Fèlepìan 2:1 - To kə Kəzə̀ kə̀ Fughu ko

¹ Aŋghəa e lò dzə enyəa, Kə̀lestò dzə̀là nù fə̂ŋ tɛʼɛ to, Zuʼ tə̀ Zɔlɔ tia tə naāŋ ghɛ̀ alo kəfəgha kə mɔ̀ʼ, ləgha zəla Kə̀lestò ki a zəŋò ghɛ̀ zəa e tsəmso sughò ghɛ, ghɛ̀ yia ki ləgha zo àsùghò se è kwuso zo aŋ ghùe zɛʼɛ̄.

Fèlepìan 2:1 Iomraidhean Croise

Lûk 2:25

Êzə̄ŋ, noo kə ghûw kə li kə n lo tsəgha an Yɛ̀lusalɛ̀m, ghe fə̀ tɔɔ̄ŋ wə̄n enyəa à lò Simìon. Ghùw wən n lo ghûw ù tsəghatsəgha, boo fùghù sùghò â Zə̀ kò. Ù n ləəm tsə̀ghà tsuʼ fəla Zə̀ kə̀ bəghaasəa Ezə̀lɛ̂ a te. Zuʼ tə̀ Zɔlɔ tə n lo tsəgha ghèe wə̄n.

Dzɔ̌n 14:18

Ǹ yo alezə̀ghàa ghɛ̀ tò waatsʉ̄, Ǹ lo bùghò nù ebàm a vʉ̀a ghɛ̀.

Dzɔ̌n 14:27

M̀ fughu ghɛ â bughun zo, bughun zaŋā zəla M̀ fughu â ghɛ̀, Ŋ̀ kâ fùghù dzə̀ to aŋghəa mbī fughuu. E kwo ko ghùw wɛʼɛ lô so e bâŋsò fə̀ŋ aŋghəa è li zo ŋkāa ù lò so e tsəŋo ghə̀a è li zo.

Dzɔ̌n 17:13

M̀ fɛ ti an dziī M̀ bugho a vʉ̀a ghù. Ŋ̀ ghəa ghən fɛ am mbī kuuwn kə̀aa enyəa to tsə̀təndə̄ghā taŋa tə mô kì kpeen mɛʼɛ̄ sugho tsoʼn zəla Ŋ̀ ki ghè zò.

Kə̀fwàʼ 2:46

Ghe n dzeŋe ndùw zěe tsə̀ghà ko an ndughu è Kə̀zə̀ e nē tsuʼ ndzə̀mdzə̀m, bwìi zə̌a kaaŋ ndùw ndughu tə̀ ndughu, ghe n zə̂aa fʉgha u ghee tsoʼnlo etsoʼnlo am fə̂ŋ e mɔ̀ʼ.

Kə̀fwàʼ 4:32

Nɔ̂e kə aghì chia kə mò boō tsughu n lo ko am fə̂ŋ e mɔ̀ʼ, lò sugho alo kəfəgha kə mɔ̀ʼ. Ghùw ù lì n yo sugho a te aledzɛ̀ enyəa e ki kəfəgha mò à tɔ̀ʼ lò ko kə wə̄n ko, fʉgha wə̀n ù dzə̀m chìa mò ki, ghe mò dzeŋe ki nû.

Lumà 5:5

Tùʼ zəla sɛ̀ chiī yo dzə̂ alebvʉ̀sò maʼà sɛ bòʼ enyəa Zə̀ kə̀ n dzə̀n nàŋa ləgha e wə̄n zo am fə̀ŋ tə sɛ̀ an Zuʼ tə Zɔlɔ təla kə fughu â sɛ̀.

Lumà 8:26

À lò sugho eghəla, Zuʼ tə̀ Zɔlɔ tə bughò yòsò nû sɛ̀ aŋghəa a bûʼ ki ko yo nûŋ wò. Tɔŋlo enyəa sɛ̀ bûʼ tɔ̀ʼ kwò yo ghəa zəla sɛ ki alegɔŋlō a te; ghuūghùe u Zuʼ tə̀ Zɔlɔ tia tə buʼù gɔ̂ŋlo an tuw u sɛ̀ alo edì mò ghùw yò dzə̂ aleteso dzɛ̂ shwaʼ u te wo.

1 Kòlentìan 12:13

À fə̀ lo sugho Zuʼ tə̀ Zɔlɔ tə̀ mɔʼɔ tən to ghe fə̀ fughu sɛ̀ â mùghù ŋ Kə̀zə̀ mò a te — ŋkāa à lǒ Tə̀dzûu ŋkāa à lò Etoʼò, ukɔ̂ ŋkāa ghî ghəla ghe ndzə̂əm mughu — Zə̀ chia kə dzə̂n wô Zuʼ tə̀ Zɔlɔ tə mɔʼɔ tə to am fə̀ŋ tə sɛ̀.

1 Kòlentìan 15:31

Ǹ lo ko an dzughu zə evʉ̄ an tsuʼu mən n dzə̀m, tò aŋghəa Ǹ tsɔɔ̄ fə̀ŋ a te a zəŋò ghɛ̀ aŋghəa sɛ̀ lô fəgha ko kə mɔ̀ʼ sə̀ à ghê Mughùbè ù sə̀ Kə̀lestò Yɛso.

1 Kòlentìan 3:16

À lǒ mò ghɛ̀ məghaa nù enyəa ghɛ̀ lo tsughu e Kəzə̀ à, àsùghò enyəa Zuʼ tə Kəzə̀ tə̀ mughu a zəŋò ghɛ̀ a?

2 Kòlentìan 13:14

To dzɔ̂ è Mughu ù te Yɛso Kə̀lestò, ləgha e Kəzə̀ àsùghò Zuʼ tə Kəzə̀ təla tə təmdzəə̄ŋ sɛ̀ alo kəfəgha kə mɔ̀ʼ, mô lǒ ghɛ̀ à ghee a dzə̀m.

2 Kòlentìan 2:14

Ŋ̀ kuuwn fughu zɔ̀ɔŋ kə Kəzə̀; tɔŋlo enyəa aŋghəa ghàʼ doʼò ndûw fəgha ko kə mɔ̀ʼ ghàʼ à ghê Kə̀lestò, Zə̀ kə̀ mgbɛɛ sèe bwii tsə̀ghà ko ghàʼ tò ghî ghəla ghɔŋ e ghee e lo mo zə m bàŋ an zən e Kə̀lestò. Zə̀ chia kə tsəghà tsughu a zəŋò ghàʼ ghəəŋ tsughu enyəa ghàʼ zughòo ndûw tɔ wəla u lo aŋ ghəa Kə̀lestò, to u nyəŋō ŋgəaa tsughu luʼū tə̀n tə̀ dzə̀m tò zuʼù fə vʉa fə̀ ləə̄m fo.

Gàlashìan 4:6

Zə̀ chìa kə dzə̂n nyə wo Zuʼ tə Wɛ ù wə̄n to am fə̀ŋ tə sɛ̀ aledèe tsughu enyəa sɛ̀ lo wɛ a wə̄n. Zuʼ tə te tia tə ghəŋlo sɛ̀ yia a tɔɔŋ tsughu Zə̀ kò enyəa, “Bəghà! Tsele waŋā!”

Gàlashìan 5:22

Twam wəla Zuʼ tə̀ Zɔlɔ tə mʉā wo lò, eləgha, ebughunlo, ghue ù zumso wo, mwam ù dzûŋ wò, edzɔ̂ àsùghò səŋò zò,

Efɛsùs 4:4

Aŋghəa e lǒ enyəa sɛ̀ a dzə̀m dzeŋe ki Zuʼ tə̀ Zɔlɔ tə̀ mɔʼɔ̄ to, sɛ̀ yia dzeŋe ghəəŋ kɔʼ sùghò ghue u mɔ̀ʼ, tò aŋghəa a dzeŋe chîi sugho tùʼ aŋ ghəa è mɔʼɔ̄ zo, à lò aŋ ghəa è mɔʼɔ̄ e te zo Zə̀ kə fə̀ tɔŋɔ ghɛ a te.

Fèlepìan 1:8

Nu Zə̀ kə̀ kwo nû enyəa ləgha zəla Ŋ̀ ki a zəŋò ghɛ̀ lò zəla Yɛso Kə̀lestò ki sugho a zəŋò ghɛ̀.

Fèlepìan 3:3

Tɔŋlo enyəa sɛ̀ fɛ lǒ tò ghî ghəla ghe lo mo ghe n twii u ghee wo u dzə̂əm sugho, ghî ghəla ghe kɔʼso Zə̀ kò mò à ghe â daʼa kə fughuu wò Zuʼ tə̀ Zɔlɔ to am bàm e Kə̀lestò Yɛso,

Kòloshìan 2:2

Ŋ̀ ghəa ghən ghəŋlo enyəa to fə̂ŋ tə ghee tə mô nyəā tsughu, ghe nîi kɔʼ eləgha tò fəgha kəla kə kwuu kɔɔn ghee alo fətùʼù, ghe e kwo tən enyəa e lo êzə̀ aŋghəa ghe bughò zuwkɛlɛ̄ tsughu səŋò e te zo. A n dziī zən, ghe lo zuūwkɛlɛ enyəa nàn kə eghəa kəla kə lo aŋ ghəa a Kəzə̀ lǒ Kə̀lestò.

Kòloshìan 3:12

Ghɛ̀ tò ghî à zɔlɔ ghəla Zə̀ kə̀ shîaa kɔʼ, kə n naŋa tsughu fə̀ŋ e wə̄n a te, kele tsughu nlò se è kwuso zo, ghɛ̀ è dee nduw dzɔ̂ zò, zumso tsughu èghue, zʉ̀a tsùghuu èghue, kaa tsughu ezə alo eghəa.

Hibùlù 6:18

Zə̀ kə fə̀ enyəa an zen e wə̄n kɛ tsughu aledèe tsughu enyəa am bàm e ghəa ghən a bə̀ghà a kuuwn koʼò tsəghà yo, ghəla a ki ghəa ghəla a dêe enyəa Zə̀ kə̀ yo dzə̂ alekaʼ e gha, sɛ̀ ghəla sɛ̀ ti nân wo, a tee tsughuu an tùʼ zəla sɛ̀ chiī ghè zò.

1 Pità 1:2

Kə̀zə̀, tɔɔŋ Tsele ù Mughùbè ù sɛ̀ ù te n tsɔʼ kɔʼ ghɛ enyəa ghɛ̀ doʼo ghî a wə̄n gho an tə̀ŋ kəla kə fə̀ fôʼ naŋā, Zuʼ tə̀ Zɔlɔ tə ŋ ghəəŋ tsughu enyəa ghɛ̀ e lo ghî à zɔlɔ gho, enyəa ghɛ̀ e zuuw nduw â Yɛso Kə̀lestò, to aŋghəa kâŋ tə wə̄n an vʉ zəla ù kpuw ghè zò fə̀ sûw maʼà tsughu ghɛ. Ŋ̀ gɔ̂ŋlò enyəa Zə̀ kə̀ mô fughu ghɛ â bughuun zo, kə dêe sughò ghɛ â dzɔ̀ e wə zo naʼ è ndə̀m.

1 Dzɔ̌n 3:24

Ghî ghəla ghe naaŋ lâŋ kə Kə̀zə̀ kò lò alo kəfəgha kə mɔ̀ʼ ghèe ghê Zə̀ ko, Zə̀ chia kə lo sugho ghèe ghee. Ghən lò sugho aŋghəa sɛ̀ kele a te enyəa Zə̀ kə̀ lo sɛ a ghee. Sɛ̀ ghəa ghən fɛ kele bò Zuʼ təla kə fughu â sɛ̀.

1 Dzɔ̌n 4:12

Ghùw ù lì kaām kôʼ kòʼ tsə̀gha Zə̀ kò; abugho sɛ̀ kuūwn kûu ləghaa ghue e sɛ̀ zò, Zə̀ kə n lo sɛ̀ à ghee, ləgha e wə̄n e dzə̀m zə ŋ kùm lò a zəŋò sɛ̀.

1 Dzɔ̌n 4:16

Ghue u eghùe e sɛ̀ zəa e kwo, boo fùghù tsùghù sùghò an ləgha zəla Zə̀ kə̀ ki a zəŋò sɛ̀. Zə̀ kə lo eləgha, ghùw wəla ù mùghū alo e ləgha lo ghèe Zə̀ kò, Zə̀ chìa kə ti sugho ghèe wə̄n.