Gàlashìan 1:18 - To kə Kəzə̀ kə̀ Fughu ko

¹⁸ A m bùghò nûu tə̀ tsəghà tsughu tə təgha, mùghò n nùghùu kɔ̀ʼ ndùw an Yɛ̀lusalɛ̀m alendùw bwîin kôʼ Sɛfàs tɔɔŋ Pità, mùghò n dòʼò kə̀ŋo ndùw ghàʼ à wə̄n alo ntsuʼu eghə̄m à ghè mò n tɛ̀.

Gàlashìan 1:18 Iomraidhean Croise

Dzɔ̌n 1:42

Ù n nì ndùw wə̄n a vʉ̀a Yɛso. Yɛso n lɛɛn ko wə̄n enyəə, dzɛ̀ a wə̄n enyəa, “Ghù fɛ lo Sàemò Pità tɔɔŋ wɛ ù Dzɔ̌n. A lô ghù êzəŋ tɔŋlo enyəa à lò Sefàs; mo e moʼn tsùghu enyəa, ‘À lò Pità (ŋkāa Kənɛ.’ ”)

Gàlashìan 2:11

A m bùghò Pità bùghò an Antìok, mùghò n lughuun sàʼ ndùw wə̄n, bòʼ ù mò kum fwaʼ boon ghəa è li zo.

Gàlashìan 2:14

A m bùghò mùghò Pôl kuuwn kôʼ tsùghù enyəa ghî ghən nyɔʼɔ̀ bwìi dzə̂ yò alo êsəŋò zəla e lo an làbəlà è Kə̀lestò, mùghò n dzɛ̀ ndùw â Pità an sə kə ghì yì à dzə̀m enyəa, “Abugho ghù Pità, ghùw ù Dzudà, lò alemùghùu tò Etoʼò, mùghù yo tò Dzûu, ghù lǒ êzə̂n aletsəən Toʼò zò enyəa e bughò kaʼ alemùghùu tǒ tə̀ Dzûu a?”

Gàlashìan 2:7

Ghe ŋ kuūwn kòʼ tsùghù enyəa Zə̀ kə̀ m mùghò â daʼa kə fughu alezùghòo làbəlà è Dzùŋ â Tòʼò zò, aŋ ghəa kə mò fughu sughò Pità â daʼa ko alezùghòo làbəlà è mɔ̀ʼɔ è te â Dzûu tò.

Gàlashìan 2:9

A m bùghò Pità ghèe Dzɛ̂ms asùghò Dzɔ̌n, ghî ghəla ghiī a fə̀ kwo tǒ tsôʼ tə dzeŋe kə ghì a Kəzə̀ tə̀ səŋò tò kele tsughu enyəa à fwàʼ kən â mùghò fughu Kəzə̀, ghe n tɔɔŋ zùw wò ghàʼ à Bànabàs, fùghù ghàʼ â ghu ko aledèe tsughu enyəa ghe ŋ ghàʼ kpenì, enyəa ghaʼ à ghee êzəŋ e lo alo kəfəgha kə̀ mɔ̀ʼ. Ghàʼ à ghee n tsughu boo tsughu enyəa ghàʼ à Bànabàs è naʼn nduw tum è Kə̀zə̀ â Tòʼò zò, to ghe e kuuwn naʼn nduw â Dzûu tò.