Gàlashìan 1:6 - To kə Kəzə̀ kə̀ Fughu ko

⁶ Dzughu e zuu mùghò aŋ ghəa ghəla ghɛ̀ ghəŋlo, enyəa ghɛ̀ ŋ ghaam kùʼn tì zə̀ghaa Zə̀ kəla kə mò tɔŋɔ̄ ghɛ enyəa ghɛ̀ e lo ghî a wə̄n gho an dzɔ̀ zəla Kə̀lestò fə̀ dê tsughu â ghɛ̀, ghɛ̀ yia fwə̂ən nughùu nduw alebwiī aŋghəa làbəlà è nùghu dêe —

Gàlashìan 1:6 Iomraidhean Croise

Mâk 6:6

Dzughu zə zum wən aŋghəa ghe taʼkè boō fughu â wə̄n. Yɛso n daŋso nùghù è tsughu, ŋgəaa ndùw nàʼà n te məla m mò lô kaāŋ fughu, zoʼn ndùw àghì.

Dzɔ̌n 9:30

Ghuw ù te m bɛ̀lɛ̀ tsùghù enyəa, “Ghəa è səŋò zə̀a. Ghɛ kwo yo luʼū kəla ù nùghù wo a te, vʉ̄a ù tsʉ sə ghaŋa gho.

Kə̀fwàʼ 15:11

Sɛ̀ fɛ kuuwn kwo ko enyəa sɛ̀ lo zəa nù tuw ko am bàm e dzùŋù m Mughùbè Yɛso, aŋ ghəa Toʼò è lo bɔɔ̄m zəā sugho.”

Lumà 10:3

Ghe kaam kwo dzə yo dzì zəla Zə̀ kə̀ naāŋ ghùw a te tsəghatsəgha a vʉ̀a wə̄n, Ghe ŋ kuuwn də̀m è tsughu, kəŋ tsughu è ghee dzì alelo tsəghatsəgha a te. Ghe ŋ kè kuuwn boō dzì zəla Zə̀ kə̀ nîi ghî ghò a te enyəa ghe doʼò tsəghatsəgha a vʉ̀a wə̄n.

Lumà 5:2

À lò fə̀ŋ zəla sɛ̀ gaʼ tsughu a zəŋò Kə̀lestò è ghəŋlo enyəa a kelê dzɔ̂ e Kəzə̀ zən, zəla a mughu êzəŋ a te, yia a duʼnlo, chìi tùʼ enyəa a lo dòʼn nù an nsəghānyəghā ŋ Kəzə̀ məla n lo à sə̌ ko.

Lumà 8:28

Sɛ̀ kwo nû enyəa alo aghəa a dzə̀m, Zə̀ kə̀ fwaʼa ko alekòʼ enyəa ghî ghəla ghe ləghaa wə̄n e mugho dzɔ̄. Ghən lò ghî ghə̀là kə̀ fə̀ tɔŋɔ̄ aleghəŋlo enyəa ghəa ghəlà kə mò fôʼ naŋa a bughò sə êzə̀.

Lumà 8:30

Zə e lô sugho enyəa, ghî ghəla Zə̀ kə̀ lo mo kə m bàʼ nàŋa sə̀ wò bâ kə̀ mɔ̀ʼ, à lò ghəla kə fə̀ tɔŋɔ̄ enyəa ghe e lo ghî a wə̄n gho. Ghe a te ghəla kə fə̀ tɔŋɔ̄, kə ŋ ghəŋlo, ghe yia doʼò tsəghatsəgha a vʉ̀a wə̄n, chia kə ghəŋlo enyəa ghe kele sughò kɔʼso məla kə ki.

1 Kòlentìan 4:15

Tɔŋlo enyəa abugho ghɛ̀ bûʼ ki ko ghî à chinlo a ghɛ̀ gho təkam eghə̄m aŋghəa ghɛ̀ à ghê Kə̀lestò lò fəgha ko kə mɔ̀ʼ, ghɛ̀ ki dzə yo ghê tsele ndə̀m. Nu mùgho mò doʼō tsele wɛʼɛ aŋghəa ghɛ̀ mò bugho doʼò fəgha ko kə mɔ̀ʼ ghɛ̀ à ghê Kə̀lestò Yɛso mò ghɛ̀ zuw tsughu làbəlà è dzùŋ e te.

2 Kòlentìan 11:4

Ǹ ghəa ghən enyə kə̀aa bòʼ enyəa, abugho ghùw bùghò fughu wô ghɛ â tsʉ̀ zò kùu ndùw Yɛso ù nùghù mò à yò dzə̂ wəla ghǎʼ mò dzaā, ŋkāa ghe yia nî wò shʉghà ù li wo mò à yò dzə̂ wəla ghàʼ mò nî wo, ŋkāa abugho ghe yia boō ndûw làbəlà mò à yò dzə̂ zəla ghɛ̀ mò bûʼ boō dzə, ghɛ̀ m mbà kpènì ghee.

2 Kòlentìan 2:17

Ghàʼ yo dzə̄ tò ndə̀m è ghì a mbòʼkùm ghəla ghe nî shwaʼ u Kəzə̀ wò zəa a te, ghəa Zə̀ kə̀ kuūwn tum sə wô ghaʼ, ghàʼ kə̂aa wò shwaʼ waʼa ù səŋo wò an sə kə wə̄n tǒ kɔ̀ɔ ŋ Kə̀lestò n sə̀ŋò mò.

Gàlashìan 1:11

Ǹ ləghaa enyəa ghɛ̀ kele tsughu enyəa làbəlà è dzùŋ zəla mùgho mò naʼà wo â ghɛ̀ a waazə̂ ghaŋa gho, a ka fə ghùw ù lì moʼn sə̀ kɔ̀ʼ dzə̀.

Gàlashìan 1:15

À sò kǔuwn lò ko enyəa Zə̀ kə̀ mò mugho shiāa mo ghe kaām mugho dzə, kə tɔŋɔ mùghò am fə̀ŋ è wən è dzùŋ.

Gàlashìan 1:7

mò làbəlà è te tso bùʼ yò sugho làbəlà è dzùŋ. Ghî à li yia kuūwn sêe məŋso ghɛ, ghe dəmà ko alefɔɔ̄ maʼà làbəlà è dzùŋ è Kə̀lestò zən.

Gàlashìan 2:14

A m bùghò mùghò Pôl kuuwn kôʼ tsùghù enyəa ghî ghən nyɔʼɔ̀ bwìi dzə̂ yò alo êsəŋò zəla e lo an làbəlà è Kə̀lestò, mùghò n dzɛ̀ ndùw â Pità an sə kə ghì yì à dzə̀m enyəa, “Abugho ghù Pità, ghùw ù Dzudà, lò alemùghùu tò Etoʼò, mùghù yo tò Dzûu, ghù lǒ êzə̂n aletsəən Toʼò zò enyəa e bughò kaʼ alemùghùu tǒ tə̀ Dzûu a?”

Gàlashìan 2:2

Mùgho fə̌ fughu kɔʼ mò à dè tsùghù Kəzə̀. Mùghò n nì kɔ̌ʼ tum təla tə kwu kele dzeŋe kə ghì a Kəzə̀ kò an Yɛ̀lusalɛ̀m, kɔ̀ʼ zə̀m dòʼò tsùghu ghàʼ à ghee, nì tèso dzɛ̀ kɔ̀ʼ ndùw làbəlà è dzùŋ zəla Ǹ naʼnlo â Tòʼò zò â ghee; enyəa e kwo zə e doʼò enyəa Ǹ tuwnlo m̀mughū alo kəsàʼnlo ŋkāa mùghò m mùghù mò alo kəsàʼnlo tuuw.

Gàlashìan 2:5

Ghàʼ ŋ kè kuuwn buʼù boon nəgha è li zo alezə̂ən ghəa a ghee a te ghəla ghe fə̀ dzâa wo, aleghəŋlo enyəa ghɛ̀ naam boo fughu tsughu ko êsəŋò zəla è lò an làbəlà è dzùŋ zəla ghǎʼ mò zoʼn ghɛ a te.

Gàlashìan 2:7

Ghe ŋ kuūwn kòʼ tsùghù enyəa Zə̀ kə̀ m mùghò â daʼa kə fughu alezùghòo làbəlà è Dzùŋ â Tòʼò zò, aŋ ghəa kə mò fughu sughò Pità â daʼa ko alezùghòo làbəlà è mɔ̀ʼɔ è te â Dzûu tò.

Gàlashìan 5:14

Tɔŋlo enyəa lwâŋ u Musî wə̀n u dzə̀m ghe n nì kwu kɔlɔ kɔʼ alo kəlàŋ kə mɔ̀ʼ mo kə dzɛ̂ enyəa “Ləgha wàazùghù tò aŋghəa ghù ləghaa ghue wʉ̀a wò a te.”

Gàlashìan 5:4

Ghùw wɛʼɛ wəla ù də̀ma aledòʼò tsəghatsəgha a vʉ̀a Zə̀ kò bòʼ ù naāŋ lâŋ kò, u ŋ ghue u wə̄n u bâʼ nùghù sə a vʉ̀a Kə̀lestò. Ù n naŋa sə̀ ndùw ghue u wə̄n wo an lùʼu kəla ù yò alekòʼ dzɔ̂ e Kəzə̀ a te.

2 Tɛ̀sàlonìan 2:14

Zə̀ kə fə̀ ghɛ̀ fɛ aŋ ghəa ghən tɔŋɔ wo bòʼ làbəlà è dzùŋ zəla ghàʼ mò bughò naʼà wo â ghɛ̀, aleghəŋlo enyəa ghɛ̀ lo kele sugho səghanyəgha ŋ Yɛso Kə̀lestò mò, tɔɔŋ Mughùbè ù sɛ̀.

1 Timotì 1:14

Mughu ù te n dè wò fə̀ŋ e wə̄n è dzùŋ â mùghò aleghəə̄ŋ tsughu enyəa Ŋ̀ gaʼ fə̀ŋ a zəŋò wə̄n àsùghò an ləgha zəla sɛ̀ ki ghè zò aŋghəa sɛ̀ à ghê Kə̀lestò Yɛso lò alo kəfəgha kə mɔ̀ʼ.

1 Timotì 1:3

Ghəa mugho fə̀ nughùn nduw a ŋ Mɛ̀sàdonìa, mùghò n dzɛ̀ â ghù enyəa, ghù dòʼòdòʼò tsughu ko an Efɛsùs. Dzǎa ndùw â ghî ghəla ghe zoʼn kaāŋ ghî ghò am fwə̀n tə aghəa mò à yò ghəa ghəla mùghò fə̀ zoʼn ghɛ a te, enyəa ghe bughū naŋa ghəa a ghee a te gho.

2 Timotì 1:9

Zə̀ kə mò bəghasə̄ sɛ̀, tɔŋɔ wò sɛ̀ enyəa sɛ̀ è mughu mùghù è zɔlɔ zo. Zə̀ kə ka fə enyə ghəəŋ dzə̀ bòʼ ghəa e è dzuŋ è li zo sɛ̀ fwaʼ â wə̄n. À fə̀ enyə lo ko aŋghəa Zə kə̀ ki fôʼ naŋa aleghəŋlo bòʼ dzɔ̀ e wən zəla kə ki â sɛ̀ mo kə tsəghà tsùghù a zəŋò Kə̀lestò Yɛso.

2 Timotì 2:1

Yia a bughò ghù wɛ waŋā, Timotì, e tughuu dzɔ̂ɔ bòʼ dzɔ̀ zəla Kə̀lestò Yɛso dè wo â ghù.

1 Pità 1:15

Ghəa e kuūwn lô enyəa ghùw wəla ù tɔŋɔ̄ ghɛ zɔlɔ nù, ghɛ̀ ki alezɔlɔ sugho êzə̀ aŋ ghəa ghɛʼɛ̄ à ghəəŋ gho.

2 Pità 1:3

Daʼa kə Kəzə̀ kə̀ m fughu sɛ̀ â fʉgha wən ù dzə̀m sɛ̀ ki alekele alemughu mughù è zɔlɔ zo, aŋghəa sɛ̀ kwo dzə wə̄n wəla ù mò tsɔʼ kɔʼ sɛ̀ alemùghù aŋ kɔʼso ŋ wə̄n àsùghò dzɔ̀ e wə̄n zo.

Edêe Fughu 22:21

To Mughùbe Yɛso mò dê ghî a Kəzə̀ a dzə̀m â dzɔ̀ e wə̄n zo.