Fèlepìan 3:1 - To kə Kəzə̀ kə̀ Fughu ko

¹ Aŋ ghəa à li ghən a waazə̂ ghaŋa gho, duʼn kɛʼɛ̄ kə e lo nduw ko nû, tɔŋlo enyəa ghɛ̀ lo ghî a Mughu ù te. À yò dzə̂ tsû ù li wo â mùghò aletɔɔ̄ kûeen kpeʼē wô ko ghɛ̀ â ghəa è mɔʼɔ̄ zo.

Fèlepìan 3:1 Iomraidhean Croise

Matìo 5:12

E saŋlo nlò, ghɛ̀ è nyumlo, tɔŋlo enyəa namso kɛʼɛ kə dûuw nù alo kəwālā. À lò sugho eghala aŋghəa ghe fə̀ ndzaŋso ghiīshʉ̀ghà a Kəzə̀ a sûesʉ gho êzə̀.”

Lûk 1:47

Fə̀ŋ zaŋa zə̀ èduʼnlo bòʼ Kə̀zə̀, ti usûŋ waŋa,

Lumà 5:11

À kà yò ko ezə̀, a ki sugho nû duʼn zo â Zə̀ kò bôʼ Yɛso Kə̀lestò, Mughùbè u sɛ̀ wəla ù ghəəŋ tsughu sɛ̀ yia a lò fən gho sɛ̀ à ghê Zə̀ kò.

2 Kòlentìan 13:11

Aletsəlā tsughuu ghəa ghən a waazə̂ ghò, dòʼo nlò kədzûŋ. E dəma tsughuu ko aleghəəŋ ghəa à dzûŋ ghəla a lô tsəghatsəgha, zuw nlò dî zaŋa zo. Dòʼo nlò alo kəfəgha kə mɔ̀ʼ, ghɛ̀ è mughu alo ebūghūnlō. To Zə̀ kəla kə dêe ləgha zo, fughuu sùghò èbughunlo mô lǒ ghɛ̀ à ghee.

Efɛsùs 6:10

Gùŋsò kə eghəa kaŋā â ghɛ̀ lo enyəa, ghɛ̀ è tughuu an daʼa kə̀ ghaʼa kə̀ Mughu ù te ko, aŋghəa ghɛ̀ lô fəgha ko kə mɔ̀ʼ ghɛ̀ à ghee.

Fèlepìan 3:3

Tɔŋlo enyəa sɛ̀ fɛ lǒ tò ghî ghəla ghe lo mo ghe n twii u ghee wo u dzə̂əm sugho, ghî ghəla ghe kɔʼso Zə̀ kò mò à ghe â daʼa kə fughuu wò Zuʼ tə̀ Zɔlɔ to am bàm e Kə̀lestò Yɛso,

Fèlepìan 4:4

E duʼnlo nlò an ghəa e Mughùte nəgha tən tə̀ dzə̀m. Ǹ so naam dzàa kueen wô ko â ghɛ̀ enyəa elo alo eduʼnlo.

Fèlepìan 4:8

Alemìasò tsughu shwaʼ waŋā waazə̂ ghaŋa gho, naŋa tsughu nlò moʼn zɛʼɛ zo an ghəa dzuŋ ghò àsùghò aŋ ghəa ghəla a ki kɔʼso mò, àsùghò ghəla alo tsəghatsəgha àsùghò ghəla alo èsəŋò, ghəa a zɔlɔ à sùghò ghəla ghî ləghaa alezuw àsùghò alekòʼ

1 Tɛ̀sàlonìan 4:1

Alendùw â sə ko a waazə̂ ghaʼa gho, ghàʼ toon wò ghɛ̀, dzàa wò sùghò â ghɛ̀ an zən e Mughubè Yɛso enyəa ghɛ̀ è mughu nduw ko ŋgòʼ è mùghùu zəla ghǎʼ mò zoʼn ghɛ a te, tò aŋghəa ghɛ̀ nyɔʼɔ ghəəŋ dzə̄ ezə̄ŋ, àsùghò enyəa ghɛ̀ è naam mughu nduw ko mughùu e te zo êzə̀.

1 Tɛ̀sàlonìan 5:16

E duʼnlo nlò nəgha tən tə̀ dzə̀m.

Dzɛ̂ms 1:2

Waazə̂ ghaŋa gho, nǐi tsughu nlò enyəa à lò ghəa è duʼn zo abugho ghəa a mɔ̂msò kaāŋ ghɛ,

1 Pità 3:8

Alemìasò tsughu, ghɛ̀ a dzə̀m ki alemùghù alo kəfəgha kə mɔ̀ʼ, ləghàa ghue zɛʼɛ am fə̂ŋ e mɔ̀ʼ, ki se è kwuso zo àsùghò ghue è zumso zo.

1 Pità 4:13

E laam lo nlò alo eduʼnlo enyəa ghɛ̀ nyɔʼɔ̀ faan sùghò tǒ Kə̀lestò, tò ghɛ̀ e ke lo alekele sughò duʼnlo è ne zo abugho ù kè dê sə wô ghaʼ e wə̄n zo.

2 Pità 3:1

Fən a fə̂ŋ ghaŋa gho, kən êzəŋ e ghəəŋ tsughu mwàʼsò waŋa u bʉ̀ghà Ǹ tɔɔ wo â ghɛ̀. Am mwàʼsò wən ù bʉ̀ghà, mùghò n də̀m alezòom kɔʼ moʼnlò è dzûŋ zò am fə̀ŋ tɛʼɛ aŋghəa M̀ zə̂əŋ wô ghɛ̀ aŋ ghəa ghən.