Filemùn 1:21 - To kə Kəzə̀ kə̀ Fughu ko

²¹ Ŋ̀ kûum kwò nû enyəa ghù zǔuw nù lâŋ ko, zə lo e gheə aŋghəa Ǹ tɔɔ̄ wo mwàʼsò kən ko â ghùw, kwo tən nû enyəa ghù lo ghəəŋ nù ghəa ghəla M̀ bvʉa wo â ghù, ghù buʼ ghəəŋ tsəghataʼā.

Filemùn 1:21 Iomraidhean Croise

Lumà 2:19

Ghɛ̀ yia tɔ̂ʼ kwo sugho enyəa ghɛ̀ lo ghî ghəla ghɛ̀ deē dzì â ghì ghəla ghe kwo yô lâŋ kò, asugho enyəa ghɛ̀ lo tǒ tsə̀ a ghì ghəla ghe lo alo kələm,

2 Kòlentìan 2:3

Zən lò e ghee mùgho mò tɔm wô ghɛ â mwàʼsò kə̀ chî, enyəa abugho M̀ mô bughòo kpeʼē, e kwo Ǹ lô bughò fanlō aŋ ghùu ghì ghəla ghe mô ki aleghəŋlo enyəa mùghò è tsoʼnlo. Zən lǒ bòʼ Ǹ tɔ̂ʼ kwò nû ghɛ ghə̀n à dzə̀m, enyəa abugho Ǹ duʼnlō, à fi lo enyəa ghɛ̀ duʼn sùghò nù.

2 Kòlentìan 7:16

Ǹ duʼn nù enyəa ghɛ̀ lo nû ghî ghəla Ǹ lo alenaŋa fə̀ŋ a te, alo aghəa a dzə̀m.

2 Kòlentìan 8:22

Ghàʼ tuu wò wàazə̀ ù sɛ̀, wəla ghǎʼ mò mɔ̂msò kôʼ tsughu, bùghò kòʼ tsùghù enyəa ù kì nû ghɛ̂ zò an ndə̀mà tə̀ aghəa, mò ù kǔuwn ki eghɛ̂ êzəŋ tsə̀ghàtàʼà aŋghəa ù mò bûʼ ki bòʼ ù nàŋa fə̀ŋ a zəŋo ghɛ̀.

Gàlashìan 5:10

Ŋ̀ ŋgaʼ fə̀ŋ a zəŋò Mughu ù te enyəa ghɛ̀ lo kòom zuw yo tsʉ̂ e ghûw ù lì zo, tsə̀ghà sə̌a ko yo tsʉ̂ zəla Ǹ lo mò mùghò m fughu â ghɛ̀. Mò à kôom lò ko ndugho ù fwə̀là sə ghɛʼɛ gho, a lô wə̄n fɔeso ko Kə̀zə̀ abugho ghùw ù te tso lô ko kwò ko.

2 Tɛ̀sàlonìan 3:4

Ghàʼ kwo tən nû am fə̂ŋ taʼa enyəa Mughu ù te fwaʼà nù a zəŋò ghɛ̀, enyəa ghɛ̀ fwaʼà nù ghəa ghəla ghǎʼ mò dzɛ̂ naŋā â ghɛ, àsùghò enyəa ghɛ̀ yia lo ghəəŋ ndûuŋ tsəgha ghəa a te gho