Fèlepìan 1:8 - To kə Kəzə̀ kə̀ Fughu ko

⁸ Nu Zə̀ kə̀ kwo nû enyəa ləgha zəla Ŋ̀ ki a zəŋò ghɛ̀ lò zəla Yɛso Kə̀lestò ki sugho a zəŋò ghɛ̀.

Fèlepìan 1:8 Iomraidhean Croise

Lûk 1:78

Zə̀ kə sɛ̀ kə̀ ki se è kwuso zo, Chia kə ŋgɔɔ̄m sɛ̀. Kə lo ghəəŋ nù tsuʼ u zuw a zəŋò sɛ̀ aŋghəa kə kê bəghaasəa sɛ̀ a te.

Lumà 1:9

Zə̀ kə̀ kwo nû enyəa ghəa ghəla a dzâa wò fɛ lò êsəŋò — Zə̀ kə̀là Ŋ̀ kɔʼso am fə̂ŋ zaŋa e dzə̀m aŋghəa Ǹ naʼn làbəlà e wə̄n e dzùŋ zən kùu ndùw Wɛ ù wə̄n, Kə kwò nû enyəa M̀ moʼn zěe nù ghɛ aŋ gɔ̀ɔŋ zaŋa nəgha tən tə dzə̀m.

Lumà 9:1

Ghəa ghə̀là Ŋ̀ kə̂aa wo yò dzə agha, Ŋ̀ kə̂aa êsəŋò, tɔŋlo enyəa ghàʼ à Kə̀lestò lò kəfəgha kə̀ mɔ̀ʼ. Zuʼ tə̀ Zɔlɔ təla tə lo am fə̂ŋ zaŋa teso dzàa wò nù enyəa Ŋ̀ kaʼn yo gha gho.

2 Kòlentìan 13:9

Tɔŋlo enyəa ghàʼ duʼn nù abugho ghàʼ lɛɛ̄ ghɛ̀ yia kuūwn tughūu. Fəgha kə̀là ghàʼ gɔ̂ŋlo a te lo enyəa to ghɛ̀ mən tsughu aŋ ghəa e Kə̀lestò.

2 Kòlentìan 6:12

Ghàʼ ləghaa ghɛ̀ a dzə̀m am fə̂ŋ zaʼa e dzə̀m, à kǔuwn lò ghɛ, ghɛ̀ dêe yò ləgha zɛʼɛ zo zəŋò ghàʼ.

2 Kòlentìan 7:15

Ləgha zəla ù ki a zəŋò ghɛ̀ e noom ndùw nù aŋghəa ù mòʼn dzə̂ ghəa ghə̀là ghɛ̀ mò bɔɔ̄m ləə̄m ko alezūw â wə̄n àsùghò aŋghəa ghɛ̀ mò kpenī wə̄n a te aŋ ghùe è tsəəŋ zo.

Gàlashìan 1:20

Kòʼô! Ghəa ghəla Ǹ tɔɔ̄ wô fɛ â ghɛ̀, Zə̀ kə̀ kwo nû enyəa Ŋ̀ kaʼn yo gha gho.

Gàlashìan 3:26

Tɔŋlo enyəa ghɛ̀ a dzə̀m lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso.

Gàlashìan 4:19

Fɔɔn zəla Ǹ zuūw bòʼ ghɛ̀ a wɛ ghaŋā gho lò ko tò fɔɔn zəla wìzən ù nʉgha u wɛ zuūw an nəgha è dzəa zo. Ǹ lo tèlè zǔuw ko fɔnlo e te zo enyə, Ǹ ndûw tâa ndûw an ti kəla mughù e Kə̀lestò e lo dêe səā wo a te a zəŋò ghɛ̀.

Fèlepìan 2:1

Aŋghəa e lò dzə enyəa, Kə̀lestò dzə̀là nù fə̂ŋ tɛʼɛ to, Zuʼ tə̀ Zɔlɔ tia tə naāŋ ghɛ̀ alo kəfəgha kə mɔ̀ʼ, ləgha zəla Kə̀lestò ki a zəŋò ghɛ̀ zəa e tsəmso sughò ghɛ, ghɛ̀ yia ki ləgha zo àsùghò se è kwuso zo aŋ ghùe zɛʼɛ̄.

Fèlepìan 2:26

Mùghò n tsughu tsən enyəa Ŋ̀ ki alenìi tuū wô wə̄n ebàm a vʉ̀a ghɛ̀, nu ù dìi kèe alebùghò kôʼ ghɛ̀.

Fèlepìan 4:1

E fi lo enyəa waazə̂ ghaŋa à dzûŋ ghəla Ŋ̀ ki am fə̂ŋ è dzùŋ, ndòʼò mbùuŋ kèe sùghò alekòʼ ghɛ, ghɛ̀ lo duʼn kaŋā, lò sugho namso kaŋa am M̀ mbûŋ nù alekòʼ ghɛ̀. Ka tsughu ko nlò zə̀ zo aŋ ghəa e Mughu ù te a fən ghaŋa à dzûŋ ghò.

Kòloshìan 2:1

Na tò Ǹ dzɛ â wô â ghɛ̀ aŋghəa Ǹ dəma a te aŋ ghəa ghɛʼɛ àsùghò aŋ ghəa a ghì a yia ghe lo an Laòdisia; bùʼù də̀mà sùghò aŋ ghəa a ghì ghəla ghe lo mo ghe kǎam kwâʼ u usʉ waŋā wə ŋ kô kòʼ tsəghà.

Kòloshìan 3:12

Ghɛ̀ tò ghî à zɔlɔ ghəla Zə̀ kə̀ shîaa kɔʼ, kə n naŋa tsughu fə̀ŋ e wə̄n a te, kele tsughu nlò se è kwuso zo, ghɛ̀ è dee nduw dzɔ̂ zò, zumso tsughu èghue, zʉ̀a tsùghuu èghue, kaa tsughu ezə alo eghəa.

1 Tɛ̀sàlonìan 2:5

Ghuūghùe zɛʼɛ̄ e kwo nû, Zə̀ chìa kə lô sûghò aleteso enyəa shwaʼ wəla u mò səa wo an dzughu zaʼā fə̀ yo dzə̂ shwaʼ ù kpəŋo wo aletsè ghɛ̀ ŋkāa alenɔɔm nî fəgha kə̀ li ko aŋ ghùu ghùw wɛʼɛ ù lì.

1 Tɛ̀sàlonìan 2:8

Ghǎʼ mò kuū ləghaa nû ghɛ, zə̀ lǒ e ghee ghǎʼ mò kaā kə̂a ko yo ghɛ â shwaʼ u Kəzə̀ wò, ghàʼ m fùghù mɛ̀ʼɛ̀ wò ghue zaʼa aleyòsò ghɛ̀, ghàʼ màʼà ŋge gaʼ fə̀ŋ a zəŋò ghɛ̀.

2 Timotì 1:4

Abugho Ǹ tɛ̀ moʼn tughu sə̀ mo èdì mə̀ghà mò, Mùghò m mbuŋlò alekòʼò wo ghù alo esə̄, tò fə̀ŋ zaŋa kôom zʉ̂ʉn tsughu.

Filemùn 1:12

Ǹ tuu wò wən ebàm a vʉ̀a ghù, ghù è kwo enyəa M̀ fi tuu wò fə̀ŋ zaŋa.

Filemùn 1:20

Ŋ̀ wàazə̀, Ǹ dzɛ̂ enyəa ghù yoso kɔʼ mugho am bàm e Mughu ù te. Ghù tǒ ghùw wəla ù boō fughu sugho â Kə̀lestò, ghəəŋ tsùghù tò fə̀ŋ zaŋa e zʉʉ̄n dzɔɔ̄.

1 Dzɔ̌n 3:17

Abugho ghùw ki fʉgha u mbī wo, vʉ̀a ù kòʼò nduw wàazə̀ wəla ù kuuwn laʼā kee, vʉ̀ ù ləghaa yo alefughu wə̄n, ù lô ênzə̂n aledzɛ̀ enyəa e ki nû ləgha e Kəzə̀ zò an fəŋ è wə̄n à?