Gàlashìan 2:21 - To kə Kəzə̀ kə̀ Fughu ko

²¹ Ǹ yo dzə̂ aletuū maʼà ghəa zən enyəa Zə̀ kə̀ maā sɛ̀ bəghasə am fə̀ŋ è wən è dzùŋ zəla kə ki a zəŋò sɛ̀. Abugho ghùw mò doʼn ghûw tsəghatsəgha an sə kə Kəzə̀ bòʼ enyəa ù naāŋ kò, to e mò fi lo enyəa Kə̀lestò mò kpuw maʼa kə̀nughùnùghù.

Gàlashìan 2:21 Iomraidhean Croise

Mâk 7:9

Ù n nùghù dzɛ̀ tsùghù â ghee enyəa, “Ghɛ̀ tɔ̂ʼ kì tsughu dzì è dzùŋ ènyə aletuū maʼà tsughu lâŋ kə Kəzə̀ enyəa ghɛ̀ kuuwn naŋa lâŋ kə enaʼ kɛʼɛ̄ ko!

Lumà 10:3

Ghe kaam kwo dzə yo dzì zəla Zə̀ kə̀ naāŋ ghùw a te tsəghatsəgha a vʉ̀a wə̄n, Ghe ŋ kuuwn də̀m è tsughu, kəŋ tsughu è ghee dzì alelo tsəghatsəgha a te. Ghe ŋ kè kuuwn boō dzì zəla Zə̀ kə̀ nîi ghî ghò a te enyəa ghe doʼò tsəghatsəgha a vʉ̀a wə̄n.

Lumà 11:6

Zə̀ kə mô ghee shiāa kɔʼ an dzɔ̀ e wə̄n, à fə̀ yo dzə am fwàʼ kə̀ li ko ghùw u ghee fwâʼ tsughu. Abugho a mô nîi nduw enyəa à lǒ bòʼ fwàʼ kə̀ li ko, to dzɔ̂ e Kəzə̀ è mô kì yo daʼa ko.

Lumà 4:25

Yɛso wəla Zə̀ kə fə̀ fughu sə wo enyəa u kpuw bòʼ bòo tə sɛ̀. Zə̀ kə n zòm nùghù kɔʼ wə̄n alo evʉ enyəa to Zə̀ kə̀ mô nîi naŋa sɛ̀ aŋ ghì a tsəghatsəgha gho.

Lumà 8:31

Abugho ghəa alo enyə, a n lo to a e dzɛ̂ èndugho a te à? Abugho Zə̀ kə̀ ti sɛ̀ à ghee, ghùw wəla ù kòom lo tò ù è tsûuwn lɔ̀m kə sɛ̀ à lò ndughoō?

1 Kòlentìan 15:14

Abugho ghe mò dôʼkè zôo nughù kɔʼ Yɛso alo evʉ, à fi lo enyəa shwaʼ wəlà ghàʼ naʼn wô fɛ, u lo kə̀nughùnùghù, àsùghò enyəa fə̀ŋ zɛʼɛ zəla ghɛ̀ gaʼ a zəŋò Kə̀lestò lò sugho kə̀nughùnùghù.

1 Kòlentìan 15:17

Abugho ghe mò dôʼkè zôo nughù Kə̀lestò, ghɛ̌ fə̂ŋ fi gaʼ màʼà a zəŋò wə̄n kə̀nughùnùghù, àsùghò enyəa ghɛ̌ fi naam mùghù ko aŋ ghəa à biigh gho.

1 Kòlentìan 15:2

Zən lǒ làbəlà zəla è lo ghəŋlo Zə̀ kə̀ lo bəghāsə̄ ghɛ, abugho ghɛ̀ tɔ̂ʼ kwu kele tsughu shwaʼ wəla mùgho mò bugho naʼa, buw êzè, à f lo enyəa fəgha kəla ghɛ̀ moʼò enyə ghɛ̀ mò boo fughu a te fi lo kènughùnùghù.

Gàlashìan 2:16

a kwo sugho nû enyəa ghùw dòʼn dzə̀ yǒ ghûw ù zɔ̀lɔ a vʉ̀a Zə̀ kò enyəa so ù nàŋa tsughu kəlâŋ, à lǎam lò abugho ù gaʼ tsughu fə̀ŋ e wə̄n a zəŋò Yɛso Kə̀lestò. Zən lò e ghee ghàʼ boō fughu ndûw sugho â Kə̀lestò, enyəa ghàʼ doʼò tsughu ghî à zɔlɔ gho am fə̀ŋ zəla a gaʼ tsughu a zəŋò Kə̀lestò Yɛso, à yò dzə̂ làŋ kə̀ naaŋ ko; tɔŋlo enyəa abugho à lò ko an làŋ kə̀ naaŋ ko, ghùw yò aledòʼò ghùw ù zɔ̀lɔ.

Gàlashìan 2:18

Abugho Ŋ̀ kôom bəgha tiso kɔʼ lâŋ kəla Ǹ lo mò M̀ maā sâʼ màʼà, M̀ fi ghə̂əŋ ghue waŋa tǒ ghùw wəla ù zaʼā lâŋ kò.

Gàlashìan 3:21

À lò enyəa lâŋ kə te kə boom dzəəŋ yo ghèe to u Kəzə̀ wò à? À dɔ̀m yò dzə̂ êzə̀! Abugho ghe mô fughuu wô lâŋ kə̀ li ko mo kə ghəŋlo enyəa ghùw dòʼò â tuw ko, to ghùw mò dòʼn nù tsəghatsəgha abugho ù naŋā tsughu lâŋ kò.

Hibùlù 7:11

Abugho e lò enyəa fɔ̀e təla tə sə an tigh kə Lɛvì fə̀ fwaʼa dzɔɔ̄ nu fwàʼ kə ghee ko, (nu à fə̀ lo a tsəlà ghee ghî a mò zuuw nduw lâŋ ko) to Zə̀ kə̀ ka fə tum wò dzə fɔ̀e e nughù an dzə̀ tə Mɛ̀chisɛdɛ̀k, mò à yò dzə̂ an dzə̀ tə Ɛlɔ̀n.