Gàlashìan 1:22 - To kə Kəzə̀ kə̀ Fughu ko

²² À n lo mo ghî ghəla ghe boō fughu â Kə̀lestò am mbùʼ è Dzùdîa ka m mugho alo esə n tsuʼ kòʼ.

Gàlashìan 1:22 Iomraidhean Croise

Kə̀fwàʼ 9:31

Ghî ghəla ghe mò boō fughu an Dzùdîa, aŋ Galèlîi àsùghò an Sàmalìa ŋ kòom tsə̀ŋo yo, bəgha tiso kɔʼ ughue. Ghəa ghe sô mughu, tsəŋo ndùw ko Mughubè ù te, mo Zuʼ tə̀ Zɔlɔ tə ki sugho ghee aŋ ghù kə̀ dzûŋ kò, kɔ̂n kə ghee kə n nomlo.

Lumà 16:10

Ghɛ̀ tɔɔŋ zuw tsughu Apelès wəla ù tɔ̂ʼ dê sə wô ghue wo enyəa e boo fughu â Kə̀lestò. Ghɛ̀ tɔɔŋ zuw tsughu sugho kèndughu kə Àlìstobulùs kò.

Lumà 16:3

Ghɛ̀ tɔɔŋ zuw tsughu Pə̀leskà ghèe Akwilà, ghe fwaʼà dzə̌əŋ ghàʼ à ghee am fwàʼ kəla M̀ fwaʼa â Kə̀lestò Yɛso,

Lumà 16:7

Ghɛ̀ fughu nduw sugho tɔɔŋ zaŋa zo â Andə̀lonikùs ghèe Dzunìyas, fən ghaŋa ghəla ghe lô sugho Dzûu tò, tò mugho, ghe ghəla ghàʼ à ghee fə̀ lo a dzə̀m an ndùghùtsaʼ. Ghe lò kɔ tə aghì am bvʉa e tum tə Kə̀lestò, mo à fə̀ boo fughu ghee esə̄ â Kə̀lestò, sěe mùghò.

Lumà 16:9

Ghɛ̀ fughu nduw tɔɔŋ zaŋa zo â Ubanùs ghùw ù kəfwàʼ ù Kə̀lestò wəla ù fwàʼà dzəə̄ŋ sɛ̀ à ghee, àsùghò â Stachìs, fən waŋa wəla Ŋ̀ ŋgeē ləghaa.

1 Kòlentìan 1:30

Nu à lò Kəzə̀ kə fughuu ghɛ â mùghùu zəla ghɛ̀ mughu alo kəfəgha kə mɔ̀ʼ ghɛ̀ à ghê Kə̀lestò Yɛso. Zə̀ kə̀ ŋ ghəən tsughu enyəa sɛ̀ e ki tɔ wo am bàm e Yɛso. Yɛso ŋ ghəəŋ tsughu enyəa sɛ̀ e lo tsəghatsəgha a sə kə Kəzə̀ àsùghò enyəa sɛ̀ e lo ghì a Kəzə̀ à zɔlo gho, zùe sè sùghò tuw u sɛ̀.

1 Kòlentìan 7:17

E lo ko enyəa chìa kì alemùghùu tsughuu kô mùghùu zəla Mughu ù te fughu â wə̄n, àsùghò aŋ ghəa zəla Zə̀ kə̀ tɔŋɔ wə̄n a te. Kən lo lâŋ kaŋa kəla M̀ fughu wo an dzweŋe u ghì a Kəzə̀ wən u dzə̀m.

Fèlepìan 1:1

À mwàʼsò kən kə tɔm wò mùghò ghàʼ à Timotì, ghàʼ lo ghî a kəfwàʼ a Kə̀lestò Yɛso. Ghàʼ mwàʼsò kən kə tɔɔ wò â ghɛ̀ ghî a Kəzə̀ yi ghɛ̀ lo fi an naʼ e Felèpîi, â ghɛ̀ ghəla ghɛ̀ lô fəgha ko kə mɔ̀ʼ ghɛ̀ à ghê Kə̀lestò Yɛso, àsùghò â tsoʼ tə dzeŋe kə ghì a Kəzə̀ to ghèe ghê ghì ghəla ghe fughuu ghɛ â yòsò zò..

1 Tɛ̀sàlonìan 1:1

À mwàʼsò kən kə tɔɔ wò mùghò Pôl, ghàʼ à ghê Timotì àsùghò Saelàs â ghɛ̀. Ghǎʼ mwàʼsò kən kə tɔɔ wò â ghɛ̀ dzeŋe kə ghì a Kəzə̀ ghò an naʼ e Tɛ̀sàlonikà; ghɛ̀ lo ghî a Kəzə̀ tɔɔŋ, Tsele ù te ghèe Mughùbè Yɛso Kə̀lestò. Gɔ̂ɔŋ zaʼa e lo enyəa, to Zə̀ kə̀ mô dê ghɛ̀ â dzɔ̀ e wə̄n zo, kə fughuu sughò ghɛ̀ â bughuun zo.

1 Tɛ̀sàlonìan 2:14

Waazə̂ ghaŋa gho, ghɛ̌ fə̀ bɔɔm ni ko mwam e ghì a Kəzə̀ ghəla ghe fə̀ boo fughu â Kə̀lestò Yɛso, ghəla ghe fə̀ lo an ndughu tə Kəzə̀ təla tə fə̀ lo am Dzùdîa. Nu ghɛ̌ fə̀ bɔɔm fala sugho aŋ ghù ghì ghɛʼɛ gho tò aŋ ghəa ghe fə̀ fala an ghù Dzûu tò.

2 Tɛ̀sàlonìan 1:1

À mwàʼsò kən kə tɔɔ wò mùghò Pôl, ghàʼ à ghê Timotì àsùghò Saelàs â ghɛ̀ yia ghɛ̀ lo mò ghɛ̀ m boo fughu â Zə̀ ko, Tsele ù te ghèe Yɛso Kə̀lestò fi an Tɛ̀sàlonikà. Ghàʼ fughuu wô ghɛ̀ â tɔɔŋ zo.