Gàlashìan 1:12 - To kə Kəzə̀ kə̀ Fughu ko

¹² Ŋ̀ ka fə nî ndùuŋ wò dzə̀ aŋ ghùu ghùw wə nsɔ̌ɔŋnchùw ù lì, ŋkāa ghe ka fə mugho a te zoʼn tsùghù dzə̀ nû, à mò làbəlà è dzùŋ è te â mùghò kuuwn de wo ghuūghùe u Yɛso Kə̀lestò.

Gàlashìan 1:12 Iomraidhean Croise

1 Kòlentìan 11:23

Ghəa ghəlà mùgho mò dzɛ̂ fughu wô sughò â ghɛ̀, à dzɛ wo Mughu ù te â mùghò, enyəa: Mughu ù te Yɛso nì kɔ̀ʼ kəbɛ an tsuʼ fəla ghe mò fêe fughu wə̄n a te

1 Kòlentìan 2:10

Zə kə ŋ ghəŋlo Zuʼ tə wə̄n tə zɔlɔ tia tə nî dê fughu wo ghəa a te gho â sɛ̀. Nu Zuʼ tə zɔlɔ tə te tə kəŋo səa kɔʼɔ àghəa à dzəm, kəŋo mìan nyə̌a tsùghu ndùw ghəa a Kəzə̀ ghəla a nân doʼò nyə nduw.

2 Kòlentìan 10:7

Ghɛ̀ lɛɛn tsughu kô aghəa a beē, mò ghɛ̀ kâ tɔ̀ʼ lɛ̌ɛn nyə tsughu dzə̀. Abugho ghùw tɔ̀ʼ kwo enyəa e lo ghùw ù Kə̀lestò, ù zə̀əŋ tsughu ghue u wə̄n enyəa aŋghəa ù lǒ ghùw ù Kə̀lestò, ghàʼ lo sugho êzə̀.

2 Kòlentìan 12:1

Ŋ̀ ki aletsoō to num; aŋghəa Ǹ tsoō zəā ko yo fəgha ko a te, Ŋ̀ kuuwn ndùuw ko â sə ko aledzaā dzôo mò àsùghò ghəa ghəla Mughu ù te dèe â mùghò.

Gàlashìan 1:1

À mwàʼsò kən kə tɔɔ wò mùghò Pôl, tùm è Yɛso Kə̀lestò. À kà mùghò shîaa kɔ̀ʼ dzə̀ ghî ghò ŋkāa à mùghò tum wò ghùw ù lì. À mùghò tsɔʼ sə̀ wò Yɛso Kə̀lestò ghèe Zə̀ kò, tɔɔŋ tsele ù sɛ̀ wəla ù fə̀ zôm nughù kɔʼ Yɛso alo evʉ̄.

Gàlashìan 1:16

Kə n lə̀ghà tsùghù sùghò aledèe wô Wɛ ù Wə̄n â mùghò aŋ ghəa ghəla Ǹ lo alendùw zughòo zən e wə̄n â Tòʼò zò. Ghəa Ù fə̀ tɔŋɔ̄ tsughu dzə̂ mugho êzə̀, mùghò ŋ kè kôom ndûw bvʉā zuūw dzə̂ aŋ ghulô fəgha kə nsɔ̌ɔŋnchùw kə̀ li ko.

Gàlashìan 2:2

Mùgho fə̌ fughu kɔʼ mò à dè tsùghù Kəzə̀. Mùghò n nì kɔ̌ʼ tum təla tə kwu kele dzeŋe kə ghì a Kəzə̀ kò an Yɛ̀lusalɛ̀m, kɔ̀ʼ zə̀m dòʼò tsùghu ghàʼ à ghee, nì tèso dzɛ̀ kɔ̀ʼ ndùw làbəlà è dzùŋ zəla Ǹ naʼnlo â Tòʼò zò â ghee; enyəa e kwo zə e doʼò enyəa Ǹ tuwnlo m̀mughū alo kəsàʼnlo ŋkāa mùghò m mùghù mò alo kəsàʼnlo tuuw.

Efɛsùs 3:3

àsùghò dzì zəla Zə̀ kə̀ lo mo kə n nì dè fùghù wò nàn kə eghəa M mafə bûʼ tsuʼ naŋa wò dzə̀ â ghɛ̀ a m mwàʼsò kaŋa.

1 Tɛ̀sàlonìan 4:15

Ghəa ghə̀là ghàʼ dzâa wô fɛ â ghɛ̀ lo shwaʼ u Mughu ù te: Sɛ̀ ghəlà a naām lô â tuw ko, sɛ̀ lò yò dzə ghî a kəsə̄ gho a zəŋò ghì ghəla ghe lo mo ghe maā ki kpuwnlo alendùw kpeēnî Mughu ù te abugho ù kè bugho e bàm.