Fèlepìan 1:9 - To kə Kəzə̀ kə̀ Fughu ko

⁹ Ŋ̀ gɔ̂ŋlò enyəa to ləgha zə eghùe zɛ̀ʼɛ e mô nǒom ndùuŋ ndùw àsùghò tɔ wɛʼɛ ù zuuwkɛlɛ wə aghəa ghəla a lô è səŋò àsùghò enyəa ghɛ̀ e lo alekwo ghəa è səŋò zo a zəŋò è biigh zo,

Fèlepìan 1:9 Iomraidhean Croise

1 Kòlentìan 14:20

Waazə̂ ghaŋa gho, kà nlò è moʼn dzə̄ ghəa gho tò wɛghêtùghu. Ghɛ̀ doʼo tsughu ko nlò tò wɛghêtùghu aŋ ghəa à biigh gho, nu ghə kwo yo nəŋònə̄ŋ aŋ ghəa è dzûŋ zò ŋkāa è biigh zo. Ghɛ̀ kuuwn ghînoo gho an dziī zəla ghɛ̀ moʼn ghea gho a te.

2 Kòlentìan 8:7

Aŋghəa ghɛ̀ tsū sə ko alo aghəa a dzə̀m, aleboō fughu, aŋ ghəa à kəaa gho, an tɔ wɛʼɛ, aŋ ghɛ̀ zəla ghɛ ki, àsùghò an ləgha zəla ghɛ̀ ki a zəŋò ghàʼ, ghɛ̀ ghəəŋ tsughu enyəa ghɛ̀ tsu sugho sə ko alemwaʼā.

Efɛsùs 5:17

Ghɛ̌ ki dzə yo alelo ghî à laʼso gho. E kuuwn zuuwkɛlɛ tsughuu ko nlò fwàʼ kəla Mughu ù te ləghaa enyəa ghɛ̀ è fwaʼa ghè kò.

Kòloshìan 1:9

Zə lo e ghee, alenìi nughù wô an tsuʼ fəla ghǎʼ mò zuw tsughu zwɔ̂ŋ wɛʼɛ wo a te, ghàʼ kaām bughu naŋa kòʼ alegɔ̀ŋlò an tuw wɛʼɛ enyəa Zə̀ kə̀ dêe wô ghɛ̀ â ghəa gho a dzə̀m kə ləghaa enyəa ghɛ̀ è ghəŋlo, kə fughuu sughò ghɛ̀ â tɔ wo, ghɛ è zuuwkɛlɛ sugho ghəa ghəla Zuʼ tə̀ Zɔlɔ tə fughu â ghɛ̀.

Kòloshìan 3:10

Zə̀ kə̀ ŋ ghəŋlo enyəa ghɛ̀ doʼo ghî à fughu gho, dòʼn wò sùghò tǒ ghee, zoʼn kele mɛ̀ʼn wò sùghò ghùw wəla e lo ghè wò.

1 Tɛ̀sàlonìan 3:12

To Mughu u te mô ghəŋlò enyəa ləgha zə̀lā ghɛ̀ ki a zəŋò ghì à li gho àsùghò aŋ ghùe zɛʼɛ̄ mô dùuw tò aŋghəa zaʼā e lo a te a zəŋò ghɛ̀.

1 Tɛ̀sàlonìan 4:1

Alendùw â sə ko a waazə̂ ghaʼa gho, ghàʼ toon wò ghɛ̀, dzàa wò sùghò â ghɛ̀ an zən e Mughubè Yɛso enyəa ghɛ̀ è mughu nduw ko ŋgòʼ è mùghùu zəla ghǎʼ mò zoʼn ghɛ a te, tò aŋghəa ghɛ̀ nyɔʼɔ ghəəŋ dzə̄ ezə̄ŋ, àsùghò enyəa ghɛ̀ è naam mughu nduw ko mughùu e te zo êzə̀.

2 Tɛ̀sàlonìan 1:3

Waazə̂ ghaʼa gho, ghàʼ ki alefughuu zɔ̀ɔŋ kò â Zə̀ kò nəgha tən tə̀ dzə̀m, mo e ŋgəmso dzɔ̀ɔ nù aleghəŋlo èzə̀ tɔŋlo enyəa boo zɛʼɛ̄ àsùghò ləgha zəla ghɛ̀ ki aŋ ghùe zɛʼɛ̄ ŋgee noom nù.

Filemùn 1:6

Ŋ̀ gɔ̂ŋlò enyəa aŋghəa sɛ̀ bwîi ghuw ko kə mɔ̀ʼ am fə̂ŋ zəla sɛ̀ gaʼ tsughu a zəŋò Kə̀lestò, to ghəa a te a mô ghə̀ŋlo sɛ̀ e tɔʼɔ zuuwkɛlɛ tsughu ghəa à dzûŋ ghəla à dzə̀m sɛ̀ ki aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò.

Hibùlù 5:14

Fʉghàzəa ù tughu u lɛ̂ɛn ghì ghəla ghe noō kpe tsughu, ghî ghəla ghe n zoʼn naŋa tsughu ghue e ghee zo aŋ ghəa ghəla ghe ghəəŋ zeē, ghe yia kwo nəŋonə̄ŋ aŋ ghəa è dzûŋ zo àsùghò alô è biigh zo.

1 Pità 1:22

Ghəa e lô êzə̄ŋ enyəa səŋò zəla ghɛ̀ zoʼn kele kɔʼ ghɛ̀ yia bwiī a te ŋ ghɛ̀ sûw màʼà, ghɛ̀ yia ləghaa ghue zɛʼɛ zo tò waazə̂, e kuū ləghaa nlò ghue zɛʼɛ zo am fə̂ŋ è mɔ̀ʼ.

2 Pità 3:18

Zə êzəŋ e lo enyəa, to dzɔ̂ e Mughu ù te, tɔɔn Bəghambī ù sɛ, Yɛso Kə̀lestò àsùghò tɔ wəla ghɛ̀ ki kùu wə̄n mò ghəŋlo enyəa ghɛ̀ e ŋgee noōm dzɔɔ̄. To ghî mô kɔ̀ʼso tsə̀ghà wə̄n to mbī kê bughò mîa. Zə e lo ko êzə̀.