìan 2:2

Mùgho fə̌ fughu kɔʼ mò à dè tsùghù Kəzə̀. Mùghò n nì kɔ̌ʼ tum təla tə kwu kele dzeŋe kə ghì a Kəzə̀ kò an Yɛ̀lusalɛ̀m, kɔ̀ʼ zə̀m dòʼò tsùghu ghàʼ à ghee, nì tèso dzɛ̀ kɔ̀ʼ ndùw làbəlà è dzùŋ zəla Ǹ naʼnlo â Tòʼò zò â ghee; enyəa e kwo zə e doʼò enyəa Ǹ tuwnlo m̀mughū alo kəsàʼnlo ŋkāa mùghò m mùghù mò alo kəsàʼnlo tuuw.

Gàlashìan 6:3

Tɔŋlo enyəa abugho ghùw mòʼò enyəa e lo fəgha kə̀ li ko mò ù bùʼ yò dzə̂ kə ghee, ù fi tsêe ghue ū wə̄n.

Efɛsùs 2:20

Ghɛ̀ ti sugho am bə̀ghàan kəla tum tə Kə kəze tə mò bəgha naŋa kɔ̀ʼ ghèe ghê ghiīshʉ̀ghà gho, mò à lo Kə̀lestò Yɛso ghuūghùe u wə̄n tia zə ebūw zo.

Efɛsùs 3:8

Ghəa e bûʼ lô ko enyəa Ŋ̀ kâ tso kɔ̀ʼ kpe to ghe e tɔŋɔ mùghò enyəa Ǹ lo ghùw ù Kə̀zə̀, ghe fə̌ fwàʼ kən kə fughu wo â mùghò alezùghò naʼa kum e ne zəla e lo am bàm e Kə̀lestò â Tòʼò zò,

Kòloshìan 1:29

Zə lo e ghee Ŋ̀ kûu dzəlà tsughuu sə̂ŋ zò alefwàʼ an daʼa kəla Zə̀ kə mò fughu à mùgho, kəla kə fwaʼa a zəŋò mùghò.

1 Timotì 3:15

abugho M̀ bûʼ loʼn ko nû mò Ŋ̀ kâ mba bùghò, ghɛ ŋ kwo aŋghəa ghɛ̀ lo alenaŋso ghuw kə ebwìi kɛʼɛ ko a te am bvʉa zɛʼɛ, ghî a Kəzə̀, mò à lò dzeŋe kə ghì a Kəzə̀, Zə̀ kəla kə mughu, nyə̀la kəla kə nyə̂n kele səŋò zò.

1 Dzɔ̌n 1:3

Ghàʼ fɛ dzâ wò ghɛ̀ â fəgha kəla ghàʼ lo mò ghàʼ n zuw, kòʼ è sugho, ghàʼ fɛ â ghɛ̀ dzâa wò aleghəŋlo enyəa sɛ̀ təmadzəə̄ŋ kɔʼ alo kəfəgha kə mɔ̀ʼ, tò aŋghəa ghàʼ lo alo kəfəgha kə mɔ̀ʼ ghàʼ à ghê Tsele àsùghò Wɛ ù Wə̄n, tɔɔŋ Yɛso Kə̀lestò.

Edêe Fughu 3:12

Ǹ lo ghəəŋ tsughuu nù ghùw wəla ù ghaʼ tsughu bo zo ù dòʼò tsughu kənyàla an tsughu e Zə̀ kaŋa, mò ù kè kòom zə̀ghàa màʼà kòʼ tsə̀ghà yò luʼū kə te ko, Ǹ lo tɔɔ̄ naŋā tsughu zən e Zə̀ kaŋa a zəŋò wə̄n, àsùghò zən e naʼ e Zə̀ kaŋa ko, tɔ̂ɔŋ Yɛ̀lusalɛ̀m è fughu zəla è kè səā tsughuu wô alo kəwālā, Zə̀ kaŋa kə fughu tsughu wo. Ǹ lo tɔɔ̄ naŋa tsughuu sughò zən zaŋa è fughu zo a zəŋò wə̄n.’