Fèlepìan 2:9 - To kə Kəzə̀ kə̀ Fughu ko

⁹ Bòʼ ghəa zə̀ è zə̀, Zə̀ kə̀ n tsuʼ naŋa kɔʼ wə̄n tsuʼ naŋa kɔʼ wə̄n am bəla kə̀ ne kəla kə tsəghàsə bəla zo e dzə̀m fughu tsughu wə̄n â zən zo, zən zəla e tsəghàsə zən gho a dzə̀m,

Fèlepìan 2:9 Iomraidhean Croise

Edêe Fughu 19:16

Ghe n tɔm naŋa an ndzʉ tə wə̄n àsùghò am bì kə wə̄n enyəa, “Də̀ŋ kə udwə̀ŋ àsùghò Mughu wəla ù tsə̀ghàsə ghê Mughubè a dzə̀m.”

Matìo 28:18

Yɛso n daŋso bùghò dzɛ̀ tsùghù â ghee enyəa, “Dwaʼa wən u dzə̀m alo kəwālā àsùghò aŋ ghueekətsə̄, ghe m fughu â mùghò.

1 Pità 3:22

Ù fə̀ kɔʼsə kɔʼ alo evʉ̄, ù n nùghù nyə̀ kɔ̀ʼ ndùw alo kəwālā, vʉ̀a ù dǒʼ aŋ kwe u Kəzə̀ ù təma wo, saʼâ tsə̀təndə̄ghā tə Kəzə̀ tò àsùghò dwaʼa wo u dzə̀m alo kəwālā.

Hibùlù 2:9

A kuuwn kòʼò ndùw nù Yɛso, wəla ghe fə̀ ghəə̄ŋ tsughu enyəa tsə̀təndə̄ghā tə tsùuŋ tsə̀ghàsə tsughu wə̄n aŋ kəmà fə kəgha, Zə̀ kə̀ n tsuʼ naŋa kɔʼ wə̄n alo udwaʼa àsùghò kɔʼso mò, aŋghəa u mò fala alekpuw, enyəa an dzɔ̀ zəla Zə̀ kə̀ ki a zəŋò sɛ̀ to ù mò kpuw an tuw u ghì ghən a dzə̀m.

Edêe Fughu 5:12

Ghe n zoo sə̄a kɔʼɔ àghəa an dzə̀ tə̀ tughu to enyəa, “Tsʉa u ndzì wəla ghe mò wi ŋ kɔʼ kpe alekele ùdwaʼa, ekum, etɔ àsùghò sə̀ŋ zò, ŋkɔʼso, ùkɛɛ àsùghò bughuso zo!”

Hibùlù 1:4

Wɛ ù Kəzə̀ tsə̀ghàtàʼà sə tsə̀ndə̄ghā tə Kəzə̀ tò, to aŋghəa zən zəla Zə̀ kə fə̀ fughu â wə̄ tsə̀ghàtàʼà sə sugho e ghee zo.

Hibùlù 12:2

Bùghò nlò sɛ̀ bɔɔ̄m naŋa ndûw kô sə e sɛ̀ a zəŋò Yɛso, à lǒ wə̄n ù fə̀ ghəŋlo enyəa sɛ̀ boō fughu â Zə̀ kò, vʉ̀a ù yòso enyəa boo e sɛ̀ zə̀ è tughuu. Ù ŋ kɔlɔ tsughu ko fə̀ŋ alekpuw alo kədàŋlo. Ù ka fə də̂nsò dzə̀ tuw ko aŋ ghəa a te gho, bòʼ ù fə̀ kwo duʼn kəla kə lo â sə ko, vʉ̀a ù gaʼ doʼò tsughu aŋ dàŋ è wə̄n aŋ kwe u Kəzə̀ ù təma wo alo kəwālā.

Dzɔ̌n 17:5

Tsele nîi naŋa mugho a vʉ̀a ghù tò mùghò è ki kɔʼso mò, tɔ̂ɔŋ kɔʼso m mɔ̀ʼɔ milā ghàʼ à ghù mò ki tsəgha to mbī e zîi tsughu.

Edêe Fughu 3:21

Ghùw wəla ù ghaʼ bo zo, Ǹ lo fughu nu wə̄n â daʼa ko aledòʼò tsughu am bùghu e ndàŋ è kə̀də̀ŋ zaŋa, tò aŋghəa ghuūghùe waŋā u fə̀ ghaʼ sugho bo zo, mùghò n dòʼò tsughu am bùghu e Bə̀ghà an ndàŋ è kə̀də̀ŋ è wə̄n.”

Lûk 10:22

Bəghà ŋ ghəa gho â mùghò dê mɛ̀ʼɛ̀, ghùw lì kwò yo fəgha kela wɛ lo ghè kò, à gɔ̀ʼɔ̀ ko Tsele. Ghùw kwò sugho yo fəgha kela tsele lo ghè kò, à gɔ̀ʼɔ̀ ko wɛ, àsùghò ghì ghəla wɛ tsə̂m tsughu aledè fəgha kela Tsele lo ghè kò â ghee.”

Edêe Fughu 11:15

Tsə̀ndə̄ghā è sə̀ghàkəmbəgha n daŋso tɔŋ tsughu mbuwlì è wə̄n, a n zuw dzə̂ tə̀ tughu tə̀ li to alo kəwālā tə dzâa wô enyəa, “Naʼ e mbī zə m bùghò dòʼò fɔ̂e u Tsə̂ntə̀mbî ù sɛ̀ wò ghèe Bəghambī u wən: wəla ù fə̀ tsɔʼ kɔʼ, ù ke e saʼa tuw u aghì wò to mbī kê bughò mîaa.”

Edêe Fughu 1:5

To Yɛso Kə̀lestò wəla ù dèe wô ghəa a səŋò ghəla sɛ̀ lo alenaŋa fə̀ŋ a te, vʉ̀a ù lǒ ghuw ù sûesʉ alekɔʼɔ̄sə̄ alo evʉ̄, wəla ù saʼā dwə̀ŋ wò aŋ ghueekətsə̄, mò dê ghɛ̀ â dzɔ̀ e wə̄n zo, ù fughuu sughò ghɛ̀ â bughuun zo. Ù lə̀ghaa nǔ sɛ̀, vʉ̀a ù bəghasə̄ tsughu sɛ̀ aŋ ghùu bòo tə sɛ̀ tò aŋghəa u fə̀ ù fùghù ndùw tuw kə wə̄n ko an tuw u sɛ̀ an kàŋ tə wə̄n təla tə fə̀ kwəlà sə tsughu wo alo kədàŋlo.

2 Pità 1:17

Ghaʼ fə̀ lo a fughu, aŋghəa Kə̀zə̀, Tsele ù te fə̀ naāŋ wə̄n alo ŋkɔʼso àsùghò alo nsəghanyəghā; dò kə dzə̂ kə̀ n sə̀ tsùghù wò fùghu a te alo kə̀wala, dzàa tsùghù enyəa, “Wən lǒ Wɛ ù fə̀ŋ waŋa. Fə̀ŋ zaŋa zɔlɔ nù a zəŋò wə̄n.”

Kòloshìan 1:18

Ù lò kətuw â ghì a Kəzə̀ ghò a dzə̀m, tɔɔŋ dzeŋe kə ghì a Kə̀zə̀. À fə̌ Ndughu è Kə̀zə̀ se tsughu wə̄n, Ghùw ù sûesʉ wəla Zə̀ kə fə̀ zôm nughù kɔʼ alo evʉ̄, enyəa ù e lo sə ko a lo aghəa a dzə̀m.

Kə̀fwàʼ 5:31

Zə̀ kə̌ wə̄n kɔʼso naŋa kɔʼ aŋ kwe u wə̄n ù təma wo tò kətuw à Bəghambī enyəa ù lò kpɛʼɛ̄ ghəŋlo ghî ghə Ezə̀lɛ̂ à maʼà ghəa a ghee a biigh gho tò Zə̀ kə̀ ghuūw maʼà bòo tə ghee.

Dzɔ̌n 13:3

Yɛso fə̀ kwo nû enyəa Tsele m fughu naŋa ghəa gho a dzə̀m aŋ ghu kə wə̄n asùghò enyəa ù mò nughuu wo a vʉ̀a Zə̀ kò, vʉ̀a ù ki sugho alendùw ebàm a vʉ̀a ghè kò.

Matìo 11:27

Ghəa Yɛso gɔ̀ɔŋ mɛʼɛ̀ tsughu, ù n dzɛ̀ â ghì ghò enyəa, “Bəghà m mùghò â ghəa gho a dzə̀m fughu; ghùw ù lì kwò yo Wɛ ù tè mò à gɔ̀ʼɔ̀ ko yo Tsele ù te, ghùw ù li kwò sugho yo Tsele u te, mò à mìaa ko yo wɛ ù te àsùghò ghùw wəla wɛ ù te tsə̂m tsughu aledè â wə̄n.

Dzɔ̌n 17:11

M̀ fɛ êzəŋ zəghàan tàʼn tsùghuu ghee am mbī, yìa Ǹ nughùun wô a vʉ̀a ghù. Tsele waŋa ù Zɔ̀lɔ, tsən nǎn ghee an daʼa kə̂a, kəla ghù mò fughu â mùghò, to ghe doʼò kə̀fəgha kə̀ mɔ̀ʼ, to aŋghəa ghàʼ à ghù lò fəgha ko kə mɔ̀ʼ.

Dzɔ̌n 17:12

Nəghā zəla mùgho mò lo ghàʼ à ghee, mùgho mô ghee kwu kele an daʼa kəla ghù mò fughu â mùghò; mùghò n chǐin ghee, ghùw ù ghee u mɔ̀ʼ kà mìaa sə a te, à gɔ̀ʼɔ̀ ko yo ghùw wəla ghe fə̀ fôʼ naŋa enyəa ù kè kwəlà sâŋlò, aleluesō tsughu shwaʼ wəla ghe tɔm naŋā am Mwàʼsò kə Kəzə̀.

Efɛsùs 1:10

Ghəa ghən a dzə̀m kè səa an nə̀ghà zəla Zə̀ kə̀ fə̀ môʼ naŋā, alenìi təmadzə̄əŋ wô ufʉgha u dzə̀m alo kəfəgha kə mɔ̀ʼ, alo kəwālā àsùghò aŋ ghueetsə̄, mò Kə̀lestò lo kətuw aŋ ghəa a te gho a dzə̀m.

2 Tɛ̀sàlonìan 1:12

Abugho e lô enyə, e lo ghəŋlo enyəa ghî ghə è fughuu kɔʼso mò â Kə̀lestò bòʼ ghɛ̀, àsùghò enyəa, ghue e eghùe zɛʼɛ zə e ki sugho kɔʼso mò bòʼ wə̄n. Ghəa ghən a dzə̀m ènyə lǒ bòʼ Zə̀ kə sɛ̀ ghèe Mughu ù te, Yɛso Kə̀lestò ň dzɔ̀ e ghee dê â sɛ̀.

Hibùlù 1:9

Ghù lə̀ghaa ghəa à tsəghatsəgha gho, bàa ghəa a biigh gho. Zə̀ lo e ghee Kə̀zə̀, tɔ̂ɔŋ Zə̀ kə̀a, kə tsɔʼ kɔʼ ghù enyəa ghu tsəghasə ghî ghəla ghɛ̀ à ghee lo a dzə̀m, tsoʼn zəghà è tsəghàsəa sughò e ghee zo.”

3 Dzɔ̌n 1:7

Tɔŋlo enyəa ghe sə wò alefwàʼ fwàʼ kə Yɛso Kə̀lestò mo ghe boom yo alenì fəgha kə̀ li ko aŋ ghulô ghì ghəla ghe kwo yo Zə̀ kò.