Filemùn 1:20 - To kə Kəzə̀ kə̀ Fughu ko

²⁰ Ŋ̀ wàazə̀, Ǹ dzɛ̂ enyəa ghù yoso kɔʼ mugho am bàm e Mughu ù te. Ghù tǒ ghùw wəla ù boō fughu sugho â Kə̀lestò, ghəəŋ tsùghù tò fə̀ŋ zaŋa e zʉʉ̄n dzɔɔ̄.

Filemùn 1:20 Iomraidhean Croise

1 Kòlentìan 16:18

Tɔŋlo enyəa ghe bughò nùmsò kɔ̌ʼ kàŋ zaŋa, àsùghò è zɛʼɛ. E koʼōkɛ̄lɛ̄ nduw nlǒ ŋgòʼ è ghì ghən.

2 Kòlentìan 2:2

Abugho Ŋ̀ ghəə̄ŋ tsughu enyəa ghɛ̀ zuw fɔɔn zo, à sə̀ mùghò kuuwn ghəəŋ ndùghò enyəa mùghò è duʼnlo à, mò à mgbàŋ yò ko ghɛ ghəla Ŋ̀ ghəə̄ŋ tsughu enyəa ghɛ̀ è zuuw fɔɔn zo a?

2 Kòlentìan 7:13

À fi lo enyəa ghɛ̀ m fə̀ŋ taʼa tə dzə̂n. Ghàʼ mò tsoʼn nû, Taetùs m fəghaan bùghò ghə̌əŋ kpeʼe wò enyəa ghàʼ ŋgee tsoʼnlo an tsoʼn kə wə̄n; an tsaʼ kə̀ saa kəla ghɛ̀ a dzə̀m mò kâ mam nduw am fə̂ŋ è wə̄n.

Fèlepìan 1:8

Nu Zə̀ kə̀ kwo nû enyəa ləgha zəla Ŋ̀ ki a zəŋò ghɛ̀ lò zəla Yɛso Kə̀lestò ki sugho a zəŋò ghɛ̀.

Fèlepìan 4:1

E fi lo enyəa waazə̂ ghaŋa à dzûŋ ghəla Ŋ̀ ki am fə̂ŋ è dzùŋ, ndòʼò mbùuŋ kèe sùghò alekòʼ ghɛ, ghɛ̀ lo duʼn kaŋā, lò sugho namso kaŋa am M̀ mbûŋ nù alekòʼ ghɛ̀. Ka tsughu ko nlò zə̀ zo aŋ ghəa e Mughu ù te a fən ghaŋa à dzûŋ ghò.

Filemùn 1:12

Ǹ tuu wò wən ebàm a vʉ̀a ghù, ghù è kwo enyəa M̀ fi tuu wò fə̀ŋ zaŋa.

Filemùn 1:7

Ŋ̀ wàazə̀, ləgha zəla ghù ki ghè zò ŋ ghəŋlo yìa Ŋ̀ ŋgeē duʼnlō, fə̀ŋ zaŋa zə̀ è zʉ̀ʉn dzɔ̂ɔ sugho bòʼ ghù n təm tsaʼ kə̀ saa ko am fə̀ŋ tə wɛ a Kəzə̀.

Hibùlù 13:17

E zuuw nduw nlò â ghì ghəla ghe lô tsoʼ tɛʼɛ to, ghɛ̀ è ghəəŋ nduw ghəa ghəla ghe dzâa wo. Ghe lɛnlo â ghɛ̀, nu ghe lo ki aleteso dzɛ̀ â Zə̀ kò ghəa ghən a dzə̀m ghe fə̀ fwaʼ â ghɛ̀. E zuuw nduw nlò â ghee to ghe fwaʼā â ghɛ̀ alo eduʼnlo. Ghɛ̀ lo alezə kə kwò a te abugho ghɛ ghəŋlo enyəa ghe e mʉŋe zee a?

1 Dzɔ̌n 3:17

Abugho ghùw ki fʉgha u mbī wo, vʉ̀a ù kòʼò nduw wàazə̀ wəla ù kuuwn laʼā kee, vʉ̀ ù ləghaa yo alefughu wə̄n, ù lô ênzə̂n aledzɛ̀ enyəa e ki nû ləgha e Kəzə̀ zò an fəŋ è wə̄n à?

3 Dzɔ̌n 1:4

Duʼn kə̀ ne kə̀ li kə kɔʼɔ yo mugho an ghəa eli zo, tsəghà sə̂a ko yo alezuw enyəa wɛ ghaŋa a bwìi alo êsəŋò.