Fèlepìan 3:3 - To kə Kəzə̀ kə̀ Fughu ko

³ Tɔŋlo enyəa sɛ̀ fɛ lǒ tò ghî ghəla ghe lo mo ghe n twii u ghee wo u dzə̂əm sugho, ghî ghəla ghe kɔʼso Zə̀ kò mò à ghe â daʼa kə fughuu wò Zuʼ tə̀ Zɔlɔ to am bàm e Kə̀lestò Yɛso,

Fèlepìan 3:3 Iomraidhean Croise

Lumà 1:9

Zə̀ kə̀ kwo nû enyəa ghəa ghəla a dzâa wò fɛ lò êsəŋò — Zə̀ kə̀là Ŋ̀ kɔʼso am fə̂ŋ zaŋa e dzə̀m aŋghəa Ǹ naʼn làbəlà e wə̄n e dzùŋ zən kùu ndùw Wɛ ù wə̄n, Kə kwò nû enyəa M̀ moʼn zěe nù ghɛ aŋ gɔ̀ɔŋ zaŋa nəgha tən tə dzə̀m.

Lumà 15:17

Aŋghəa Ǹ lô fəgha ko kə mɔ̀ʼ ghàʼ à Kə̀lestò Yɛso, Ǹ lo nû aletsɔ̀ fə̀ am fwàʼ kaŋa â Zə̀ kò.

Lumà 7:6

Yia kuuwn bugho ezəŋ, ghe n sɛ̀ am fàŋà kə kəlàŋ zê zə̀ghà, sɛ̀ èzəŋ e lo tò ghî à kpuuwn gho â fəgha kəla kə mò ki tsəgha daʼa ko a zəŋò ghɛ̀. Sə̀ kôom fwàʼà yo aŋghəa làŋ kə deē, sò kǔuwn mughu mùghù è fughu zəla Zuʼ tə̀ Zɔlɔ tə fughuu.

Lumà 8:15

Tɔŋlo enyəa Zuʼ təla Zə̀ kə fughu wo â ghɛ̀ ghə̂əŋ dzə̀ yo enyəa ghɛ̀ doʼò tsughu kɔ̂ wò tò ghɛ̀ è kòom tsəŋo ghəa gho; tə laam ghəŋlo enyəa ghɛ̀ dòʼo tsughu wɛ a Kəzə̀ gho. À lò Zuʼ tə Kə̀zə̀ tə te to tə ghəŋlo enyəa, sɛ̀ è nughuun diī ndùw â Zə̀ kò enyəa; “Bàba! Tsele waŋa!”

Lumà 8:39

ŋkāa fʉgha wəla u lo edzuŋ ŋkāa àsùghò wəla u lo aŋ ghueekətsə̄, ŋkāa fəgha kə nsɔ̌ɔŋnchùw kə̀ li kə̀ yo dzə̂ am mbī e dzə̀m kə lo yò dzə̂ alegbòo sɛ̂ɛ sɛ̀ an ləghaa zəla Zə̀ kə̀ ki a sɛ̀ a m bàm e Yɛso Kə̀lestò Yɛso Mughùbè ù sɛ̀.

Lumà 9:6

Ŋ̀ ghəa ghən enyəa dzàa wò dzə̀ yo tò a e soō to kə Kəzə̀ kə̀ ka mo kwu dzə̀ ghəa è li zo, tɔŋlo enyəa à yò dzə̂ ghî ghə Ezə̀lɛ̂ a dzə̀m ghe lô ghî a Kəzə̀ ghò.

2 Kòlentìan 11:18

aŋghəa ndə̀m è àghì tsɔ̌ɔ fə̀ŋ am fʉgha u mbī wo, M̀ bɔŋɔ tsɔ̀ɔ sùghò nù.

Gàlashìan 5:25

Êzəŋ wəla sɛ̀ mughu an daʼa kə Zuʼ tə̀ Zɔlɔ to, sɛ̀ ki aleghəəŋ sugho ghəa gho aŋghəa Zuʼ tə̀ Zɔlɔ tə dêe wo à sɛ̀.

Gàlashìan 6:16

Ghùw wəla ù naāŋ dzə̂ laŋ kən, to Zə̀ kə̀ mô fughu wə̄n â bughuun zo, kə dêe sùghò wə̄n a se è kwuso zo, àsùghò â ghì a Kəzə̀ ghò a dzə̀m.

Efɛsùs 6:18

Ghɛ̀ è gɔŋlo an nəgha tən tə̀ dzə̀m aŋghəa Zuʼ tə Kəzə̀ tə̀ fughuu ghɛ â daʼa ko a te, bvʉa ndùw fəgha kəla ghɛ̀ ləgha a wə̄n. Aŋghəa yì ezə̀, tiso kɔʼ nlò tuw ko alo egɔ̀ŋlò, ghɛ̀ è tɔʼɔ tuw u ghî a Kəzə̀ a zɔlɔ gho a dzə̀m aŋ gɔ̀ɔŋ zɛʼɛ,

Fèlepìan 1:1

À mwàʼsò kən kə tɔm wò mùghò ghàʼ à Timotì, ghàʼ lo ghî a kəfwàʼ a Kə̀lestò Yɛso. Ghàʼ mwàʼsò kən kə tɔɔ wò â ghɛ̀ ghî a Kəzə̀ yi ghɛ̀ lo fi an naʼ e Felèpîi, â ghɛ̀ ghəla ghɛ̀ lô fəgha ko kə mɔ̀ʼ ghɛ̀ à ghê Kə̀lestò Yɛso, àsùghò â tsoʼ tə dzeŋe kə ghì a Kəzə̀ to ghèe ghê ghì ghəla ghe fughuu ghɛ â yòsò zò..

Fèlepìan 3:12

Ǹ dzâa dzə̀ yò enyəa, mùghò m bəla e te e kele, ŋkāa mùghò n daŋso dòʼò tsəghatsəgha, Ŋ̀ kuuwn naām də̀mà nù aleghəŋlo enyəa bəla e te e doʼò è zaŋa zo, tɔŋlo enyəa Kə̀lestò Yɛso maā ghəŋlo enyəa Ǹ doʼò fəgha kə wə̄n.

Fèlepìan 3:14

Yìa Ǹ naām dəmà ndûw ko â sə ko am fəgha kəla Ŋ̀ kəŋo ghè kò, enyəa to M̀ mô kele namso kəla Zə̀ kə fughu sə tsughu wo alo kəwālā am bàm e Kə̀lestò Yɛso.

Kòloshìan 2:11

Ghɛ̀ ka mo wɛ a Kəzə̀ à bughò dòʼò dzə̀ mò ghe sugho tsughu twigh wɛʼɛ tò aŋghəa ghî a sughōo tigh kə ghûw kò a te, à mò lo bòʼ ghɛ̀ mò bughò doʼò fəgha ko kə mɔ̀ʼ ghɛ̀ à ghê Kə̀lestò aŋghəa Kə̀lestò mò tsɔ̀ʼ maʼà ndûw ghue zɛʼɛ zəla e ləghaa bo zo.

Dzûd 1:20

Waazə̂ ghaŋa ghəla Ŋ̀ ŋgeē ləghaa, ghɛ̀ è kuuwn dəma təla tsughu ko alenoo am boo zɛʼɛ zəla e lô fəgha kə̀ baa ko â ghɛ̀. Ghɛ̀ è gɔŋlo an daʼa kəla Zuʼ tə̀ Zɔlɔ tə fughu â ghɛ̀.