Filemùn 1:6 - To kə Kəzə̀ kə̀ Fughu ko

⁶ Ŋ̀ gɔ̂ŋlò enyəa aŋghəa sɛ̀ bwîi ghuw ko kə mɔ̀ʼ am fə̂ŋ zəla sɛ̀ gaʼ tsughu a zəŋò Kə̀lestò, to ghəa a te a mô ghə̀ŋlo sɛ̀ e tɔʼɔ zuuwkɛlɛ tsughu ghəa à dzûŋ ghəla à dzə̀m sɛ̀ ki aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò.

Filemùn 1:6 Iomraidhean Croise

Matìo 25:16

Ghùw wəla ù fə̀ ni mbə̀ghà ŋ kua mò n tɛ̀ ŋ kwūun ndùw də̀ghàan ndùw bekewə̄n a te; kele kpeʼe kɔ̀ʼ sùghò m̀mbə̀ghà n tɛ̀.

Matìo 5:16

Ghəəŋ tsughu nlò enyəa kɛ̀ʼɛ̀ kɛʼɛ kə e bɔɔm baŋā sugho êzə̀ an sə kə aghì. Ghe e koʼō ghəa fwàʼ kɛʼɛ kə dzɔɔ̄ a te, ghe e kɔʼso Tsele wɛʼɛ wəla ù lò alo kəwālā.”

1 Kòlentìan 14:25

Abugho tsɔŋ tə aghəa təla ù ki am fə̂ŋ bùghò dê sə kɔʼ ghue wo an ndɛ, ù lo təm tə̀ŋgūʼ a vʉ̀a Zə kò, ù e fughuu ndûw wən â kɔʼso mò, dzàa səā wô mgbaāŋ wô enyəa, “Zə̀ kə̀ kûm lò nû am bvʉa zɛʼɛ̄.”

1 Kòlentìan 16:9

Ghəa ghî à kətūw ghaŋā a bûʼ lô ko fɛ ndə̀m, ghəa a lo dzɔ nû fɛ an dziī zəla ghùw lò alemūʼn fwaʼà dzɔ̂ɔ tsughu fwàʼ kə səŋò kò a te.

Fèlepìan 4:8

Alemìasò tsughu shwaʼ waŋā waazə̂ ghaŋa gho, naŋa tsughu nlò moʼn zɛʼɛ zo an ghəa dzuŋ ghò àsùghò aŋ ghəa ghəla a ki kɔʼso mò, àsùghò ghəla alo tsəghatsəgha àsùghò ghəla alo èsəŋò, ghəa a zɔlɔ à sùghò ghəla ghî ləghaa alezuw àsùghò alekòʼ

Kòloshìan 1:9

Zə lo e ghee, alenìi nughù wô an tsuʼ fəla ghǎʼ mò zuw tsughu zwɔ̂ŋ wɛʼɛ wo a te, ghàʼ kaām bughu naŋa kòʼ alegɔ̀ŋlò an tuw wɛʼɛ enyəa Zə̀ kə̀ dêe wô ghɛ̀ â ghəa gho a dzə̀m kə ləghaa enyəa ghɛ̀ è ghəŋlo, kə fughuu sughò ghɛ̀ â tɔ wo, ghɛ è zuuwkɛlɛ sugho ghəa ghəla Zuʼ tə̀ Zɔlɔ tə fughu â ghɛ̀.

Kòloshìan 3:10

Zə̀ kə̀ ŋ ghəŋlo enyəa ghɛ̀ doʼo ghî à fughu gho, dòʼn wò sùghò tǒ ghee, zoʼn kele mɛ̀ʼn wò sùghò ghùw wəla e lo ghè wò.

Taetùs 3:14

Ghəəŋ tsùghù sùghò enyəa ghî a sɛ̀ à zoʼn nduw aleghəəŋ tsəgha ghəa ghə̀là à lǒ à dzûŋ ghò, to ghe e lo aleyòsò ghì ghəla ghe ki yo, e kwo ghî a sɛ̀ ghəla ghe boō tsughu lò so e mūghùun tsɔ̀ kə emùghùu.

Hibùlù 6:10

Zə̀ kə̀ lo tsəghatsəgha, kə yo dzə̂ alenìizə̂ fwàʼ kə̀la ghɛ̀ mò fwaʼ ŋkāa ləgha zəla ghɛ̀ mò de tsughu â wə̄n tɔɔŋ Kəzə̀ an yoso zəla ghɛ̀ mò fughu â ghì a Kəzə̀ à li gho, ghɛ̀ yia naam fughuu ko êzəŋ.

Dzɛ̂ms 2:14

Waazə̂ ghaŋa gho, ghùw zə̌a kɔʼɔ̀ kə̀ kwò a te a, abugho ghùw dzɛ̀ enyəa e boo fughu â Kə̀lestò a, mò fwàʼ kə wə̄n kə̀dzûŋ kə̀ dêe tsùghuu yo fəgha kəla ù boō fughu tsughu a te a? To ù n tuw kə zəā a, enyəa ù bǒo fughu â Kə̀lestò à?

Dzɛ̂ms 2:17

À lò sugho eghəla abugho ghùw dzɛ̌ enyəa e boo fughu â Zə̀ kò, mò ù dèe yò aŋ ghəa a wə̄n à ghəəŋ gho, boo e wə̄n e te e fi lo kə̀nughùnùghù.

1 Pità 2:12

E deē nlò mwam è dzûŋ zò am bvʉ̀a e ghì ghəla ghe kaām kwo yo Zè kò, to zə e lo enyəa mo ghe kwuu ko ùgəŋ a zəŋò ghɛ̀, ghe ŋ koʼò wo fwâʼ kɛʼɛ kə̀ dzûŋ kò, fughuu ùkɛɛ â Zə̀ kò an tsuʼ wəla kə kê kôom bughoo a te ebàm.

1 Pità 3:1

Yi ghə anum gho, e zuuw nduw sugho nlò â num ghɛʼɛ gho, to abugho ghe à li a lô ko mo ghe kâ bǒo fughu â Zə̀ kò, ghe n lo alebōo fughu mò ghùw kà ghəa zo â ghee kə̂a bòʼ mwam zɛʼɛ, yi a ghee,

1 Pità 3:16

Kele tsugho nlò fə̀ŋ tə̀ zɔlɔ to, to enyəa abugho ghî a sûuwn ko ghɛ, ŋkāa teso bǒon mwam zɛʼɛ è dzûŋ zò am fwaʼ kɛʼɛ â Kə̀lestò, ghe n lo kelê tuw kə̀ dəla ko.

2 Pità 1:8

Abugho ghɛ̀ tso ki dzə̂ ghəa ghə̀ è ghə̀n a dzə̀m, yia nomlo am bvʉa zɛʼɛ̄, a lo ghəəŋ nù ghɛ̀ è fwaʼā dzɔɔ̄, mʉa sùghò tam kə̀ dzûŋ kò, ghəa a te a lo e deē tsughu enyəa ghɛ̀ kwo nû Mughùbè ù sɛ̀, tɔɔŋ Yɛso Kə̀lestò u te.