Gàlashìan 2:3 - To kə Kəzə̀ kə̀ Fughu ko

³ Taetùs wəla ù fə̀ bûʼ lô ko ghàʼ à wə̄n, aŋghəa ù bûʼ lô ko ghùw Gə̀lêk, e fə̀ telē yo dzə̂ enyəa ghe ki alesugho tigh kə wə̄n.

Gàlashìan 2:3 Iomraidhean Croise

Kə̀fwàʼ 15:24

Ghəa ghàʼ lô mò ghǎʼ n zuw enyəa ghî à li a mò sə kɔʼ fɛ am bvʉa zaʼā bùghò fə̀mso ghɛ̀ an tsʉ̀ è li zo, sàʼ màʼà tsùghù môʼn zɛʼɛ, mò à kà ghǎʼ ghee bûʼ tùm sùghò.

Kə̀fwàʼ 16:3

Pôl n ləghaa enyəa to Timotì mò nughu wô a bàâ ghee; ù ŋ ghəŋlo è tsughu ghe n sugho tsughu tigh kə Timotì bòʼ Dzûu təla tə mò mughù kaŋlo an lùʼu tə te to, nu ghee a dzə̀m mò kwo nû enyəa tsele ù Timotì lǒ ghùw Gə̀les.

2 Kòlentìan 2:13

Zə ŋ kuuwn fə̄msō mùghò enyəa Ŋ̀ kâ wàazə̀ ù sɛ̀ Taetùs fughu kôʼ dzə̀. M̀ fi dzɛ̂ nù â ghee fughu enyəa ghe doʼò kədzûŋ, mùghò n nùghù dàŋso ndùw e zaŋā zo am mbùʼ e Màsɛ̀donìa.

Gàlashìan 2:1

A m bùghò nûu tə̀ tsəghà tsughu eghə̄m à ghè tò tə chìakò, mùghò ŋ kòom kɔʼ kpeʼe ndùw an Yɛ̀lusalɛ̀m ghàʼ à Bànabàs. Mùghò n nì kɔ̀ʼ Taetùs, ndùw ghàʼ à ghee.

2 Timotì 4:10

Dɛ̀mâs ŋ kele sə à səa gho a m fʉgha u mbī wo, vʉ̀a ù zə̀ghà maʼà tsughu mugho, nùghù nduw an naʼ e Tɛ̀sàlonikà. Kə̀lesɛ̀ns maā nughù ndùw an Gàlashìa, Taetùs n nùghù ndùw an Dàmatìa

Taetùs 1:4

M̀ mwàʼsò kən fɛ tɔɔ wò â ghù a Taetòs, ghù kùm lǒ wɛ waŋā ù sə̀ŋò bòʼ ghàʼ à dzeŋe boo fughu â Kə̀lestò Yɛso. Gɔ̂ɔŋ zaŋa e lo enyəa to Kə̀zə̀, Tsele ù te, àsùghò Yɛso Kə̀lestò wəla ù Bəghāasəā sɛ̀, mô fughu ghû â bughuun zo, à dzùŋù mò.