Filemùn 1:24 - To kə Kəzə̀ kə̀ Fughu ko

²⁴ Ghê Mâk ghəla ghàʼ à ghee fwaʼà dzəə̄ŋ fɛ a dzə̀m ghèe ghê Àlistakùs àsùghò Dɛ̀mâs àsùghò Lûk fùghù wò sùghò ghù â tɔɔŋ zo.

Filemùn 1:24 Iomraidhean Croise

Kə̀fwàʼ 12:12

Ghəa ù kele tsughu dzə̂ ghəa ghən, ù n ndùw an ndughu alô Mèle, zə̂ Dzɔ̌n wəla zən e wə̄n è li e mò lô sughò Mâk, mò ndə̀m è àghǐ m fughu zûuŋ dòʼò, gɔ̀ŋlò.

Kə̀fwàʼ 12:25

A m bùghò Bànabàs ghèe Sôol daŋso mîasò tsughu fwàʼ kə ghee ko, ghe n nì kɔ̌ʼ Dzɔ̌n, wəla zən e wə̄n è li zən mò lô Mâk, nùghù ndùw ghèe ghee ebàm an Yɛ̀lusalɛ̀m.

Kə̀fwàʼ 13:13

Pôl n daŋso nì kɔ̀ʼ kəkwə̀n ghèe ghê ghì a wə̄n gho zə̀ghàa tsùghù Pafòs dàŋ sə̀ wò am Pɛlgà am Pàmfilìa. Dzɔ̌n Mâk m bùghò zə̀ghàa tàʼà tsùghu ghee a fughu, nùghù ndùw èbàm an Yɛ̀lusalɛ̀m;

Kə̀fwàʼ 19:29

Naʼ e te e fi daŋso tee kɔʼ nû alo efwēe, ghe n daŋso mbà nyə̀ŋ zùuŋ wò an sàŋ ghee, mo ghe ŋ Gayòs kwù kɔ̀ʼ ghèe Àlestālkùs, wɛ a Màsɛ̀donìa ghe mò dzeŋe bwîi kaāŋ wo ghèe ghê Pôl.

Kə̀fwàʼ 27:2

A n nì kɔ̌ʼ kwə̀n kə̀ li ko kə nughu wo an Àdə̀làmitìum, mo kə ki alendùw shueʼe am bala e ukwə̀n è shueʼe zəla e doʼò tsughu nduw aŋ kùw kə Ɛshìa, nùghù ndùw â dàŋ kò, ghàʼ à ghê Àlestālkùs, ghùw Màsɛ̀donìa ù sə an nàʼà fə Tɛ̀sàlonicà.

2 Kòlentìan 8:23

Yia a bugho Taetùs, à lǒ ghùw wəla ù dzeŋe fwaʼā ghàʼ à wə̄n alefwaʼā â ghɛ̀; yia abugho waazə̂ a sɛ̀ ghò, ghe lo tum tə dzweŋe u ghì a Kəzə̀ gho, ghe ghəŋlo enyəa Kə̀lestò kele ŋkɔʼso.

Fèlepìan 2:25

Mùghò ŋ kòʼ enyəa e dzɔ̂ɔ nù â mùghò alenìi tuū wô wàazə̀ ù sɛ̀ wən Èpàfə̀loditùs ebàm a vʉ̀a ghɛ̀. Ù lǒ fən waŋā, lò sugho ghùw wəla fwàʼ dzənlō ghàʼ à wə̄n tǒ sùghugòʼ, ghùw wəla ghɛ̀ mò tum wo enyəa ù bùghò fughu mugho â yòsò zò.

Fèlepìan 4:3

Yia a bughò ghû fən waŋa wəla ghàʼ à ghù zumso fwâ kɔʼ wo, yoso yîzən ghən tɔŋlo enyəa ghe maā ŋge fwàʼ ghàʼ à ghee alezùghò làbəlà è Kə̀zə̀, ghèe ghê Kə̀lɛmɛ̀n àsùghò ghî à li ghəla ghàʼ à ghee mò dzeŋe fwaʼā a dzə̀m. Ghəla zŋ a ghee alo am mwàʼsò kə Kəzə̀.

Kòloshìan 4:10

Alistachùs, wəla ù lò fɛ an ndùghùtsāʼ ghàʼ à wə̄n fughu wò ghɛ̀ â tɔɔŋ zo. Mâk, tɔɔŋ wàazə̀ ù ghê Bànabâs vʉ̀a ù dzɛ̀ wô sugho enyəa ghàʼ tɔɔŋ zuūw wô ghɛ̀; ghɛ̀ mafə dzɛ̂ zìi wò ghəa ghò â ghɛ̀ kùu ndùw Mâk, abugho ù bughò fì avʉ̀a ghɛ̀, ghɛ̀ kpeni wə̄n aŋ ghu kə̀ dzûŋ kò.

Kòloshìan 4:14

Lûk, tɔɔŋ ghùwŋgàŋ waʼa wəla ghàʼ ləghaa ghèe Demàs fughu wò sùghò ghɛ̀ â tɔɔŋ zo.

1 Pità 5:13

Waazə̂ ghɛʼɛ ghəla ghe lo an dzeŋe kə ghì a Kəzə̀ a fi an naʼ e Babilɔ̀n, dzeŋe kəla à fə̀ shîaa kɔʼ sugho Zə̀ kò, fughu wò ghɛ̀ â tɔɔŋ zo. Wɛ waŋa wə̄n Mâk, fùghu wò sùghò ghɛ â tɔɔŋ zo

3 Dzɔ̌n 1:8

A fi lo enyəa sɛ̀ ki aletɔɔ̄m ŋgòʼ è ghî ghən tò sɛ̀ lo e fwaʼā dzəəŋ sɛ̀ à ghee alezoʼn nduw ghî ghò aŋ ghəa à səŋò ghò.