Fèlepìan 2:3 - To kə Kəzə̀ kə̀ Fughu ko

³ Kà nlò è ghəəŋ dzə ghəa gho mò ghɛ̀ moʼn tə̀la kô ghue zɛʼɛ, ŋkāa aŋ ghùe è deē zo. E koʼō nduw nlò ghî à li gho tò ghî ghəla ghe tsəghà sə ghɛ.

Fèlepìan 2:3 Iomraidhean Croise

Lûk 18:14

Ghəa Ǹ dzâa wô fɛ â ghɛ̀, tûw wən fə̀ tsughuu nduw ebàm alô wə̄n mò ù zɔ̀lɔ an sə kə Kəzə̀ tsə̀ghàtàʼà Falàsîi vʉ̀; nu ghùw wəla ù kuuwn maʼà tsughu ghue u wə̄n wo, Zə̀ kə̀ lo kɔʼso wə̄n. Ghùw wəla ù kuūwn kɔʼso ghue wo, Zə̀ kə̀ lo tsughuso wə̄n.”

Lumà 12:10

E kûu ləghaa nduw nlò ghue zo tò waazə̂, ghɛ̀ è ki mbuuw mò aledeē nduw kɔʼso mò aŋ ghùe zɛʼɛ.

Lumà 13:13

To sɛ̀ mô nyòʼn ghəəŋ ndùw aghəa tò ghî ghəla ghe mughu an tsə̂, mò à yò dzə̂ alo kələ̄m. Sɛ̀ ki dzə yo alendùw an lùʼu təla ghe mʉa kala lʉ̀ mò a te, ghəəŋ sùghò ghəa à nuūŋ gho fughu, ŋkāa ki sugho yo alemughu dzə̀adzə̀ kə emùghù ko, ŋkāa alebwiī baā kaaŋ tsəgha ghəa gho, ŋkāa aleki mʉ̌ʉn ko.

Lumà 2:8

Yia kuuwn bugho â ghì ghəla ghe kwo tsughu ko ghue e ghee zo, ghuu màʼnlo e sə̀ŋò, kuuwn tughuu nyəa ndùw aŋ ghəa biigh gho, ghe lo kòʼò tsughuu nyə aŋ ghùu fɛ̀ɛn kə nʉ̀ghà u Kəzə̀ ù pfʉa wo.

1 Kòlentìan 15:9

Nu am fwàʼ kə tum tə Kə̀lestò, Ǹ lo wɛ̂ɛtùghuu a zəŋò tum to tə dzəm, mò Ŋ̀ kâ bùʼ kɔ̀ʼkpē to ghe e tɔŋɔ enyəa à lǒ tum è Kə̀lestò, bòʼ mùgho mò ndzaŋso kaaŋ tsəgha dzeŋe kə ghì a Kəzə̀.

1 Kòlentìan 3:3

Tɔŋlo enyəa ghɛ̀ naam mùghù ko làŋà kə e mùghù kə ghì a mbī gho. Abugho ghɛ̀ mʉʉ̄n ghue zɛʼɛ zo, buu kəŋgè alo eghùe e fi mgbaŋa dèe ko enyəa ghɛ̀ lo ghî a mbī gho, ghɛ̀ yia ghəə̄ŋ sughò ghəa ghəla ghî a mbī a ghəə̄ŋ kaŋlo.

2 Kòlentìan 12:20

M̀ fɛ tsəŋo enyəa abugho Ǹ lo bugho fì, Ǹ lô bughò koʼò ghɛ mò ghɛ̀ yo dzə̂ fəgha kə̀là M̀ moʼò enyəa ghɛ̀ lo ghè kò, ghɛ̀ koʼ kɔʼ sugho mugho mò Ǹ yo dzə̂ fəgha kə̀là ghɛ̀ mô ləghaa enyəa mùghò è lo ghè kò. Ǹ tsəŋo enyəa Ǹ lô bughò koʼò wo mò ghɛ̌ yia zughūu, mʉnlo èghue, pfʉso nnə̀ghà alo eghùe, kùmè alo eghùe, màʼn kǎaŋ tə̀nùʼ alo èghue, màʼn kǎaŋ tə̀fom alo eghùe, kɔʼso èghue, sòʼò kǎaŋ sùghò ùtsù.

Gàlashìan 5:15

Abugho ghɛ̀ chuūwn kaāŋ ghue zɛʼɛ zo alo tədzə̀, pfʉa sùghò àsɔŋ aŋ ghùe zɛʼɛ̄, nǐ nlò ghôom zò, ŋkāa ghɛ̀ lo dzuw maʼa mɛʼɛ̄ ghue zɛʼɛ zo.

Gàlashìan 5:26

E kwo ko sɛ̀ lô so e kɔʼso èghue ŋkāa a ka e soʼsō kaaŋ ghî ghò. A ka e mʉʉn sugho fəgha kə ghûw kò.

Efɛsùs 4:2

Aŋ ghəa ghən à dzə̀m ghɛ̀ ghəəŋ nduw â ghì ghò, e maʼn tsughuu nlò ghue zo, ghɛ̀ n zumso ghəəŋ ndùw ghəa a te gho alo eləghāa. E kɔɔn tsughuu nlò fə̂ŋ tò, pfʉso sùgho yǒ nʉghà wò abugho ghùw ghəə̄ŋ boon ghəa zo, bòʼ ləgha zəla ghɛ̀ ki â ghì ghò.

Efɛsùs 5:21

Mò ghùw wɛʼɛ dzɛ̂ ghəa è li zo â wàazə̀, wàazə̀ ù te mò è zuw bòʼ kɔʼso məla ghɛ̀ ki â Kə̀lestò.

Fèlepìan 2:14

E fwaʼā nduw nlò ghəa gho a dzə̀m mò ghɛ̀ twəən yo, pfʉa sùghò yò dzughu gho a te,

Kòloshìan 3:12

Ghɛ̀ tò ghî à zɔlɔ ghəla Zə̀ kə̀ shîaa kɔʼ, kə n naŋa tsughu fə̀ŋ e wə̄n a te, kele tsughu nlò se è kwuso zo, ghɛ̀ è dee nduw dzɔ̂ zò, zumso tsughu èghue, zʉ̀a tsùghuu èghue, kaa tsughu ezə alo eghəa.

Kòloshìan 3:8

Zə êzəŋ e lo enyəa, ghɛ̀ ki yo alekoōm ghəəŋ ghəa ghən gho; alepfʉso nʉghà wò ŋkāa ki sugho yo ku ko am fə̂ŋ, kàa aleghəəŋ bo zo, ŋkāa a alemaʼn kaaŋ nùʼ tò, ŋkāa aleki shwaʼ ù biigh wo alo edzughu.

1 Timotì 6:4

Ghùw ù te ŋ ki alekele tsughu enyəa ù tsòo ghaŋso kaāŋ tsə̀ghà sùghò ghue u wə̄n mò ù bùʼù zuuwkɛlɛ yo ghəa è li zo. Tsû u ghûw ù te e lo ko alekəŋo ŋgəaa kaaŋ tsəgha shwaʼ wo, ghəəŋ sughò enyəa ghî ghə̀ e pfʉa kaaŋ dzughu gho, zùghùu ŋgə̂aa kaaŋ tsə̀ghà sùghò, mo ghəa a te a bughò â mʉ̌ʉn ko, təfom, kə̀ghòʼ, moʼnlò è biigh zo, àsùghò ndə̀m kò.

1 Pità 3:8

Alemìasò tsughu, ghɛ̀ a dzə̀m ki alemùghù alo kəfəgha kə mɔ̀ʼ, ləghàa ghue zɛʼɛ am fə̂ŋ e mɔ̀ʼ, ki se è kwuso zo àsùghò ghue è zumso zo.

1 Pità 5:5

Yia a bughò sugho ghɛ a waafəghàŋ ghò, ghɛ̀ ki alebɔɔm zuuw nduw sugho â ghì ghəla ghe tsə̀ghàsə tsugho ghɛ an nōo. Ghɛ̀ a dzə̀m ghəla ghɛ̀ lo mò ghɛ̀ m boo fughu â Zə̀ kò, ki alemaʼn tsughu ghue zo aŋ ghəa a ghɛʼɛ à ghəəŋ gho â wàazughù ghò, tɔŋlo enyəa ghe tɔm naŋa am mwàʼsò kə Kəzə̀ kə̀ enyəa, “Zə̀ kə̀ nyuʼn dzə̀m a zəŋò ghùw wəla ù kɔʼso ghue wo, kuuwn tɔʼnlò â wəla ù màʼn tsughuu ghue wo.”