Gàlashìan 1:1 - To kə Kəzə̀ kə̀ Fughu ko

¹ À mwàʼsò kən kə tɔɔ wò mùghò Pôl, tùm è Yɛso Kə̀lestò. À kà mùghò shîaa kɔ̀ʼ dzə̀ ghî ghò ŋkāa à mùghò tum wò ghùw ù lì. À mùghò tsɔʼ sə̀ wò Yɛso Kə̀lestò ghèe Zə̀ kò, tɔɔŋ tsele ù sɛ̀ wəla ù fə̀ zôm nughù kɔʼ Yɛso alo evʉ̄.

Gàlashìan 1:1 Iomraidhean Croise

Dzɔ̌n 10:30

Ghàʼ à bə̀ghà lò alo kəfəgha kə̀ mɔ̀ʼ.”

Dzɔ̌n 20:21

Yɛso n dzɛ̀ kpèʼe ndùw â ghee enyəa, “Bughuun zə e lo ghɛ̀ à ghee. Ghəa bəghà mò tum wô mugho, à lò sugho eghala Ǹ tuū səaa ndûw ghɛ.”

Dzɔ̌n 5:19

Yɛso n dzɛ̀ â ghee enyəa, “Kùmkùm, ghəa Ǹ dzâa wô fɛ â ghɛ̀, Wɛ yo aleghə̂əŋ ghəa è li zo an daʼa kə wə̄n, mò à bɔ̌ɔm yò ko fəgha kə̀là ù kòʼ ni aŋ wo ghùu Tsele; tɔŋlo enyəa, fəgha kə̀là Tsele ghəə̄ŋ tsughu, Wɛ m bɔɔm ghəəŋ tsùghù sùghò ghè kò.

Kə̀fwàʼ 22:10

Mùghò n daŋso nùghù bvʉ tsughu enyəa, ‘Ŋ̀ ghəə̄ŋ ndûw êndughō a Mughùbè?’ Mughu ù te n dzɛ̀ â mùghò enyəa, ‘Nùghu kɔʼɔ̀ ghù nyə nduw an Dàmaskùs, ghe sô dzàa wò nù ghəa zəla Zə̀ kə̀ dzɛ̂ naŋā enyəa ghù ghəŋlo.’

Kə̀fwàʼ 3:15

Ghɛ̀ mo enyəa ghe fwəlà ndûw wiī maʼà ndûw Ghùw wəla ù fughuu mughùu zo, Zə̀ kə̀ ŋ kuuwn nì nùghù sə̀ kɔ̀ʼ wò ko wə̄n alo evʉ̄; ghue e ughùe zaʼā e maā ghəa a te gho a dzə̀m a kôʼ yia a dzâa wo êzə̄ŋ.

Kə̀fwàʼ 9:6

Nùghu kɔʼ ko nû ghù nyə nduw an naʼ e te zo, ghe sô dzàa wò nù ghû â ghəa zəla ghù ki aleghəŋlo.”

Lumà 1:1

À mwàʼsò kən kə tɔɔ wò mùghò Pôl kɔ̂ɔ fə Yɛso Kə̀lestò, à mo mugho shiāa kɔʼ Kəzə̀ enyəa Ǹ doʼò tum è Kə̀lestò Yɛso alezùghò Làbəlà e dzùŋ e wə̄n.

Lumà 10:9

Abugho ghù dzɛ̀ sə wo an dzughu e tughō zo enyəa Yɛso lò Mughu ù te, boo tsùghù sùghò am fə̂ŋ zə̀ghà enyəa Zə̀ kə̀ mafə wə̄n alo evʉ̄ zôm nùghù kɔʼ, ghù lo zəa nù tuw ko.

Lumà 14:9

Kə̀lestò fə̀ fɛ kpuw zoō kɔʼ bòʼ ghəa ghə̀ è yi enyəa, ù è lo Mughu ù te â ghì à kpuwn gho àsùghò ghəla ghe lô â tuw ko.

1 Kòlentìan 1:1

À lò mugho Pôl Ǹ tɔɔ̄ wo mwàʼsò kən ko â ghɛ̀. Zə kə̌ fə tsə̂m tsughu nû, kə n nì kɔ̀ʼ mugho enyəa Ǹ doʼò tsughu tùm è Kə̀lestò Yɛso. Ǹ lo fɛ ghàʼ à wàazə̀ waʼa Sɔ̀stɛ̂ns aŋghəa Ǹ tɔɔ̄ mwàʼsò kən ko.

2 Kòlentìan 1:1

À lò mugho Pôl M̀ tɔɔ̄ wo mwàʼsò kən ko, mùghò wəla Zə kə tsə̂m tsughu enyəa Ǹ doʼò tùm è Kə̀lestò Yɛso. M̀ mwàʼsò kən fɛ tɔɔ wò mò Ǹ lo ghàʼ à Timotì, wàazə̀ ù sɛ̀. Ǹ tɔɔ wò â ghɛ̀ dzeŋe kə ghì a Kəzə̀ ghəla ghɛ̀ lo fi aŋ naʼ e Kɔ̀lênt, àsùghò ghì à Kəzə ghən à dzə̀m ghe lo an naʼ e Akayà.

Gàlashìan 1:15

À sò kǔuwn lò ko enyəa Zə̀ kə̀ mò mugho shiāa mo ghe kaām mugho dzə, kə tɔŋɔ mùghò am fə̀ŋ è wən è dzùŋ.

Gàlashìan 1:17

Ŋ̀ ka fə kôom nùghù ndùw dzə̀ ebàm an Yɛ̀lusalɛ̀m enyəa Ǹ ndûw kə̂aa dzəə̄ŋ ndûw dzə̂ àghəa ghàʼ à ghê ghì ghəla ghe fə̀ doʼò tum tə Yɛso tò kəsə a zəŋò mùghò. Mùgho fə̀ ghue u shuā nduw dzə an naʼ e zə Àlabìa, mùghò n daŋso kòom zə̀ghàa tsùghù sùghò naʼ e te zo nùghùu wò èbàm an naʼ e Dàmaskùs.

Efɛsùs 3:8

Ghəa e bûʼ lô ko enyəa Ŋ̀ kâ tso kɔ̀ʼ kpe to ghe e tɔŋɔ mùghò enyəa Ǹ lo ghùw ù Kə̀zə̀, ghe fə̌ fwàʼ kən kə fughu wo â mùghò alezùghò naʼa kum e ne zəla e lo am bàm e Kə̀lestò â Tòʼò zò,

2 Timotì 1:1

À lò mughu Pôl, tùm è Kə̀lestò, Ǹ tɔm wo mwàʼsò kən ko. À mò tsəm tsughu Kəzə̀, kə n tsɔʼ kɔʼ mugho enyəa Ǹ doʼò tùm è Kə̀lestò Yɛso. Kə n tùm sə̀ wò mùghò alezùghò naʼà wô to kəla kə fə̀ to naŋā â sɛ̀ enyəa sɛ kê kelê mùghù è doʼn təla zo aŋghəa sɛ̀ lô fəgha ko kə mɔ̀ʼ sɛ̀ â ghê Kə̀lestò Yɛso.

Taetùs 1:3

A m bùghò nəgha e Kəzə̀ è kpe tsughu, Kə ŋ ghəəŋ tsughu enyəa a kele làbəlà è wə̄n è dzùŋ zən zəla Ǹ naʼn wo. Kən lǒ fwàʼ kə̀là Zə̀ kəla kə bəghaasəa fughu wo â mùghò enyəa mùghò è fwaʼā.

Hibùlù 13:20

Ŋ̀ gɔ̂ŋlò êzəŋ enyəa to Zə̀ kə ebughuun kəla kə mò kôom nî nughù wò Mughùbè Yɛso alo evʉ̄, wəla ù lǒ bàʼàtə̀ndzì ù ghàʼa — aŋghəa kə fə̀ nî kɔʼ kàŋ tə wə̄n to zə kɔʼ kàa məla n dòʼo tən a te,

1 Pità 1:21

À lò am bàm e Kə̀lestò e ghəŋlo enyəa ghɛ̀ gaʼ fə̀ŋ a zəŋò Zə̀ kò; tɔ̂ɔŋ Zə̀ kəla kə fə̀ zôom nughu wo wə̄n alo evʉ, naŋa kɔʼ wə̄n alo nsəghanyəgha enyəa to boo zɛʼɛ àsùghò moʼn zɛʼɛ zə e lo a zəŋò Zə̀ kò.

Edêe Fughu 1:18

Ǹ lo ghùw wəla ù lǒ â tuw ko; M̀ maā kpuw, mùghò ŋ kòom nùghù dòʼò tə̀n wò ebàm â tuw ko, yìa Ŋ̀ ki daʼa ko a zəŋò vʉ zo àsùghò an naʼ zə evʉ.

Edêe Fughu 1:5

To Yɛso Kə̀lestò wəla ù dèe wô ghəa a səŋò ghəla sɛ̀ lo alenaŋa fə̀ŋ a te, vʉ̀a ù lǒ ghuw ù sûesʉ alekɔʼɔ̄sə̄ alo evʉ̄, wəla ù saʼā dwə̀ŋ wò aŋ ghueekətsə̄, mò dê ghɛ̀ â dzɔ̀ e wə̄n zo, ù fughuu sughò ghɛ̀ â bughuun zo. Ù lə̀ghaa nǔ sɛ̀, vʉ̀a ù bəghasə̄ tsughu sɛ̀ aŋ ghùu bòo tə sɛ̀ tò aŋghəa u fə̀ ù fùghù ndùw tuw kə wə̄n ko an tuw u sɛ̀ an kàŋ tə wə̄n təla tə fə̀ kwəlà sə tsughu wo alo kədàŋlo.

Edêe Fughu 2:8

Yɛso n dzɛ̀ wò â mùghò enyəa, “Tɔm ndùw â tsə̀ndə̄ghā è Kəzə̀ è dzeŋe kə ghì a Kəzə̀ ghò an naʼ e Smylnà enyəa, ‘Ghùw wəla ù lò sə ko, lò sugho kəbām, wəla ù fə̀ kpuw tsughu, ù ŋ kòom nùghù dòʼò wò â tuw ko dzɛ̂ enyəa,