Filemùn 1:1 - To kə Kəzə̀ kə̀ Fughu ko

¹ À lò mugho Pôl, Ǹ tɔɔ wo mwàʼsò kən ko, mùghò wəla Ǹ lo ghùw ù ndùghùtsāʼ bòʼ fwàʼ kəla M̀ fwaʼa â Kə̀lestò Yɛso. M̀ mwàʼsò kən kə tɔɔ wò ghaʼ à wàazə̀ ù sɛ̀ wən Timotì, ghàʼ tɔɔ wò ghǔ a waʼawāʼ Filemùn, ghù wəla sɛ̀ fwaʼà dzəŋlō a dzə̀m,

Filemùn 1:1 Iomraidhean Croise

Kə̀fwàʼ 16:1

Pôl m bùgho sùgho an Dɛbì àsùghò an Listə̀là. Ghùw ù li m mughu fughu ù boō â Zə̀ kò zən e wən e fə̀ lô Timotì; wɛ ù zəla Dzûu, tsele mò kuūwn lo ghùw ù Gə̀les.

1 Kòlentìan 3:9

Tɔŋlo enyəa ghàʼ lo ghî a kəfwàʼ ghàʼ dzeŋe fwaʼā â Zə kò, ghɛ̀ yia kuūwn lô sum u Kəzə wò. Ghɛ̌ yəa lô sugho ndughu è Kəzə.

2 Kòlentìan 1:1

À lò mugho Pôl M̀ tɔɔ̄ wo mwàʼsò kən ko, mùghò wəla Zə kə tsə̂m tsughu enyəa Ǹ doʼò tùm è Kə̀lestò Yɛso. M̀ mwàʼsò kən fɛ tɔɔ wò mò Ǹ lo ghàʼ à Timotì, wàazə̀ ù sɛ̀. Ǹ tɔɔ wò â ghɛ̀ dzeŋe kə ghì a Kəzə̀ ghəla ghɛ̀ lo fi aŋ naʼ e Kɔ̀lênt, àsùghò ghì à Kəzə ghən à dzə̀m ghe lo an naʼ e Akayà.

Gàlashìan 3:26

Tɔŋlo enyəa ghɛ̀ a dzə̀m lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso.

Efɛsùs 3:1

À lǒ bòʼ ghəa ghəla Zə̀ kə̀ lo mò kə ŋ ghəŋlo aletəmaa dzəə̄ŋ wô Tə̀dzûu ghèe ghê Tòʼò zo alo kəfəgha kə mɔ̀ʼ, mùghò Pôl, Ǹ lo ghùw ù ndùghùtsāʼ aŋ ghəa e Kə̀lestò Yɛso enyəa Ǹ zughò wo làbəlà è dzùŋ â ghɛ̀ à Toʼò zò.

Efɛsùs 4:1

Bòʼ ghəa ghə̀n a dzə̀m Zə̀ kə̀ lo mo kə ghəŋlo â ghɛ̀, zən lò e ghee, mùghò wəla Ǹ lô fɛ an ndùghùtsāʼ bòʼ M̀ fwaʼà â Mughu ù te, M̀ buʼū wô ghu ko â ghɛ̀ enyəa ghɛ̀ è mughu mughù zəla ghî a Kəzə̀ ki alemùghù ghè zò, zəla Zə̀ kə fə̀ tɔŋɔ ghɛ a te.

Efɛsùs 6:20

Ghe mò mùgho tum wo â alebùghò naʼà làbəlà èdzùŋ zə̄n, zən lò e ghee Ǹ lô fɛ an ndùghùtsā. E gɔŋlo nlò an tuw kaŋā enyəa to M̀ mò lò aledoō naʼn làbəlà zən an ghəa ghəla ŋ ki alenàʼà a te.

Fèlepìan 1:1

À mwàʼsò kən kə tɔm wò mùghò ghàʼ à Timotì, ghàʼ lo ghî a kəfwàʼ a Kə̀lestò Yɛso. Ghàʼ mwàʼsò kən kə tɔɔ wò â ghɛ̀ ghî a Kəzə̀ yi ghɛ̀ lo fi an naʼ e Felèpîi, â ghɛ̀ ghəla ghɛ̀ lô fəgha ko kə mɔ̀ʼ ghɛ̀ à ghê Kə̀lestò Yɛso, àsùghò â tsoʼ tə dzeŋe kə ghì a Kəzə̀ to ghèe ghê ghì ghəla ghe fughuu ghɛ â yòsò zò..

Fèlepìan 2:25

Mùghò ŋ kòʼ enyəa e dzɔ̂ɔ nù â mùghò alenìi tuū wô wàazə̀ ù sɛ̀ wən Èpàfə̀loditùs ebàm a vʉ̀a ghɛ̀. Ù lǒ fən waŋā, lò sugho ghùw wəla fwàʼ dzənlō ghàʼ à wə̄n tǒ sùghugòʼ, ghùw wəla ghɛ̀ mò tum wo enyəa ù bùghò fughu mugho â yòsò zò.

Fèlepìan 4:3

Yia a bughò ghû fən waŋa wəla ghàʼ à ghù zumso fwâ kɔʼ wo, yoso yîzən ghən tɔŋlo enyəa ghe maā ŋge fwàʼ ghàʼ à ghee alezùghò làbəlà è Kə̀zə̀, ghèe ghê Kə̀lɛmɛ̀n àsùghò ghî à li ghəla ghàʼ à ghee mò dzeŋe fwaʼā a dzə̀m. Ghəla zŋ a ghee alo am mwàʼsò kə Kəzə̀.

Kòloshìan 1:1

À mwàʼsò kən kə tɔɔ wò mùghò Pôl tum è Kə̀lestò Yɛso zəla Zə̀ kə̀ mò shîaa kɔʼ. M̀ mwàʼsò kən kə tɔɔ wò mò Ǹ lo ghàʼ à wàazə̀ ù sɛ̀ Timotì.

Kòloshìan 4:11

Dzushùa wəla ghe ŋgɔɔ̄ sugho enyəa à lò Dzustùs fùghu wò sugho ghɛ̀ â tɔɔŋ zo. Ghən nəəŋ lò ko ghî a Tə̀dzûu ghə̀n a təgha ghe boō fughu a Kə̀lestò, ghe fwaʼa dzəə̄ŋ ghàʼ à ghee fɛ kùu nduw ghəa e Fɔ̀e u Kəzə̀, ghe yia ŋgeē fughuu sugho mugho â yòsò zò.

1 Tɛ̀sàlonìan 3:2

ghàʼ n tùm wò Timotì, Wàazə̀ ù sɛ̀, wəla ù lò sûghò kɔ̂ɔ fə Kəzə̀ fò, ù fwàʼà dzəə̄ŋ ghàʼ à ghee alenàʼà làbəlà è dzùŋ è Kə̀lestò, a vʉ̀a ghɛ̀ enyəa u bùghò dzə̂n fə̀ŋ tɛʼɛ, ù fəghaan tughuso wô sughò boo zɛʼɛ,

2 Tɛ̀sàlonìan 1:1

À mwàʼsò kən kə tɔɔ wò mùghò Pôl, ghàʼ à ghê Timotì àsùghò Saelàs â ghɛ̀ yia ghɛ̀ lo mò ghɛ̀ m boo fughu â Zə̀ ko, Tsele ù te ghèe Yɛso Kə̀lestò fi an Tɛ̀sàlonikà. Ghàʼ fughuu wô ghɛ̀ â tɔɔŋ zo.

2 Timotì 1:8

E kwo ko ghù lò so e də̂nsò kə̀tuw aleteso dzâa nduw ghəa a Mughùbè ù sɛ gho â ghì ghò, e kwo ko ghù lò də̂nsò sugho tuw ko aledzaā nduw enyəa ghù kwò nû mugho wəla N̂ lô fɛ an ndùghùtsāʼ aŋ ghəa e Kə̀lestò Yɛso. Laam təmdzəəŋ wò mugho alefala bòʼ làbəlà è dzùŋ zən aŋghəa Zə̀ kə̀ dzəlà wô ghû â sə̀ŋ zò a te.

Filemùn 1:23

Epafəlàs wəla ghàʼ à wə̄n lô fɛ a dzə̀m an ndùghùtsāʼ aŋ ghəa e Kə̀lestò Yɛso fùghù wò ghù â tɔɔŋ zo.

Filemùn 1:24

Ghê Mâk ghəla ghàʼ à ghee fwaʼà dzəə̄ŋ fɛ a dzə̀m ghèe ghê Àlistakùs àsùghò Dɛ̀mâs àsùghò Lûk fùghù wò sùghò ghù â tɔɔŋ zo.

Filemùn 1:9

ghəa Ǹ sô ləghaa ghû, zə lo e ghee Ŋ̀ kuūwn buʼu wô ghû â ghu ko, mùghò Pôl tò noo kə te ko, kəla kə lô sugho ezəŋ an ndùghùtsaʼ aŋ ghəa e Kə̀lestò Yɛso.