Filemùn 1:22 - To kə Kəzə̀ kə̀ Fughu ko

²² Ghəa è li zəa e lô kpeʼe sugho enyəa ghù fəghaan naŋa tsughu mugho â dzughu e ndughu e bwii zo, nu Ǹ chîi tùʼ enyəa Zə̀ kə lo zuuw nù gɔ̂ŋlò e ghɛ̀ a dzə̀m zo, kə lo ghəŋlo M̀ bughò tɛ̂ fì ebàm a vʉ̀a ghù.

Filemùn 1:22 Iomraidhean Croise

Kə̀fwàʼ 27:24

vʉ̀ ù dzɛ̀ â mùghò enyəa, ‘Kà tsəŋ a Pôl, ghù kì aletèlè ndûw teē ndûw an sə kə Də̀ŋ kə̀ ne ko an Lumà; kòʼô, am fə̂ŋ è dzùŋ, Zə̀ kə̀ ŋ ghəŋlo enyəa ghùw lo kpuw yo aŋ ghì ghə̀n à dzə̀m ghɛ̀ a ghe bwîin.’

Kə̀fwàʼ 28:23

A m bùghò ghèe ghee ndôʼ boō naŋā tsughu tsūʼ fo, ghe m bùghò kòʼ wò sùghò wə̄n, ghee ndə̀m, an lùʼù kəla ù mò mughu a te. Ù n tesô ghəa e te zo â ghee, alezìi tsughu â bwə̀làbwə̀là tò ndùw kùm ndùw an nə̀gha è gûŋsò zò, dèe fùghuu kɔʼɔ tsə̌a tə fɔ̀e u Kəzə̀, də̀mà ndùw sùghò enyəa e tsʉ̂ʉn nughù kɔʼ ghee kùu ndùw Yɛso aŋ ghəa lâŋ kə Musî kə̀ deē àsùghò shwaʼ u ghǐishʉ̀ghà a Kəzə̀ ghò.

Lumà 15:24

M̀ ŋgə̀mso kùum mòʼn nù alebəŋo kòʼò daŋa tsəghà ghɛ̀ abugho Ǹ lo nduūw daŋso an naʼ e Spɛ̂ɛn, tò sɛ̀ kê dzeŋe kele tsughu nyàaŋ fə enəgha fə̀ dzûŋ fò a dzə̀m, tò ghɛ̀ e lo alefughu mugho â yòsò zò alendùw daŋso fughu.

2 Kòlentìan 1:11

ghəa ghɛ̀ yôsò ghaʼ alegɔ̀ŋlò an tuw waʼā. Aŋ ghəa ghə̀ è yì, ndə̀mà tə aghì tə̀ e ke fughuu zɔ̀ɔŋ kò â Zə̀ kò, yòsò wò ghàʼ alo egɔ̀ŋlò enyəa ndə̀mà tə aghì tə̀ e lo alefughu zɔ̀ɔŋ kò am bughuso zəla a kele kɔʼ aŋghəa Zə̀ kə̀ zuw tsughu gɔ̂ɔŋ zəla də̀mà tə aghì tə̀ gɔ̂ŋlo an tuw waʼā.

Fèlepìan 1:19

E lo nû èsəŋò enyəa Ǹ lo naam ki nû aleduʼnlo, Ǹ sô kwo enyəa gɔ̂ɔŋ zɛʼɛ àsùghò daʼa kə Yɛso Kə̀lestò kò lo bəghaasəa nù mugho.

Fèlepìan 2:24

Yìa Ǹ ndzə̂əm kwo enyəa aletsùuŋ tsughu, Mughu ù te lo ghəəŋ nù M̀ bughò koʼò sughò ghɛ̀.

Hibùlù 13:19

M̀ fɛ ŋgee buʼu wò kə̀ghu a te â ghɛ̀ enyəa ghɛ̀ e gɔ̂ɔŋ nduw â Zə̀ kò enyəa kə lo kôom nîi tuu wô mùghò ebàm a vʉ̀a ghɛ̀.

Hibùlù 13:23

Ghɛ̀ kele tsughu enyəa ghe ŋ wàazə̀ ù sɛ̀ Timotì tsʉ̀ zə̀ghàa an ndùghùtsāʼ. Ghàʼ à wə̄ n lo bùghò kòʼò nù ghɛ̀ a dzə̀m abugho ù kùʼù bugho.

Dzɛ̂ms 5:16

Ghɛ̌ fi ki alezaā vûŋ wɛʼɛ wo aŋ ghùe zɛʼɛ̄, gɔ̀ɔŋ sùghò aŋ ghùe zɛʼɛ̄ to Zə̀ kə̀ baāŋ kɔʼ ghɛ. Nu gɔ̂ŋlò e ghûw ù tsəghatsəgha è ki kədaʼa, kɔɔ fwàʼà sùghò.

2 Dzɔ̌n 1:12

Ŋ̀ ki ndə̀mà tə aghəa aledzɛ̀ wô â ghɛ̀, yia Ǹ yo aletɔɔ̄ wô ghəa a te gho alo kəmwàʼsò. Ŋ̀ kuuwn mòʼnlò alebùghò kôʼ ghɛ̀ ghuūghùe waŋā enyəa sɛ̀ kə̂aa dzəə̄ŋ ndûw àghəa tò sɛ̀ ke e ŋge lo alo eduʼnlo.

3 Dzɔ̌n 1:14

M̀ moʼn nù alekùʼn bughò bwîin kôʼ ghù, tò ghàʼ à ghù lo kə̂aa dzəə̄ŋ ndûw aghəa.