Gàlashìan 2:4 - To kə Kəzə̀ kə̀ Fughu ko

⁴ Ghəa à sughoo a kətigh ghən fə̀ sə kɔʼ wo bòʼ ghî ghə agha à li gho ghe fə̀ ŋgaām nyə wo am bvʉa e ghì a Kəzə̀, ghe n nɔmlo agha enyəa ghe lo ghî a Kəzə̀. Mo e ghee e fə̀ lo ko alebùghò tsêen kôʼ ndzə̀m kə emùghùu kəla a mughu aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò Yɛso. Ghî ghə agha a te ghə n ləghaa enyəa ghàʼ doʼò tsughu ukɔ̂ a bàâ bughōo kə Tə̀dzûu kò.

Gàlashìan 2:4 Iomraidhean Croise

Lûk 5:38

Ghùw lǎam ki aledzə̀n sə̀ŋ zə̀ nlʉ̀ an sùʼ è fughu.

Kə̀fwàʼ 15:1

Ghî à li ghə ŋ kòom ndùw nùghù tsùghù ko an Dzùdîa, bùghò kàʼ wò ghì ghəla ghe boō fughu â Kə̀lestò an Antìok a lùʼù tsʉā wo enyəa, “À gɔ̀ʼɔ̀ mo ghe sugho tigh kə̂a aŋ ghəa bughōo kə Musî kə̀ deē, ghù yò dzə̂ alezə̄ kə̄tūw.”

Kə̀fwàʼ 15:24

Ghəa ghàʼ lô mò ghǎʼ n zuw enyəa ghî à li a mò sə kɔʼ fɛ am bvʉa zaʼā bùghò fə̀mso ghɛ̀ an tsʉ̀ è li zo, sàʼ màʼà tsùghù môʼn zɛʼɛ, mò à kà ghǎʼ ghee bûʼ tùm sùghò.

Kə̀fwàʼ 20:30

Ghî à lī lo buʼù səā kɔʼɔ̄ sugho am bvʉa zɛʼɛ̄ ghe e kaʼn wo ghā gho, alekwuū ŋgwûu tsughu tɔ u ghì a Kəzə̀ enyəa ghe nughù wo a bàâ ghee.

Lumà 8:15

Tɔŋlo enyəa Zuʼ təla Zə̀ kə fughu wo â ghɛ̀ ghə̂əŋ dzə̀ yo enyəa ghɛ̀ doʼò tsughu kɔ̂ wò tò ghɛ̀ è kòom tsəŋo ghəa gho; tə laam ghəŋlo enyəa ghɛ̀ dòʼo tsughu wɛ a Kəzə̀ gho. À lò Zuʼ tə Kə̀zə̀ tə te to tə ghəŋlo enyəa, sɛ̀ è nughuun diī ndùw â Zə̀ kò enyəa; “Bàba! Tsele waŋa!”

2 Kòlentìan 11:13

Ŋgoʼ è ghì ghən lo tum tə agha, ghî a kə̀fwàʼ à fwəlà a sə aghì ghò, ghe nyə gbəla doʼò kɔʼ tò tum tə Kə̀lestò.

2 Kòlentìan 11:17

Ghəa ghə̀là Ŋ̀ kə̂aa fɛ, Ŋ̀ kə̂aa dzə̀ yò an daʼa kə Mughu ù te, Ŋ̀ kə̂aa tò ghûw ù làʼso, aletɔʼɔ̄ too num enyəa;

2 Kòlentìan 11:20

Ghɛ̀ boom naaŋ nù abugho ghùw nì naŋā ghɛ tò ukɔ̂, ŋkāa zəāa an zuʼso fɛʼɛ̄, ŋkāa tsèe ghɛ̀ nìi nùghùun fʉgha wɛʼɛ, ŋkāa kɔʼso èghue, ŋkāa abugho ù ghəə̄ŋ ko ghəa à nyuɛʼɛ̄ a fə̂ŋ ghò ênzə̂n a zəŋò ghɛ̀.

2 Kòlentìan 11:26

Am bwìi zaŋa zəla Ǹ tsoʼn səā bwîin zeē, dzùghù mò kuŋso ke mugho, ghîitsɔŋɔ ghe wì kè mùghò, Dzûu tə̀ ŋ wì kè mùgho, àsùghò Tòʼò zò. Ghe ŋ wì kè sughò mughò enaʼ, mùghò m kpùw kè sùghò aŋ ŋgwə̄n àsùghò and dzùghùntsòʼ, mùghò n lo sugho an utsù ghàʼ à ghêe fən ghə agha gho.

2 Kòlentìan 3:17

Ezə̀ŋ, Mughubè ù te wən lò Shʉghà u te wo, luʼū kəla Shʉghà u Mughu ù te u lo a fughu, ghî a kôom mùghù yo a tsəlà làŋ kò a fughu.

Gàlashìan 1:7

mò làbəlà è te tso bùʼ yò sugho làbəlà è dzùŋ. Ghî à li yia kuūwn sêe məŋso ghɛ, ghe dəmà ko alefɔɔ̄ maʼà làbəlà è dzùŋ è Kə̀lestò zən.

Gàlashìan 4:25

Hagae lǒ tǒ kwaʼ u Sinae an naʼ zə Alabìa. Hagàe wən fɛ ti a tuw kə Yɛlusalɛ̀m zən nɛ; tɔŋlo enyəa è lǒ tò kə̀kɔ̀ ghèe ghê wɛ a wə̄n gho.

Gàlashìan 4:3

Aŋghəa sɛ̌ fə̀ naam lô tsəgha mo a kaam kele Kə̀lestò, a mò lo tsəghà ukɔ̂ â zʉ̀ wəla u saʼā mbī.

Gàlashìan 5:1

Kə̀lestò mafə sɛ̀ zue sə enyəa sɛ̀ ka kôom fwàʼ sùghò kɔ̂ ko a tsəlā làŋ kò. A fi lo enyəa ghɛ̀ ki alefəghaan tɔʼɔ̀ tēe, e kwo ko ghùw wɛʼɛ lǒ so e bomlo alefwàʼà kpeʼe kə̀kɔ̀ a tsəlà làŋ kə̀ loʼ ko.

Gàlashìan 5:10

Ŋ̀ ŋgaʼ fə̀ŋ a zəŋò Mughu ù te enyəa ghɛ̀ lo kòom zuw yo tsʉ̂ e ghûw ù lì zo, tsə̀ghà sə̌a ko yo tsʉ̂ zəla Ǹ lo mò mùghò m fughu â ghɛ̀. Mò à kôom lò ko ndugho ù fwə̀là sə ghɛʼɛ gho, a lô wə̄n fɔeso ko Kə̀zə̀ abugho ghùw ù te tso lô ko kwò ko.

2 Timotì 3:6

Ghî à li gho aŋ ghì ghən nyəa kaāŋ tsə̀ghà ndùghù tə̀ndughū, ghe tsèe ndùw yìzən ghəla ghe ki fə̂ŋ tə̀ tsəəŋ to. Yîzən ghən lo ghəla bôo tə ghee tə lo mo tə ŋ ghee tsəghàsə, ghe yia a səā sugho â sə gho am fʉgha u mbī wo.

Dzɛ̂ms 1:25

Abugho ghùw kuuūwn tɔ̂ʼ naŋa tsughu tuw ko an làŋ kə̀ səŋò kò, lâŋ kəla kə bəghaasəa ghî ghò, Zə̀ kə̀ lo bughuso nǔ ghùw ù te, abugho ghùw ù te fwàʼà səā ndûw ghəa a te gho mò ù zə̌ən ko yo (ghəa ghəla lâŋ kə te deē) an tùʼ è zəən zo, nìi zə̀a ndùw.

1 Pità 2:16

Mughu tsughu nlǒ tò ghî ghəla ghe mughu ndzə̀əm kə emùghù kò; e kwo ko ŋgòʼ e èmùghù zən lo sô e doʼn tò kəndzə̀ghā â ghɛ̀ aleghəəŋ bo zo, e kuuwn mughu nlò tǒ kɔ̀ɔ ŋ Kə̀zə̀.

2 Pità 2:19

Ghê wàdè ghə agha a te a zoʼn ndùw ghee a te gho enyəa ghe e ndzə̀m mughu, lo êzə̀ mo ghuūghùe e ghee lo ukɔ̂ â bo zo. Zə êzə lo bòʼ enyəa abugho ghəa enyə tughu tsughu a zəŋò ghùw, ghùw ù te m fwə̀n dòʼò ndùw kə̀kɔ̂ a bǎà ghəa e te zo.

1 Dzɔ̌n 4:1

Fən ghaŋā gho, kâ nlò e tsoō boom fughu ko â ghî ghən a dzə̀m ghe dzɛ̂ enyəa ghe ki Zuʼ tə Kəzə̀ mò ghɛ̀ kâ ghe bûʼ mɔ̀msò kòʼ tsughu dzə̀ alekele enyəa à Zuʼ tə te tə tə̂əm fughu to Kə̀zə̀ à; tɔŋlo enyəa ghiīshʉ̀ghà ghə agha a dûuw nù am mbī.

Dzûd 1:4

Tɔŋlo enyəa ghî à li ghə n nyɛʼɛ bùghò tsɔŋ tsə̀ghà nyə am bvʉa zɛʼɛ mo ghe fughuu yo kɔʼso mò â Zə̀ kò, nu ghe nî kɔ̂ʼ dzɔ̂ e Kə̀zə̀ fwə̀n naŋa tsughu enyəa alo dzì â ghee aleghəəŋ kaāŋ dzə̀adzə̀ tə aghəa to a te. Aghî tò ghən, ghe mafə ki tɔm naŋa aŋghəa ghe lo baā mbɛ̄ a te an tuw kə ghee. Ghe tuu màʼn sùghò Yɛso Kə̀lestò wəla à mìaa ko wə̄n Mughùbè ù sɛ̀.