Gàlashìan 1:2 - To kə Kəzə̀ kə̀ Fughu ko

² Ghî à kəzə̀ à li ghəla ghe lô fɛ ghàʼ à ghee yia fughuu wô sughò ghɛ â tɔɔŋ zo. Ŋ̀ wàʼsò kən kə tɔɔ wò â ghɛ̀ ghî yìa ghɛ̀ lo an dzweŋe u ghì a Kəzə̀ a fì èzə̀ am mbùʼ è Gàlashìa.

Gàlashìan 1:2 Iomraidhean Croise

Kə̀fwàʼ 15:41

Pôl n tsə̀ghà nyə̀ ndùw dzì an Sylìa àsùghò an Sìlishìa, dzə̀là ndùw ghì a Kə̀lestò â sə̀ŋ zò.

Kə̀fwàʼ 18:23

Ghəa ù tsùuŋ doʼò tsughu fughu, ù n nùghù è tsughu ŋgəa kaaŋ ndùw nàʼà tə̀nàʼà, tsə̀ghàsə̀ ndùw mbùʼ è Gàlashìa àsùghò è Flygə̀a, dzə̀là ndùw ghì ghəla ghe boō fughu â Kə̀lestò â sə̀ŋ zò.

Kə̀fwàʼ 9:31

Ghî ghəla ghe mò boō fughu an Dzùdîa, aŋ Galèlîi àsùghò an Sàmalìa ŋ kòom tsə̀ŋo yo, bəgha tiso kɔʼ ughue. Ghəa ghe sô mughu, tsəŋo ndùw ko Mughubè ù te, mo Zuʼ tə̀ Zɔlɔ tə ki sugho ghee aŋ ghù kə̀ dzûŋ kò, kɔ̂n kə ghee kə n nomlo.

1 Kòlentìan 16:1

Êzə̄ŋ kùu ndùw fəghàa fə zuūŋ fo aletɔ̀ɔm ndûw ghì à Kəzə ghəla ghe lo am mbùʼ e Dzùdîa, ghɛ̀ e bɔɔm ghəəŋ nduw ko ghəa ghəlà mùgho mò dzɛ̂ naŋā an dzeŋe kə ghì a Kəzə̀ an naʼ e Gàlashìa.

Gàlashìan 3:1

Huʼ, ndzə̀ŋ tə efùw tə Gàlashìa tə̀n, à ghɛ̀ yia boon naŋa ndùghò à? À fə̀ mgbaŋ yo an sə kɛʼɛ̄ ghe fə̀ teso dzaā dzì zəla Yɛso Kə̀lestò fə̀ kpuw a te, mo ghe wə̄n təghàa kɔ̀ʼ alo kədàŋlo a?

Fèlepìan 2:22

Ghɛ̀ kwo nû enyəa Timotì n dě fwàʼ kə wə̄n ko tǒ wɛ ù tsəlà tsele wəla ù lò alefwaʼā ghàʼ à wə̄n alenàʼà làbəlà è dzùŋ zən.

Fèlepìan 4:21

Tɔɔŋ zuw kaaŋ ndùw ghî a Kəzə̀ yìa ghɛ̀a ghee lo fi a dzə̀m an zən e Kə̀lestò Yɛso. Waazə̂ a sɛ̀ ghə̀la ghàʼ à ghee lô fɛ a dzə̀m tɔɔŋ zùw wò ghɛ̀.