Gàlashìan 1:10 - To kə Kəzə̀ kə̀ Fughu ko

¹⁰ Ghəa ghə̀là Ŋ̀ kə̂aa enyə, Ŋ̀ kəŋo dzə̀ yò alekelê zən è dzûŋ zò a sə̀a ghì ghò, Ŋ̀ kuuwn kəŋo alekele a sə̀a Zə̀ kò. Abugho M̀ mô dəmà alekelê zən è dzûŋ zò a sə̀a ghì ghò, to M̀ mô yò dzə kɔ̂ɔ fə Kə̀lestò fò.

Gàlashìan 1:10 Iomraidhean Croise

Matìo 22:16

Ghe n tùm ndùw tsə̀təndə̄ghā tə ghee ghèe ghê ghì a Hɛlɔ̀d à li gho a vʉ̀a Yɛso; ghî a tum yi ghə n ndùw dzɛ̀ â wə̄n enyəa, “Wàdè, ghàʼ kûm kwò nû enyəa, ghù lǒ ghùw wə̀ èsəŋò, ghù vʉ̀a ghù kùu zoʼn sugho ghî ghò â səŋò zò aŋ ghəa a Kəzə̀. Ghù bùʼù nǎaŋ yo tuūŋ ko aŋ ghəa ghəla ghî à moʼò an tsʉ̀ zəla ghùw fughuu â ghì ghò, ghù vʉ̀a ghù naāŋ sughò yô sə zo am fəgha kəla ghùw lǒ ghè kò.

Matìo 28:14

Abugho ghəa zən bûʼ bughò nyə ko an tùuŋ kə gɔvə̀nò, ghàʼ lo təmā tsughu tsaʼ kə̀ saa ko am fə̂ŋ è wə̄n, a ghəə̄ŋ tsughu ù kele tsughu enyəa ghɛ̀ ki yo tsû ù li wo, ghɛ̀ e ki yo tsəŋ zo aŋ ghəa è li zo.”

Matìo 6:24

Ghùw u mɔ̀ʼ yò aledzeŋe fwaʼā â ghì ghò a bə̀ghà alo e nə̀gha e mɔ̀ʼ. Abugho ù lò alefwàʼ êzə̀, ù sò bàa nù u mɔ̀ʼ, ù è ləghaa ù lì wən. Ŋkāa ù è ŋgee fwaʼā â u mɔ̀ʼ, ù è koʼō lʉghaa ù lì wən. Ghù yò alekɔʼso Zə̀ kò, kɔʼso sughò ùkua.”

Kə̀fwàʼ 12:20

Êzə̀ŋ Hɛlɔ̀d n lo mò ù kì tsəgha kəzùghùu ghèe ghê ghì a Tâe ghò àsùghò ghì a Sidɔ̀n ghò. Ghî a Tâe àsùghò a Sidɔ̀n ghə̀ n ndùw dzeŋe bùghò kòʼ wò wən enyəa ghèe ghee kə̂aa tsughu aghəa; a m bùghò ghe bughò fughu tsughu shwaʼ wo â Bə̀latùs tɔɔŋ chì è tɔʼ, ù n zùw wò â ghee, ù m bùʼ ndùw kə̀ghu enyəa ghe biaān tsughu; nu naʼ e ghee e mò mughu mo fʉghàzəa u ghee u səa wò an naʼ e Hɛlɔ̀d.

Kə̀fwàʼ 5:29

Pità ghèe ghê tum tə̀ li ti m fə̄ŋsō bɛ̀lɛ̀ tsùghu ghee enyəa, “Ghàʼ ki alebɔ̄ɔm zuuw ko â Zə̀ kò, à yò dzə̂ â làŋ kə ghûw ù lì kò.

Lumà 1:1

À mwàʼsò kən kə tɔɔ wò mùghò Pôl kɔ̂ɔ fə Yɛso Kə̀lestò, à mo mugho shiāa kɔʼ Kəzə̀ enyəa Ǹ doʼò tum è Kə̀lestò Yɛso alezùghò Làbəlà e dzùŋ e wə̄n.

Lumà 2:29

E kuuwn lò enyəa ghùw ù Dzuu kà yò ko aŋ gûw è ùghùe, ù bǎa lò ghùw Dzûu am fə̂ŋ zəla ù gaʼ tsughu a zəŋò Zə̀ kò. Ghəa à sughoo a kətigh a ka yò ko aŋ gûw è ughùe, ghəa a te a nîi sùghò kəbəla am fə̂ŋ è ghùw, mò ghəa a te a bughoo an dzii tə ushʉ̀ghà u Kəzə̀, à kà yò ko aŋghəa ghe tɔm naŋā alo kəlàŋ. Kɛɛ u ghûw u te u nughuun wo dzə̀ yò aŋ ghulô ghùw. À lò Kəzə̀ kə fughu wə̄n â kɛɛ wo.

Lumà 2:8

Yia kuuwn bugho â ghì ghəla ghe kwo tsughu ko ghue e ghee zo, ghuu màʼnlo e sə̀ŋò, kuuwn tughuu nyəa ndùw aŋ ghəa biigh gho, ghe lo kòʼò tsughuu nyə aŋ ghùu fɛ̀ɛn kə nʉ̀ghà u Kəzə̀ ù pfʉa wo.

1 Kòlentìan 10:33

M̀ dəmà sùghò enyəa to ghî ghən à dzəm mò dùʼnlo aŋ ghəa ghəla Ŋ̀ ghəŋlo a dzəm, Ŋ̀ kəŋo dzə yò alekēlê fəgha kə̄la kə dzɔɔ̄ â mùghò, à lǎam lò kəla kə sô dzɔ̂ɔ ndəm è àghì, enyəa to ghe mô zə kətuw.

2 Kòlentìan 12:19

Ghɛ̀ è dzaā ko enyəa ghəa ghə̀n à dzə̀m fɛ lo enyəa ghàʼ dəmà alebâaŋ ghue zaʼā an sə kɛʼɛ̄ an nə̀gha zən e dzə̀m. Ɛ̂ŋgaŋ dzə̂! Ghàʼ ghəa ghən kə̂aa an sə kə Kəzə an dziī zəla Kə̀lestò mò lô aleləghā enyəa ghàʼ kə̂a à tè. Ghəa ghə̀n à dzə̀m ghàʼ ghəŋlo a waazə̂ ghaŋa gho, ghàʼ ghəŋlo enyəa ghɛ̀ noo aŋ ghəa e Kəzə̀.

Efɛsùs 6:6

Ka nlò è ka fwaʼa ko an nə̀ghà zəla ghùw u lì ti lɛɛn wò ghɛ̀, enyəa to ù mò tɔ̀ʼɔ̀ kɛ̌ɛ wò ghɛ̀ enyəa ghɛ̀ nyɔ̂ʼɔ̀ fwàʼà nù. E kuuwn fwaʼa nduw nlo fəgha kəla Zə̀ kə̀ ləghaa â ghɛ̀ am fə̀ŋ tɛʼɛ tə dzə̀m, tǒ kɔ̀ɔ ŋ Kə̀lestò.

Fèlepìan 1:1

À mwàʼsò kən kə tɔm wò mùghò ghàʼ à Timotì, ghàʼ lo ghî a kəfwàʼ a Kə̀lestò Yɛso. Ghàʼ mwàʼsò kən kə tɔɔ wò â ghɛ̀ ghî a Kəzə̀ yi ghɛ̀ lo fi an naʼ e Felèpîi, â ghɛ̀ ghəla ghɛ̀ lô fəgha ko kə mɔ̀ʼ ghɛ̀ à ghê Kə̀lestò Yɛso, àsùghò â tsoʼ tə dzeŋe kə ghì a Kəzə̀ to ghèe ghê ghì ghəla ghe fughuu ghɛ â yòsò zò..

Kòloshìan 3:22

 ghɛ̀ a kɔ̂ wò, e zuuw nduw nlò â ghê mughùbè ghɛʼɛ alo aghəa a dzə̀m. E dəmā təla tsughuu ko nlò aleghəŋlo enyəa fə̂ŋ tə ghee tə e duʼnlo, kà è kaa fwaʼā ko nlò â ghee mò ghùw chìin ghɛ̀. E tsəŋo nlò Mughu ù te, ghɛ̀ è fwaʼā â ghì ghəla ghe lo ghê mughùbè ghɛʼɛ am fə̀ŋ tə̀ dzûŋ tò.

1 Tɛ̀sàlonìan 2:4

Ghàʼ ghəa ghən fɛ kə̀aa wò tò ghî ghə̀là Zə̀ kə̀ lo mo kə m fughu naŋa làbəlà è dzùŋ è te â ghee, ghàʼ kə̂aa dzə̀ yò fəgha kəla ghî à ləghaa, ghǎʼ kuuwn kə̀a wò fəgha kə̀là Zə̀ kə̀ ləghaa enyəa ghàʼ e kəaa, Zə kəla kə kwo fə̂ŋ tə aghì tò.

Dzɛ̂ms 4:4

Ghɛ̀ ghî à səa ndzaŋa gho, ghɛ̀ kwo yo enyəa ghî ghəla ghe bwîi fwən wo ghèe ghê fʉgha u mbī wo lo ghî a kətuw a Kəzə̀ a? À fi lo enyəa, ghùw wəla ù mòʼnlo alebwiī fwən wo ghèe fʉgha u mbī wo fi doʼò dzə ghùw ù kə̀tūw ù Kə̀zə̀.

1 Dzɔ̌n 3:9

Ghùw wəla ù lo wɛ u Kə̀zə̀ ghə̂əŋ ndùuŋ yò bo zo, bòʼ mwam u Kəzə̀ ù lo a zəŋò wə̄n. Ù kòom yo dzə̂ aleghəəŋ bo zo, bòʼ à wə̄n dzə Kəzə̀.