Gàlashìan 2:6 - To kə Kəzə̀ kə̀ Fughu ko

⁶ Ghî ghəla ghe fə̀ dzɛ enyəa ghe lo tətsoʼ a fughu an dzeŋe ke te ko — kaa ghe fə̀ lo kwò kə ghee ko, e mò moʼo yo ghə̂a è li zo â mùghò; tɔŋlo enyəa Zə̀ kə̌ ghùw lɛ̌ɛn dzə̀ yò aŋ kòʼ e wə̄n. Ghî ghən fə̀ ki dzə yo ghəa è li zo tò kəsànlo ghe lo alefughuu wô â mùghò.

Gàlashìan 2:6 Iomraidhean Croise

Matìo 22:16

Ghe n tùm ndùw tsə̀təndə̄ghā tə ghee ghèe ghê ghì a Hɛlɔ̀d à li gho a vʉ̀a Yɛso; ghî a tum yi ghə n ndùw dzɛ̀ â wə̄n enyəa, “Wàdè, ghàʼ kûm kwò nû enyəa, ghù lǒ ghùw wə̀ èsəŋò, ghù vʉ̀a ghù kùu zoʼn sugho ghî ghò â səŋò zò aŋ ghəa a Kəzə̀. Ghù bùʼù nǎaŋ yo tuūŋ ko aŋ ghəa ghəla ghî à moʼò an tsʉ̀ zəla ghùw fughuu â ghì ghò, ghù vʉ̀a ghù naāŋ sughò yô sə zo am fəgha kəla ghùw lǒ ghè kò.

Mâk 12:14

Ghe m bùghò dzɛ̀ â wə̄n enyəa, “Wàdè, a kwo nû enyəa ghù ghûw ù tsəghatsəgha, lɛɛn sùghò yò tûe kə ghûw kò; nu ghù kà ndòʼ nàŋà tuūŋ ko am fəgha kəla ghùw lǒ ghè kòʼ, ghù bɔ̌ɔm tèlè dèe ndùw ko dzì è Kə̀zə̀. Lâŋ kə̀ dê nù enyəa a e chuuw mwàʼsò kò â Də̀ŋ kə Lumà kò ŋkāa a ki yo alechuw à?

Lûk 20:21

Ghe m bvʉ̄ fì â wə̄n enyəa, “Wàdè, ghàʼ ŋ kùum kòʼ enyəa ghù kə̀aa èsəŋò, ghù vʉ̀a ghù tsʉ̀a dzɔ̂ɔ sughò ghî ghò, bàa yò kpiī wo, ghù lǎam bɔɔm zoʼnlo àghì an dzə̂ è Kə̀zə̀.

Kə̀fwàʼ 10:34

Pità fi kaʼ tsughu nû ghəa à kəaa gho. Ù n nì tsùghù enyəa, “Kùmkùm mùghò ŋ kòʼ enyəa Zə̀ kə̀ bâa yò kpiī wo,

Kə̀fwàʼ 5:36

tɔŋlo enyəa a fə̀ bugho fɛ an tì kə̀ li ko Tǐodàs n nùghù kɔ̀ʼ fɛ dzàa wò enyəa e lo sugho ghùw ù lì, bɔm tə aghì tə̀ n tsə̀ghà tə̀ŋò ndùw a bǎà wə̄n tò təchìakò. Ghe ŋ wi tsughu wə̄n, dzùm sàaŋ màʼà kɔ̀ʼ ghî ghə̀n à dzə̀m ghe mò tsəghà təŋò doʼò nduw a bǎà wə̄n, dzeŋe kə wə̄n kə te kə m kpùw è nduw.

Lumà 2:11

Nu Zə̀ kə̀ bâa yo kpii wo.

2 Kòlentìan 11:5

Ghî ghəla ghe toō ko num enyəa à bìso lǒ ghee tum tə Kə̀lestò to, Ŋ̀ kwo dzə yo enyəa ghə̂an fə̀ li fə lo nû ghe tsə̀ghàsə mugho a te.

2 Kòlentìan 12:11

Mùghò m fə̀n fəgha kə̀ laʼso ko mò à ghə̌əŋ ghɛ̀, mò à lǎam lò ghɛ alekɛɛ mugho, tɔŋlo enyəa ghəa M̀ bûʼ buw ko fəgha ko, ghî ghəla ghe toō num enyəa ghe lo kɔ tə tətūm, Ŋ̀ kwo dzə yo enyəa nyàaŋ fə eghəa fə̀ lo nû ghe tsə̀ghàsə mugho a te.

2 Kòlentìan 5:16

À fì lò enyəa alenìi nughù tsughu êzə̄ŋ ndùw â sə ko, sɛ̀ ki dzə yo aletsòo nìi ko ghùw aŋghəa ghî à koʼò ndûw kôʼ e wə̄n zo a te mbuu sɛ̀ fə̀ bûʼ nî dzə Kə̀lestò aŋ kôʼ e wə̄n, sɛ̀ yia kôom yo alenì wə̄n êzə̀ êzə̄ŋ.

Gàlashìan 2:2

Mùgho fə̌ fughu kɔʼ mò à dè tsùghù Kəzə̀. Mùghò n nì kɔ̌ʼ tum təla tə kwu kele dzeŋe kə ghì a Kəzə̀ kò an Yɛ̀lusalɛ̀m, kɔ̀ʼ zə̀m dòʼò tsùghu ghàʼ à ghee, nì tèso dzɛ̀ kɔ̀ʼ ndùw làbəlà è dzùŋ zəla Ǹ naʼnlo â Tòʼò zò â ghee; enyəa e kwo zə e doʼò enyəa Ǹ tuwnlo m̀mughū alo kəsàʼnlo ŋkāa mùghò m mùghù mò alo kəsàʼnlo tuuw.

Gàlashìan 6:3

Tɔŋlo enyəa abugho ghùw mòʼò enyəa e lo fəgha kə̀ li ko mò ù bùʼ yò dzə̂ kə ghee, ù fi tsêe ghue ū wə̄n.

Hibùlù 13:17

E zuuw nduw nlò â ghì ghəla ghe lô tsoʼ tɛʼɛ to, ghɛ̀ è ghəəŋ nduw ghəa ghəla ghe dzâa wo. Ghe lɛnlo â ghɛ̀, nu ghe lo ki aleteso dzɛ̀ â Zə̀ kò ghəa ghən a dzə̀m ghe fə̀ fwaʼ â ghɛ̀. E zuuw nduw nlò â ghee to ghe fwaʼā â ghɛ̀ alo eduʼnlo. Ghɛ̀ lo alezə kə kwò a te abugho ghɛ ghəŋlo enyəa ghe e mʉŋe zee a?

Hibùlù 13:7

E moʼn tsughuu nlò tsoʼ tɛʼɛ to, tɔ̂ɔŋ ghì ghəla ghe mò kə̂a wô shwaʼ u Kəzə̀ wò â ghɛ̀. Ghɛ̀ e moʼn tsughuu ghəa a dzûŋ ghəla mughu e ghee e fə̀ deē, ghɛ̀ koʼ ni boo zəla ghe fə̀ ki â Zə̀ kò.

1 Pità 1:17

Ghɛ̀ tɔɔŋ tsughu wə̄n enyəa, “Tsele waʼa,” abugho ghɛ̀ gɔ̂ŋlo â Zə̀ kəla kə saʼa ghî ghò mo kə bɔɔ yo sʉ wo am fəgha kəla chìa lo mò ù ŋ ghəŋlo, e fi lo enyəa ghɛ̀ ki aleki tsəŋ e Kəzè zò aŋ nə̀gha zəla ghɛ̀ naām ki fɛ am mbī.