Fèlepìan 2:2 - To kə Kəzə̀ kə̀ Fughu ko

² Ŋ̀ gɔŋlò enyəa ghɛ̀ è lo alo kəfəgha kə mɔ̀ʼ, lò sugho alo edzughu e mɔ̀, àsùghò am fə̂ŋ è mɔ̀ʼ, ləghaa sùghò ghue zɛʼɛ, to duʼn kaŋā kə kpeēn mɛʼɛ̀ tsughu.

Fèlepìan 2:2 Iomraidhean Croise

Dzɔ̌n 3:29

Ghùw wəla ù nǐi wìzən lò nùuwìzən; fən ù nùuwìzən wəla ù ti, zhəən ndùw shwaʼ u nùuwìzən vʉ̀, ù ŋ ŋgěe duʼnlo abugho ù zuūw aŋghəa nùuwìzən ù te kə̂aa ghəa gho a te; À lò sugho êzə̀ Ǹ duʼnlō êzə̄ŋ.

Kə̀fwàʼ 1:14

Ghee a dzə̀m n dzeŋe gɔ̀ɔŋ tsə̀ghà ko kaʼkəkaʼ ghèe ghê ghìzən à loʼ gho, àsùghò Mèle, tɔɔŋ zə̂ Yɛso, à waazə̂ a Yɛso ghò.

Kə̀fwàʼ 2:1

A m bùghò tsuʼ u Pɛntɛ̄kɔ̀st ù kpe tsughu, tsə̀təndə̄ghā tə n dzeŋe dòʼ alo kəlùʼù kə mɔ̀ʼ ghee a dzə̀m.

Kə̀fwàʼ 2:46

Ghe n dzeŋe ndùw zěe tsə̀ghà ko an ndughu è Kə̀zə̀ e nē tsuʼ ndzə̀mdzə̀m, bwìi zə̌a kaaŋ ndùw ndughu tə̀ ndughu, ghe n zə̂aa fʉgha u ghee tsoʼnlo etsoʼnlo am fə̂ŋ e mɔ̀ʼ.

Kə̀fwàʼ 5:12

Tum tə Kə̀lestò tə̀ n dè sə̀so tsughu ndə̀mà tə nsə̀ghàa enyə â ghì a te gho. Ghî ghəla ghe boō fughu tsughu n dzeŋe lò tsəgha ko alo fə̀tùʼù am fala kə Solomòn.

Lumà 12:16

E mughu nlò alo kə fəgha kə mɔ̀ʼ ghɛ̀ à ghê ghì ghò a dzə̀m. Kà nlò è kɔʼso ghue zo, laam bǒo tsughu nlò aleghəəŋ zumso tə aghəa to ghɛ̀ à ghê ghì a ulwən gho. Kà nlò è moʼō enyəa ghɛ̀ tɔ tsə̀ghà ghì à li gho.

1 Kòlentìan 1:10

M̀ buʼu kə̀ghu â ghɛ̌ a waazə̂ ghò, an zən e Mughùbè ù sɛ̀ Yɛso Kə̀lestò, enyəa ghɛ̀ a dzəm kele tsughu dzə e mɔ̀ʼ, ghɛ̀ ka ndzughùun dòʼò dzə̀ aŋ ghùe zɛʼɛ̄, ghɛ̀ laam doʼō tsughu fəgha ko kə mɔ̀ʼ am fə̂ŋ e mɔ̀ʼ, ghɛ̀ è naaŋ ko dzughu zo e mɔ̀ʼ a lo eghəa.

2 Kòlentìan 13:11

Aletsəlā tsughuu ghəa ghən a waazə̂ ghò, dòʼo nlò kədzûŋ. E dəma tsughuu ko aleghəəŋ ghəa à dzûŋ ghəla a lô tsəghatsəgha, zuw nlò dî zaŋa zo. Dòʼo nlò alo kəfəgha kə mɔ̀ʼ, ghɛ̀ è mughu alo ebūghūnlō. To Zə̀ kəla kə dêe ləgha zo, fughuu sùghò èbughunlo mô lǒ ghɛ̀ à ghee.

2 Kòlentìan 2:3

Zən lò e ghee mùgho mò tɔm wô ghɛ â mwàʼsò kə̀ chî, enyəa abugho M̀ mô bughòo kpeʼē, e kwo Ǹ lô bughò fanlō aŋ ghùu ghì ghəla ghe mô ki aleghəŋlo enyəa mùghò è tsoʼnlo. Zən lǒ bòʼ Ǹ tɔ̂ʼ kwò nû ghɛ ghə̀n à dzə̀m, enyəa abugho Ǹ duʼnlō, à fi lo enyəa ghɛ̀ duʼn sùghò nù.

2 Kòlentìan 7:7

Fə̂ŋ taʼa tə ka fə ka nyə ko aŋghəa Taetùs mò bugho tɛ̂ a vʉ̀a ghàʼ, à fə̀ lo sugho aŋghəa ghɛ̌ fə̀ dzə̂n sugho fə̀ŋ è wən a te, aŋghəa ù mò dzɛ̂ wô ghaʼ ghəa ghɛ̀ ləmlo alekòʼ mùgho, dìi èghue am fəgha kəla ghɛ̀ mò ghəŋlo, mùʼù â mbuuw mò alefwàʼ fəgha kəla mùgho mò dzɛ̂ naŋā, mùghò ŋ kòom fə̀ghaan duʼn səso tsughu enyə.

Fèlepìan 1:4

àsùghò nəgha tən tə̀ dzə̀m abugho Ŋ̀ gɔ̂ŋlo â ghɛ̀, M̀ bughoo mùgho ŋ gɔŋlò alo eduʼnlo,

Fèlepìan 2:16

Shwaʼ wəla u fughuu mughù zò lò fəgha kəla ghɛ̀ ki aleteē tsughu a te, to a kê bughoo an tsuʼ fəla Kə̀lestò kè bugho a te, Ŋ̀ ke e tsɔ̂ɔ fə̀ŋ enyəa Ŋ̀ ka mo fwâʼ màʼà dzə̌ kə̀nughùnùghù.

Fèlepìan 2:20

Ghùw ù lì kôom yò dzə̂ fɛ ù ki moʼnlò è dzùŋ zò a zəŋò ghɛ̀ tò Timotì, à mìaa ko wə̄n ù zuūwkɛlɛ fəgha kə tsəghàa fɛ a zəŋò mùghò.

Fèlepìan 4:2

Ŋ̀ ŋgee buʼu kə̀ghu â ghɛ̀ a yùdìa à Sìndikì, tee tsughu ko nlò ghuw ko kəmòg aŋ ghəa e Mughùbè.

Kòloshìan 2:5

Ghəa M̀ bûʼ lɔʼso lô ko fɛ, fə̀ŋ zaŋa lo fi ezə̀ sɛ̀, yìa Ŋ̀ ki sughò duʼnzo alekòʼ aŋghəa ghɛ̀ mughù dzɔ a te àsùghò aŋghəa ghə̀la boo zɛʼɛ̀ e tɔ̂ʼ ti a te a zəŋò Kə̀lestò.

2 Tɛ̀sàlonìan 2:13

Ghàʼ ŋgəmso ki nû alefughuu zɔ̀ɔŋ kə Kəzə̀ ko an tuw wɛʼɛ waazə̂ ghaʼa gho alo tənə̀gha tə dzə̀m. Mughu ù te gaʼ fə̀ŋ a zəŋò ghɛ̀, tɔŋlo enyəa â mbī aletsoō zîi tsughu, à fə̀ lo mo Zə̀ kə̀ mafə ghɛ ki shìaa enyəa ghɛ̀ ke bughuo zə tuw ko mò à ghɛ̀ sûuw zɔ̀nso tsughu Zuʼ tə̀ Zɔlɔ to àsùghò aŋghəa ghɛ̀ boō fughu aŋ ghəa zəla e lo êsə̀ŋò.

2 Timotì 1:4

Abugho Ǹ tɛ̀ moʼn tughu sə̀ mo èdì mə̀ghà mò, Mùghò m mbuŋlò alekòʼò wo ghù alo esə̄, tò fə̀ŋ zaŋa kôom zʉ̂ʉn tsughu.

Filemùn 1:20

Ŋ̀ wàazə̀, Ǹ dzɛ̂ enyəa ghù yoso kɔʼ mugho am bàm e Mughu ù te. Ghù tǒ ghùw wəla ù boō fughu sugho â Kə̀lestò, ghəəŋ tsùghù tò fə̀ŋ zaŋa e zʉʉ̄n dzɔɔ̄.

2 Dzɔ̌n 1:4

Mùghò mo ŋge duʼn nû aŋghəa mùgho mò bughò kôʼ wǒ wɛ ghə̂a a li ghò mo ghe mughu ko alo êsəŋò aŋghəa Tsele ù sɛ̀, Kə̀zə̀ mò dzɛ̂ naŋā â sɛ̀.

3 Dzɔ̌n 1:4

Duʼn kə̀ ne kə̀ li kə kɔʼɔ yo mugho an ghəa eli zo, tsəghà sə̂a ko yo alezuw enyəa wɛ ghaŋa a bwìi alo êsəŋò.