Gàlashìan 2:16 - To kə Kəzə̀ kə̀ Fughu ko

¹⁶ a kwo sugho nû enyəa ghùw dòʼn dzə̀ yǒ ghûw ù zɔ̀lɔ a vʉ̀a Zə̀ kò enyəa so ù nàŋa tsughu kəlâŋ, à lǎam lò abugho ù gaʼ tsughu fə̀ŋ e wə̄n a zəŋò Yɛso Kə̀lestò. Zən lò e ghee ghàʼ boō fughu ndûw sugho â Kə̀lestò, enyəa ghàʼ doʼò tsughu ghî à zɔlɔ gho am fə̀ŋ zəla a gaʼ tsughu a zəŋò Kə̀lestò Yɛso, à yò dzə̂ làŋ kə̀ naaŋ ko; tɔŋlo enyəa abugho à lò ko an làŋ kə̀ naaŋ ko, ghùw yò aledòʼò ghùw ù zɔ̀lɔ.

Gàlashìan 2:16 Iomraidhean Croise

Dzɔ̌n 20:31

ghe ghəa ghən fɛ kuuwn tɔm naŋa aleghəə̄ŋ tsughu enyəa ghɛ̀ boo fughu enyəa Yɛso lǒ Kə̀lestò, Wɛ u Kə̀zə̀, àsùghò enyəa, am boo zɛʼɛ̄ to ghɛ̀ mo kele mughù zò an zən e wə̄n.

Kə̀fwàʼ 4:12

Tuw kə̀ zəa kə kôom yò dzə̂ aŋ ghûw ù lì, tɔŋlo enyəa zən è li e kôom yò aŋ ghueekətsə̄ ghe fughu â ghùw fɛ am mbī sɛ̀ ki alezə̄ kətuw a te.”

Lumà 1:17

Làbəlà è dzùŋ zən dêe fughuu wò dzì zəla Zə̀ kə̀ ghəŋlo a te enyəa ghùw è lo tsəghatsəgha a vʉ̀a wə̄n; mò a lò ko â ghì ghəla ghe tɔ̂ʼ boo fughu â wə̄n alendùw tâa ndûw. E fɛ nyoʼn lò aŋghəa ghe tɔm naŋā am mwàʼsò kə Kəzə̀ enyəa, “À lô tuw kə zəa ghùw wəla Zə̀ kə̀ ghəə̄ŋ tsughu enyəa ù è lo tsəghatsəgha a vʉ̀a wə̄n bòʼ fə̀ŋ zəla ghùw ù te gaʼ tsughu a zəŋo Zə̀ kò.”

Lumà 3:30

Zə̀ kə̀ lo ko kə mɔ̀ʼ, e fi lo enyəa kə lo ghəəŋ nù enyəa Tə̀dzûu àsùghò ghì ghəla ghe yô Dzûu tò dòʼò tsəghatsəgha a vʉ̀a wə̄n an dzì è mɔ̀ʼɔ bòʼ fə̀ŋ zəla ghe gaʼ tsughu a zəŋò Yɛso.

Lumà 4:2

Abugho e mò lo enyəa Abə̀làhâm fə̀ tsəghatsəgha a vʉ̀a Zə̀ kə̀ doʼo mò à lò fwàʼ kə wə̄n, to ù mò ki ghəa è li zo ù tsɔ̌ɔ fə̀ŋ a te, mò à kǔuwn yo dzə a vʉ̀a Zə̀ kò.

Lumà 4:24

Shwaʼ u te u lo sugho â sɛ̀. Zə̀ kə̀ lô sɛ̀ nîi sùgho aŋ ghì a tsəghatsəgha gho êzə̀ bòʼ sɛ̀ gaʼ fə̀ŋ a zəŋò wə̄n wəla ù fə̀ zôm nughù kɔʼ Mughùbè ù sɛ̀ Yɛso alo evʉ̄.

Lumà 8:3

Tɔŋlo enyəa ghəa ghəla lâŋ kə fə̀ yo aleghəŋlo, bòʼ ghùw nsɔ̌ɔŋnchùw fə̀ lɛɛ kôom nû, Zə̀ kə̀ ŋ ghəŋlo e tsughu. Zə̀ kə̀ n nì kɔ̌ʼ Wɛ u wə̄n tùm nyə̀ wò an ghueekətsə̄ aŋ kòʼ e ghùw mbī tò kefughu, alewiī maʼà èbo.

Lumà 9:30

A lo aledzàa tsughu èndugho êzəŋ à? E lo enyəa Toʼò zəla e mò buʼù kəŋo yo alebùghò doʼò tsəghatsəgha a vʉ̀a Zə̀ kò m bùghò dòʼò, mo ghe bùghò dòʼò tsəghatsəgha bòʼ ghe boō fughu tsughu â Zə̀ kò.

1 Kòlentìan 6:11

Ghɛ̀ â li a fə̀ buʼu ghəəŋ tsəgha sugho ŋgòʼ è ghə̀a ghən. Ghe ŋ kuuwn sùw màʼà tsùghù ghɛ, ghe ŋ ghəəŋ tsùghù è sugho ghɛ̀ n zɔ̀n dòʼò è tsughu, ghe ŋ ghəəŋ tsughu sùghò enyəa ghɛ̀ doʼo tsughu ghî à tsəghatsəgha gho an zən e Mughu ù te Yɛso Kə̀lestò àsùghò an Zuʼ tə̀ Zɔlɔ to.

Gàlashìan 4:5

Wɛ ù te fə̀ bùghò alebùghò zuū sə tuw u ghì ghəla ghe fə̀ mughù tsəgha a tsəlà làŋ ko, aleghəŋlo enyəa Zə̀ kə̀ nîi naŋa wô sɛ̀ tò wɛ a wən.

Gàlashìan 5:4

Ghùw wɛʼɛ wəla ù də̀ma aledòʼò tsəghatsəgha a vʉ̀a Zə̀ kò bòʼ ù naāŋ lâŋ kò, u ŋ ghue u wə̄n u bâʼ nùghù sə a vʉ̀a Kə̀lestò. Ù n naŋa sə̀ ndùw ghue u wə̄n wo an lùʼu kəla ù yò alekòʼ dzɔ̂ e Kəzə̀ a te.

Fèlepìan 3:9

mùghò è kuūm lo fəgha ko kə mɔ̀ʼ ghàʼ à wə̄n, də̀mà yò alelo tsəghatsəgha aŋ ŋgəŋ zaŋā, à yò dzə̂ alelo tsəghatsəgha enyəa Ǹ zûuw làŋ kə enaʼ ko. Mùghò êzə̄ŋ e lo tsəghatsəgha bòʼ boo zaŋā àsùghò fə̀ŋ zaŋa zəla Ŋ̀ gaʼ a zəŋò Kə̀lestò,

1 Pità 1:2

Kə̀zə̀, tɔɔŋ Tsele ù Mughùbè ù sɛ̀ ù te n tsɔʼ kɔʼ ghɛ enyəa ghɛ̀ doʼo ghî a wə̄n gho an tə̀ŋ kəla kə fə̀ fôʼ naŋā, Zuʼ tə̀ Zɔlɔ tə ŋ ghəəŋ tsughu enyəa ghɛ̀ e lo ghî à zɔlɔ gho, enyəa ghɛ̀ e zuuw nduw â Yɛso Kə̀lestò, to aŋghəa kâŋ tə wə̄n an vʉ zəla ù kpuw ghè zò fə̀ sûw maʼà tsughu ghɛ. Ŋ̀ gɔ̂ŋlò enyəa Zə̀ kə̀ mô fughu ghɛ â bughuun zo, kə dêe sughò ghɛ â dzɔ̀ e wə zo naʼ è ndə̀m.

1 Pità 2:24

Ghuūghùe u Kə̀lestò ù mafə boʼò mbuŋ kə təbòo kə sɛ̀ kò alo kədàŋlo, enyəa tò sɛ̀ e lo tò ghî a kpuuwn gho abugho e bughò tɛ̌ tsughu aleghəŋlo ebo, sɛ̀ è mughu mughù e tsəghatsəgha zo. Fəŋ ghəla ù fə̀ kele mafə̄ baaŋ sɛ̀.

1 Pità 3:18

Nu Kə̀lestò fə̀ kpuw ni nughu bôo tɛʼɛ tə dzə̀m enəgha e mɔ̀ʼ nì nùghù tən ko nù, lò êzə̀ mo ù ka fə ghəa è li ghəəŋ boon kòʼ tsəghà, ù m bùgho kpùw an tuw u ghì a biigh gho, alenìi kwəla wô sɛ̀ a vʉ̀a Zə̀ kò. Aŋghəa ghe fə̀ bûʼ wi tsughu ko wə̄n, ghe fə wə̄n wi tǒ ghùw, daʼa kə Kəzə̀ kə̀ n zòm nùghùu kɔ̂ʼ zəŋso kə wə̄n.

2 Pità 1:1

Mùghò Sǎemòn, tɔɔŋ Pità, wəla Ǹ lo ghùw ù kə̀fwàʼ àsùghò tum è Yɛso Kə̀lestò; M̀ fughu wò ètɔŋlo â ghɛ̀ ghəla ghɛ̀ lo mò ghɛ̀ ŋ kele boo zəla e tughuu sugho tò zaʼā zo. À lǒ bòʼ dzɔ̀ e Zə̀ kə sɛ̀ àsùghò e Bəghambī ù sɛ̀ zo e ghəŋlo enyəa sɛ̀ e ki boo zən zo.

1 Dzɔ̌n 1:7

Abugho sɛ̀ kuūwm mughu an tsə̂, tò aŋghəa kə lo an tsə̂, à fi lo enyəa sɛ̀ a dzə̀m lò alo kəfəgha kə mɔ̀ʼ, Kâŋ tə Wɛ ù Wə̄n tɔɔŋ Yɛso, tia tə sûuw maʼn sughò bôo tə sɛ̀ tò tə dzə̀m.

Edêe Fughu 7:14

Mùghò m bɛ̀lɛ̀ kɔ̀ʼ enyəa, “Ŋ̀ kwo yo a Mughùbè, à lǎam kwo ghû.” Ù n daŋso dzɛ̀ â mùghò enyəa, “Ghən fɛ lo ghî ghəla ghe lo mo ghe m fala an ndə̀mà tə aghəa fəgha lə ŋ kè kuūwn nomso ghee, ghe yia sûw maʼà tsughu dàlà tə ghee to aŋ kàŋ tə Tsʉ u Ndzì u te wo, tia tə fə̂m tsughu fùuŋ.

Edêe Fughu 7:9

A m bùgho ghəa ghən tsəghà tsughu, mùgho ŋ kòʼ nɔ̂e kə aghì mò ghùw lì yo aletaŋ, aghî ghe sə kaāŋ wo an naʼà tə̀n tə̀ dzə̀m, an tùu tə̀n tə̀ dzə̀m, sə kaaŋ wò sùghò ndughu tən tə̀ dzə̀m, ghe n saʼâ sàʼà tə nàʼà tə̀n tə̀ dzə̀m; ghe n ti an sə kə ndàŋ è kə̀də̀ŋ è te àsùghò a sə̀a Tsʉa u Ndzì u te wo. Ghe a dzə̀m n lo mo ghe n tə̄m dàla tə̀ famā to a zəŋo e eghùe, chìa ŋ ki kətsəghā aŋ ghu.