Fèlepìan 4:1 - To kə Kəzə̀ kə̀ Fughu ko

¹ E fi lo enyəa waazə̂ ghaŋa à dzûŋ ghəla Ŋ̀ ki am fə̂ŋ è dzùŋ, ndòʼò mbùuŋ kèe sùghò alekòʼ ghɛ, ghɛ̀ lo duʼn kaŋā, lò sugho namso kaŋa am M̀ mbûŋ nù alekòʼ ghɛ̀. Ka tsughu ko nlò zə̀ zo aŋ ghəa e Mughu ù te a fən ghaŋa à dzûŋ ghò.

Fèlepìan 4:1 Iomraidhean Croise

Matìo 10:22

Ghî ghə̀n à dzə̀m ke e baā ghɛ enyəa so à lò ghəa zaŋa. Yia a bugho ghùw wəla ù kuūwn kɔlɔ tsughu ko fə̀ŋ ndùw tɛ̀ è nduw, ù lo zəa nù tuw ko.

Dzɔ̌n 8:31

Yɛso n daŋso dzɛ̀ ndùw â Dzûu təla tə mò lo mo tə m boo fughu â wə̄n enyəa, “Abugho ghɛ̀ bɔɔ̄m bwîi nduw dzə an tsʉ̀ zaŋa, ghɛ̌ fi kûum lǒ tsə̀təndə̄ghā taŋā,

Kə̀fwàʼ 11:23

A m bùghò ù bùghò kôʼ tsughu enyəa Zə̀ kə̀ mò ti an tuw kə ghee, ù mo èduʼnlo, fəghaan tɔ̀ʼ tsʉ̀ tsùghu ghee enyəa ghe nəghāa kɔʼ fənyə aŋ ghəa e Mughu ù te, ghe teē təla tsughu a te am fə̂ŋ è ghee e dzə̀m;

Kə̀fwàʼ 14:22

Ghe n dzəlà ndùw tsə̀təndə̄ghā tə ghee â sə̀ŋ zò, toon ndùw ghee enyəa ghe e ti ko am fə̂ŋ zəla ghe gaʼ tsughu aŋ Kə̀lestò. Ghe n dzâa ndùw sùghò â ghee enyəa, “A ki ko alenyə am Fɔ̀e u Kəzə̀ mo an tèlè fàla tsughu dzə̀.”

Kə̀fwàʼ 2:42

Ghe n tēe ten tsughu ko alezuuw tsʉ̂ è tətum zə̀ àsùghò aŋ ghəa a ghee à ghəəŋ dzəəŋ gho, zəa dzəŋlo, gɔ̀ɔŋ dzə̌əŋ sùghò.

Lumà 2:7

Ghî ghəla ghe kəŋo alekele zən e dzûŋ zo, ŋkɔʼso àsùghò mùghù zəla e mian koʼo yo aŋghəa ghe ghəə̄ŋ zeē ghəa a dzûŋ ghò, Zə̀ kə lo â ghe fughuu mùghù è doʼn təla zo.

1 Kòlentìan 15:58

Waazə̂ ghaŋa ghəla Ŋ̀ ŋgeē ləghaa, tɔ̀ʼɔ tee tsughu nlò, e kwo ko fəgha kə̀ li kə lô noʼsò ghɛ. Ghɛ̀ fughu nduw ghue zɛʼɛ zo alefwaʼā ko â Mughu ù te, ghɛ̀ e kwo tən enyəa fwàʼ kɛʼɛ kəla ghɛ̀ fwaʼā â Mughu ù te yo dzə kə̀nughùnùghù.

1 Kòlentìan 16:13

Tiso kɔʼ nlò tuw ko e dzūŋ, tɔ̀ʼɔ tee tsughu nlò aŋghəa zəla ghɛ̀ gaʼ fəŋ a te, kǎ nlò ghəa zo e tsəŋo, e tughuu nlò.

2 Kòlentìan 1:14

Ghəa ghɛ̀ lo mò ghɛ̀ ŋ ghàʼ nya zuwkɛlɛ̄ tsughu enyəa ghɛ̀ lo nû aletsɔ̀ fə̀ŋ a zəŋò ghàʼ aŋghəa ghàʼ kê tsɔ̂ɔ sugho fə̀ŋ a te a zəŋò ghɛ̀ an tsuʼ u Mughùbè Yɛso ù saʼa u mbī wo.

Gàlashìan 5:1

Kə̀lestò mafə sɛ̀ zue sə enyəa sɛ̀ ka kôom fwàʼ sùghò kɔ̂ ko a tsəlā làŋ kò. A fi lo enyəa ghɛ̀ ki alefəghaan tɔʼɔ̀ tēe, e kwo ko ghùw wɛʼɛ lǒ so e bomlo alefwàʼà kpeʼe kə̀kɔ̀ a tsəlà làŋ kə̀ loʼ ko.

Fèlepìan 1:27

Ghəa è səŋò zə èzəŋ e lo ko enyəa, ŋgòʼ è dzì zəla ghɛ̀ mughu a te ki alelo fəgha kəla làbəlà è dzùŋ è Kə̀lestò dzâa ghè kò, enyəa abugho M̀ bùghò kôʼ ko ghɛ ŋkāa M̀ bûʼ buw ko alebùghò kòʼ ghɛ̀, mùghò è ke lo alezuūw wo enyəa ghɛ̀ kûum tì nû alo kəfəgha kə mɔ̀ʼ, àsùghò enyəa am fə̂ŋ e mɔ̀ʼ, ghɛ̀ è dəma alekwuū kelè boo zəla ghɛ̀ zoʼn kɔʼ an làbəlà è dzùŋ è te.

Fèlepìan 1:8

Nu Zə̀ kə̀ kwo nû enyəa ləgha zəla Ŋ̀ ki a zəŋò ghɛ̀ lò zəla Yɛso Kə̀lestò ki sugho a zəŋò ghɛ̀.

Fèlepìan 2:16

Shwaʼ wəla u fughuu mughù zò lò fəgha kəla ghɛ̀ ki aleteē tsughu a te, to a kê bughoo an tsuʼ fəla Kə̀lestò kè bugho a te, Ŋ̀ ke e tsɔ̂ɔ fə̀ŋ enyəa Ŋ̀ ka mo fwâʼ màʼà dzə̌ kə̀nughùnùghù.

Fèlepìan 2:26

Mùghò n tsughu tsən enyəa Ŋ̀ ki alenìi tuū wô wə̄n ebàm a vʉ̀a ghɛ̀, nu ù dìi kèe alebùghò kôʼ ghɛ̀.

Kòloshìan 4:12

Epafəlàs wəla ù lò sugho ghùw ù enaʼ wɛʼɛ, kɔ̂ɔ fə̀ Kə̀lestò Yɛso tɔɔŋ zùw wò ghɛ̀. Ù kùu gɔ̀ɔŋ zěe nù an tuw wɛʼɛ, enyəa to Zə̀ kə̀ mô ghəŋlo ghɛ̀ mən tsughu am boo zɛʼɛ̄ â Kə̀lestò, ghɛ̀ e tɔʼ kwo tən enyəa ghɛ̀ fɛ fwàʼà fəgha kəla Zə̀ kə̀ ləghaa ghè kò.

1 Tɛ̀sàlonìan 3:13

Ghǎʼ yìa gɔ̂ɔŋ sugho enyəa to Mughu ù te mô ghəəŋ tsughu ghɛ̀ nɛɛ tsughu, ghɛ̀ ke e lo tsəghātsəghā, zɔlɔ am sə kə Kəzə, Tsele ù sɛ̀ àsùghò a vʉ̀a Mughùbè Yɛso abugho ù lo bugho ebàm ghèe ghê ghì a wə̄n gho.

2 Tɛ̀sàlonìan 2:15

Waazə̂ ghaʼa gho, à fi lo enyəa ghɛ ki alefəghaan tee tsughu, ghɛ̀ gaʼ tsughu tuw ko an shwaʼ ù Kə̀zə̀ wəla ghǎʼ fə̀ naʼà wo â ghɛ̀ an dzə̂ ŋkāa à fə̀ tɔm wo alo kəmwàʼsò.

2 Timotì 2:1

Yia a bughò ghù wɛ waŋā, Timotì, e tughuu dzɔ̂ɔ bòʼ dzɔ̀ zəla Kə̀lestò Yɛso dè wo â ghù.

Hibùlù 10:23

Bùghò nlò tò sɛ̀ tɔʼɔ̀ teē tsughu an tùʼ zəla sɛ̀ chiī ghè zò mo a tsəəŋ kaaŋ yo, tùʼ zəla sɛ̀ dzâa nduw sugho â waazə̂ a sɛ̀ ghò; tɔŋlo enyəa Zə kə̀ naaŋ nǔ to kə wə̄n kəla kə to tsughu.

Hibùlù 3:14

Abugho sɛ boō fughu tən tsughu ko nù alendùw kuʼù ndûw, yia a gaʼ tsughu ko fə̀ŋ a zəŋò Zə̀ kò aŋghəa a mò ki gaʼ a te sûesʉ, sɛ̀ lo zəa dzeeŋ sughò nù fʉgha wəla u lô Kə̀lestò wò.

Hibùlù 4:14

Ghəa e lô dzə enyəa sɛ̀ ki nû Yɛso, Wɛ u Kəzə̀, tɔɔŋ Tuw kə fɔ̀e ù tughu wəla ù lǒ mò ù n tsə̀ghànyə alo kəwālā; to sɛ̀ mô tɔʼɔ̀ sɔʼn tsughuu ko ŋkāa am boo zəla sɛ̀ ki â Zə̀ kò.

2 Pità 3:17

Waazə̂ ghaŋa gho, ghəa e nyɔ̂ʼ lô enyəa ghɛ̀ ŋ kele zìi ghəa ghən gho, e ghomlo nlò, e kwo ko gha a ghì ghəla ghe bwîi dzə̀ yo alo kəlàŋ lò so e ghəŋlo enyəa ghɛ̀ bvʉ komlo.