Gàlashìan 1:7 - To kə Kəzə̀ kə̀ Fughu ko

⁷ mò làbəlà è te tso bùʼ yò sugho làbəlà è dzùŋ. Ghî à li yia kuūwn sêe məŋso ghɛ, ghe dəmà ko alefɔɔ̄ maʼà làbəlà è dzùŋ è Kə̀lestò zən.

Gàlashìan 1:7 Iomraidhean Croise

Matìo 24:24

Tɔŋlo enyəa, Kə̀lestò tə agha tə lo səa kɔʼɔ nù, àsùghò ghǐishùghà ghə agha gho, ghe e deē tsə̌a tə̀ fɛɛ̄n to, à sə̀ghà mò, enyəa abugho dzì lǒ, ghe buʼù sêe məŋsō ghì ghəla Zə̀ kə̀ tsɔʼ kɔʼ.

Kə̀fwàʼ 13:10

dzɛ̀ â wən enyəa, “Wɛ̀ ù àvʉatsə̄a wə̄n, ghùwkə̀tuw â ghəa a tsəghatsəgha ghən à dzə̀m, dziī tə̀ tseē tə aghì tə̀n tə̀ dzə̀m, à tə̀ wiin tə aghì tò, à kwò nduw ko ghû, à lò enyəa ghù wən bughuu naaŋ yo aleŋgɔɔ̄n maʼn kaaŋ dziī tə tsəghatsəgha tə Mughu ù te to a?

Kə̀fwàʼ 15:24

Ghəa ghàʼ lô mò ghǎʼ n zuw enyəa ghî à li a mò sə kɔʼ fɛ am bvʉa zaʼā bùghò fə̀mso ghɛ̀ an tsʉ̀ è li zo, sàʼ màʼà tsùghù môʼn zɛʼɛ, mò à kà ghǎʼ ghee bûʼ tùm sùghò.

Kə̀fwàʼ 20:30

Ghî à lī lo buʼù səā kɔʼɔ̄ sugho am bvʉa zɛʼɛ̄ ghe e kaʼn wo ghā gho, alekwuū ŋgwûu tsughu tɔ u ghì a Kəzə̀ enyəa ghe nughù wo a bàâ ghee.

2 Kòlentìan 11:13

Ŋgoʼ è ghì ghən lo tum tə agha, ghî a kə̀fwàʼ à fwəlà a sə aghì ghò, ghe nyə gbəla doʼò kɔʼ tò tum tə Kə̀lestò.

2 Kòlentìan 2:17

Ghàʼ yo dzə̄ tò ndə̀m è ghì a mbòʼkùm ghəla ghe nî shwaʼ u Kəzə̀ wò zəa a te, ghəa Zə̀ kə̀ kuūwn tum sə wô ghaʼ, ghàʼ kə̂aa wò shwaʼ waʼa ù səŋo wò an sə kə wə̄n tǒ kɔ̀ɔ ŋ Kə̀lestò n sə̀ŋò mò.

2 Kòlentìan 4:2

Ghàʼ n tùe màʼà ghəa à dəla a kətūw gho àsùghò ghəa a kələ̄m gho, ghàʼ tue nû alebəla kaŋlo an tɔ u aghì, ghàʼ fwəlà sùghò yò shwaʼ u Kəzə̀ wò. Ghəa ghàʼ laām kə̂aa səā wô êsəŋò enyə an ndɛ, ghàʼ ghəŋlo an sə kə Kəzə̀ enyəa ghî ghə̀n à dzə̀m kele tsughu enyəa ghàʼ ki nû kɛɛ wo.

Gàlashìan 1:6

Dzughu e zuu mùghò aŋ ghəa ghəla ghɛ̀ ghəŋlo, enyəa ghɛ̀ ŋ ghaam kùʼn tì zə̀ghaa Zə̀ kəla kə mò tɔŋɔ̄ ghɛ enyəa ghɛ̀ e lo ghî a wə̄n gho an dzɔ̀ zəla Kə̀lestò fə̀ dê tsughu â ghɛ̀, ghɛ̀ yia fwə̂ən nughùu nduw alebwiī aŋghəa làbəlà è nùghu dêe —

Gàlashìan 2:4

Ghəa à sughoo a kətigh ghən fə̀ sə kɔʼ wo bòʼ ghî ghə agha à li gho ghe fə̀ ŋgaām nyə wo am bvʉa e ghì a Kəzə̀, ghe n nɔmlo agha enyəa ghe lo ghî a Kəzə̀. Mo e ghee e fə̀ lo ko alebùghò tsêen kôʼ ndzə̀m kə emùghùu kəla a mughu aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò Yɛso. Ghî ghə agha a te ghə n ləghaa enyəa ghàʼ doʼò tsughu ukɔ̂ a bàâ bughōo kə Tə̀dzûu kò.

Gàlashìan 4:17

Ghî à li ghən ki nu zǐi a zəŋò ghɛ̀, yìa à sò kuūwn lô ko enyəa ghe ki moʼnlò e biigh zo a zəŋò. Ghe êzə̀ ghəə̄ŋ ko alebàʼà nughù ghɛ̀ a zəŋò mùghò enyəa ghɛ̂ zɛʼɛ zə e lo tən ko a zəŋò ghee.

Gàlashìan 5:10

Ŋ̀ ŋgaʼ fə̀ŋ a zəŋò Mughu ù te enyəa ghɛ̀ lo kòom zuw yo tsʉ̂ e ghûw ù lì zo, tsə̀ghà sə̌a ko yo tsʉ̂ zəla Ǹ lo mò mùghò m fughu â ghɛ̀. Mò à kôom lò ko ndugho ù fwə̀là sə ghɛʼɛ gho, a lô wə̄n fɔeso ko Kə̀zə̀ abugho ghùw ù te tso lô ko kwò ko.

Gàlashìan 5:12

Dî zaŋa e lo enyəa, ghî ghəla ghe fəmso kaāŋ tsəgha ghɛ, to ghe mô kǔuwn kàa tsughu nù ghue e ghee zo.

Gàlashìan 6:17

E kwo ghùw lò so e kôom fə̀mso mùghò, tɔŋlo enyəa na kə fəsə̀ghà kə̀là ŋ ki a zəŋò mùghò dèe enyəa, Ǹ lo ghûw ù kə̀fwàʼ ù Yɛso.

2 Timotì 2:18

Ghən lò aghî mo ghe n tì zə̀ghà səŋò zò, dzàa wò enyəa ghî a mafə kpuuw kɔʼsə alo evʉ̄. Làʼsò kə shwaʼ kə ghee kə te kə fwəlà màʼn ghî à li ghəla ghe boō fughu sugho â Kə̀lestò.

1 Dzɔ̌n 2:26

Ŋ̀ ghəa ghən fɛ â ghɛ̀ tɔɔ wò kùu ndùw ghî ghəla ghe ləghaa alesèe məŋso ghɛ̀.

1 Dzɔ̌n 4:1

Fən ghaŋā gho, kâ nlò e tsoō boom fughu ko â ghî ghən a dzə̀m ghe dzɛ̂ enyəa ghe ki Zuʼ tə Kəzə̀ mò ghɛ̀ kâ ghe bûʼ mɔ̀msò kòʼ tsughu dzə̀ alekele enyəa à Zuʼ tə te tə tə̂əm fughu to Kə̀zə̀ à; tɔŋlo enyəa ghiīshʉ̀ghà ghə agha a dûuw nù am mbī.

2 Dzɔ̌n 1:10

Abugho ghùw bùghò a vʉ̀a ghɛ̀ mò ù kà bùghò â tsʉ̀ zən, e kwo ghɛ̀ lô nîi naāŋ wə̄n an ndughu alô ghɛ̀, ŋkāa ghɛ̀ buʼ fughu wə̄n â tɔɔŋ zo.

2 Dzɔ̌n 1:7

Ndə̀mà tə ghî ghə agha tə n sə̀ ndùw am mbī, ghî ghəla ghe tuū maʼnlo enyəa Yɛso Kə̀lestò ka fə fɛ am mbī bughò dzə̀ to ghùw. Ŋgòʼ e ghì ghən lo ghî ghəla ghe sèe məŋso ghî ghò, lò sugho ghîikətuw a Yɛso.

Dzûd 1:4

Tɔŋlo enyəa ghî à li ghə n nyɛʼɛ bùghò tsɔŋ tsə̀ghà nyə am bvʉa zɛʼɛ mo ghe fughuu yo kɔʼso mò â Zə̀ kò, nu ghe nî kɔ̂ʼ dzɔ̂ e Kə̀zə̀ fwə̀n naŋa tsughu enyəa alo dzì â ghee aleghəəŋ kaāŋ dzə̀adzə̀ tə aghəa to a te. Aghî tò ghən, ghe mafə ki tɔm naŋa aŋghəa ghe lo baā mbɛ̄ a te an tuw kə ghee. Ghe tuu màʼn sùghò Yɛso Kə̀lestò wəla à mìaa ko wə̄n Mughùbè ù sɛ̀.

Edêe Fughu 12:9

Ghe nì màʼà tsughu faŋkwu kə ŋgə̄m chì, zùghù è wǐiwǐi è te, ghe tɔŋlo enyəa à lò avʉatsə̄a àsùghò Satàn, wəla ù nɔɔ̄m kaāŋ ghî gho am mbī e dzə̀m — ghe m màʼà tsùghù wò wən aŋ ghueekətsə̄, màʼà tsùghù wò sùghò tsə̀təndə̄ghā tə wə̄n ghèe ghee.

Edêe Fughu 13:14

An sə̀ghàa məla ghe fə̀ zəghàa tsughu enyəa è dè an sə kə nyôm zə̀, zə̀ sèe mə̀ŋsô ghì ghəla ghe mughù aŋ ghueekətsə̄. Nyòm e te n dzɛ̀ â ghee enyəa ghe e bɔɔ̄ kɔʼ fəmùʼù am fwěen kə nyòoŋgwən zəa ghe mò kaʼ alo kəkɔ̀ɔ, zə̀ n naām lò â tuw ko.

Edêe Fughu 19:20

Ghe ŋ kwu kɔʼ nyòm è ne zə̀, kwu dzəəŋ kɔ̀ʼ sùghò ghùwshʉ̀ghà wə àgha vʉ̀a ù mò dê tsughu sə̀ghàa mò an sə kə nyòoŋgwə̄n e ne zə. Ù n sè mə̀ŋso tsughu aghì nɔɔm tsughu ghî yia ghe mo tsə̂so naŋa ghee an tsə̌a è nyòm è ne zə̀, àsùghò ghì ghəla ghe kɔʼso mùʼù fia fə fweēn nyòm è te. Ghe n nì kɔʼ nyòm è ne e te ghèe ghùwshʉ̀gha wə̀ agha vʉ̀ â sə a tughu gho, màʼà nyə̀ ndùw am fɛ̀ɛn fɛ̀ɛn kə uwə̀n u biigh wo mo zuʼ kə̀ ləma kə̀ biigh kə̀ li kə mò səa wo an nyoʼ uwə̄n u te wo mo ghe tɔŋlo enyəa à lò sulfò.

Edêe Fughu 2:2

“Ŋ̀ kwo nû ghəa ghə̀là ghɛ̀ lo mò ghɛ̀ ŋ ghəŋlo àsùghò ghə̀là ghɛ̀ lo mò ghɛ̀ m fwàʼ, yìa Ŋ̀ kwo sugho zə zəla ghɛ̀ ka tsughu am fala zɛʼɛ. Ŋ̀ kwo sugho nû aŋghəa ghɛ̀ tsoō boōm naāŋ yô ghî à bǐigh gho an lùʼu kɛʼɛ, ghɛ̀ yia mɔ̂m kôʼ sughò ghì ghəla ghe tɔɔ̄ŋ ghue e ghee zo enyəa ghe lo tətūm mo ghe yô dzə̂, kòʼ tsùghù enyəa ghe lo ghî ghə agha.

Edêe Fughu 2:20

Ŋ̀ kuuwn ki ko ghəa zə̄n e mɔ̀ʼ Ǹ saʼā ghɛ a te; ghɛ gbən zə̀ghàa màʼà tsùghù wìzən wəla ghe tɔŋlo enyəa à lò Dzɛzɛ̄bɛ̀l, wìzən wəla ù dzɛ̀ enyəa e lo zən ù ùshʉ̀ghà, mo tsʉ̂ e wə̄n e nyuuŋ nùghùun ndùw kɔ̀ɔ maŋa enyəa ghe e ndzaŋa naʼ zo alo enùŋlò, ghe e zəa sugho fʉgha wəla ghe sɛ̂ nduw â mùʼù mò.

Edêe Fughu 2:6

Ghɛ̀ naam kuuwn ki nû ghəa è dzûŋ e li zo ghɛ̀ ghəŋlo, ghɛ̀ bâa ghəa ghəla ghî ghəla ghe boō fughu â Nikòlus ghəŋlo tò aŋghəa M̀ bâa sugho.

Edêe Fughu 20:3

Ù n nì màʼà nyə̀ tsùghù ndùw wən fughu alo kəbùʼ, dzʉ̀a fè nàŋa ndùw wə̄n fughu, enyəa e kwo ko ù lò kôom sè mə̀ŋso sugho naʼà tò am mbī, mò a gɔ̀ʼɔ̀ ko mo kam è tə̀nùu zən bùghò tsəghà nughù. Abugho nəgha zən lo tsəghà tsughu, ghe lo ki aletsʉā zəghà tsugho wə̄n aŋ kə̀mà fə enəgha.