Bìoball air-loidhne

Filemùn 1:17 - To kə Kəzə̀ kə̀ Fughu ko

¹⁷ Abugho ghù nì mugho enyəa ghàʼ à ghù fwàʼà dzə̌əŋ nù, ghù kpeni wə̄n tò aŋghea ghù lò alekpeēnî mùghò a te.

Faic an caibideil Dèan lethbhreac

dol air ais ⬆

Filemùn 1:17
17 Iomraidhean Croise

Matìo 10:40

“Ghùw wəla ù nì naŋā ghɛ, ù fi nî nàŋa sùghò mùghò, mo e lo enyəa, abugho ghùw nì naŋa mugho, ù fi nî nàŋa sùghò ghùw wəla ù tum sə wô mugho.

Faic an caibideil

Matìo 18:5

Ghùw wəla ù nì naŋā sugho ŋgòʼò wɛfêtùghu fə te fo, ù fi nî nàŋa mùghò.”

Faic an caibideil

Matìo 25:40

Də̀ŋ kə te kə lo daŋso bɛlɛ̀ tsughu ghee enyəa, ‘M̀ fɛ kùm dzàa wò nù â ghɛ̀, aŋghəa ghù fə̀ ghəə̄ŋ dzə̄ wàazə̀ waŋa u mɔ̀ʼ â ghəa ghən gho, wəla ù fə̀ tsoō fweēn yô fəgha ko, ghù mǒ fi ghəŋlo â mùghò.’

Faic an caibideil

Kə̀fwàʼ 16:15

A m bùghò ghe bughò fughu tsughu wə̄n â mùghù ŋ Kə̀zə̀ mò ghèe ghê nùm à wɛ a ghee gho, ù n dzɛ̀ à ghàʼ enyəa, “Abugho ghɛ̀ kôʼ tsughu enyəa — Ǹ lo nû ghûw zɔ̀lɔ an sə kə Mughu ù te, ghɛ̀ m bùghò dòʼò alô mùghò an ndughu.” Ù ŋ ghəəŋ ko êzə̀, kɔɔŋ nùghù ndùw ghàʼ.

Faic an caibideil

2 Kòlentìan 8:23

Yia a bugho Taetùs, à lǒ ghùw wəla ù dzeŋe fwaʼā ghàʼ à wə̄n alefwaʼā â ghɛ̀; yia abugho waazə̂ a sɛ̀ ghò, ghe lo tum tə dzweŋe u ghì a Kəzə̀ gho, ghe ghəŋlo enyəa Kə̀lestò kele ŋkɔʼso.

Faic an caibideil

Efɛsùs 3:6

Nàn kə eghəa e Kəzə̀ zən lo enyəa, Toʼò zə̀ m bughò kele sughô daʼa kə te ko aletəmadzəə̄ŋ ndûw Tə̀dzûu alezə̄ fʉgha u Kəzə̀, ghe lo tò wɛ a ghûw u mɔ̀ʼ, ghe yia ki sugho ghu ko am fəgha kəla Zə̀ kə fə̀ to naŋā â ghì ghəla ghe boo fughu â Kə̀lestò Yɛso. Ghəa à dzûŋ ghən enyə bùghò sə bòʼ làbəlà è dzùŋ zəla ghe fə̀ zuw, è boo.

Faic an caibideil

Fèlepìan 1:7

À lo nu dzɔ̀ â mùghò alekele ŋgòʼ è mòʼn zən a zəŋò ghɛ̀, nu Ŋ̀ ki ghɛ am fə̂ŋ è dzùŋ. Bòʼ enyəa sɛ̀ a dzə̀m dzeŋe dzùghuun dzə̌əŋ dzɔ̂ e Kəzə̀ məla Zə̀ kə̀ fughu â mùghò. Tò êzəŋ wəla Ǹ lo mo ghe kùm nàŋa mugho alo tətsaʼ aŋ kwə̀n ŋkāa tò an ti kə̀là mùgho mò ki daʼa ko kə̀ŋlò làbəlà è dzùŋ è Yɛso àsùghò aleteso dzaā wo enyəa zə̀ è ki zən ko.

Faic an caibideil

1 Timotì 6:2

Kɔ̀ɔ məla ghè mughùbè a ghee a lo mo ghe m boo fughu â Kə̀lestò, e kwo ghe lô so e koʼò lʉ̀ghaa ghê mughùbè a ghee gho, bòʼ enyəa ghê mughùbè a te a boo fùghù tsùghù dzə̀ â Zə̀ kò. Ghe laam ki alefwaʼā dzɔɔ̄ â ghê ghee, bòʼ enyəa ghe fwaʼà a tsəlà ghì ghəla ghe boo fughu sugho â Zə̀ kò tǒ ghee, ghe yia ki sugho ləgha zo a zəŋò ghee. E tɔʼɔ̄ zoʼn tsughu ghî ghò aŋ ghəa ghən gho.

Faic an caibideil

Filemùn 1:10

M̀ buʼu wò kə̀ghu â ghù an tuw kə wɛ waŋā wə̄n tɔɔŋ Omnɛsimùs, wəla M̀ bughò doʼò kɔʼ tsele aŋghəa Ǹ lo fɛ an ndùghùtsaʼ.

Faic an caibideil

Filemùn 1:12

Ǹ tuu wò wən ebàm a vʉ̀a ghù, ghù è kwo enyəa M̀ fi tuu wò fə̀ŋ zaŋa.

Faic an caibideil

Filemùn 1:18

Abugho ù ki ghû a ndàŋ kò ŋkāa ù ghəə̄ŋ boon ghù â ghəa è li zo, ghù tɔm naŋa tsughu an zən zaŋā.

Faic an caibideil

Hibùlù 3:1

Waazə̂ ghaŋa à zɔlɔ gho, ghɛ̀ ghəla ghɛ̀ lo mo Zə̀ kə ŋ ghɛ̀ tɔŋɔ am fɔ̀e u kəwalā, naŋa nduw nlo tuw kɛʼɛ ko a zəŋò Yɛso, wəla a dzɛ̂ enyəa ù lǒ tum e Kəzə̀, lò sugho tuw kəfɔ̀e kəla Zə̀ kə mò tɔŋɔ̄.

Faic an caibideil

Hibùlù 3:14

Abugho sɛ boō fughu tən tsughu ko nù alendùw kuʼù ndûw, yia a gaʼ tsughu ko fə̀ŋ a zəŋò Zə̀ kò aŋghəa a mò ki gaʼ a te sûesʉ, sɛ̀ lo zəa dzeeŋ sughò nù fʉgha wəla u lô Kə̀lestò wò.

Faic an caibideil

Dzɛ̂ms 2:5

Waazə̂ ghaŋa gho, tiso kɔʼ nlò tuw ko edzūŋ, Zə̀ kə̀ kâ shìaa ghî ghəla ghe laā fɛ am mbī enyəa ghe e kuuwn lo ghî à kuu gho aŋghəa ghe gaʼ tsughu fə̀ŋ a zəŋò Zə̀ kò. À lǒ ghee ghe lo ki alezə fɔe wəla Zə̀ kə fə̀ to naŋā â ghì a wə̄n ghəla ke ləghaa.

Faic an caibideil

1 Pità 5:1

Mùghò tǒ tsoʼ, M̀ buʼu wò kə̀ghu à tsoʼ təla tə lo am tsətèʼè fɛʼɛ. M̀ mafə kôʼ fala e Kə̀lestò zò, Ǹ lo kòʼò sùghò nû səghanyəgha mə̀là n lò aŋ ghaʼ e wə̄n abugho ù lo kôom bugho ebàm.

Faic an caibideil

1 Dzɔ̌n 1:3

Ghàʼ fɛ dzâ wò ghɛ̀ â fəgha kəla ghàʼ lo mò ghàʼ n zuw, kòʼ è sugho, ghàʼ fɛ â ghɛ̀ dzâa wò aleghəŋlo enyəa sɛ̀ təmadzəə̄ŋ kɔʼ alo kəfəgha kə mɔ̀ʼ, tò aŋghəa ghàʼ lo alo kəfəgha kə mɔ̀ʼ ghàʼ à ghê Tsele àsùghò Wɛ ù Wə̄n, tɔɔŋ Yɛso Kə̀lestò.

Faic an caibideil

Lean sinn:

Ceanglaichean taic

Sanasan

Sanasan