Fèlepìan 1:7 - To kə Kəzə̀ kə̀ Fughu ko

⁷ À lo nu dzɔ̀ â mùghò alekele ŋgòʼ è mòʼn zən a zəŋò ghɛ̀, nu Ŋ̀ ki ghɛ am fə̂ŋ è dzùŋ. Bòʼ enyəa sɛ̀ a dzə̀m dzeŋe dzùghuun dzə̌əŋ dzɔ̂ e Kəzə̀ məla Zə̀ kə̀ fughu â mùghò. Tò êzəŋ wəla Ǹ lo mo ghe kùm nàŋa mugho alo tətsaʼ aŋ kwə̀n ŋkāa tò an ti kə̀là mùgho mò ki daʼa ko kə̀ŋlò làbəlà è dzùŋ è Yɛso àsùghò aleteso dzaā wo enyəa zə̀ è ki zən ko.

Fèlepìan 1:7 Iomraidhean Croise

Kə̀fwàʼ 20:23

Fəgha kə̀là Ŋ̀ kwo ghè kò, à lò fəgha kə̀là Zuʼ tə̀ Zɔlɔ tə te dzâa wo â mùghò an nàʼà tə̀n tə̀ dzə̀m Ǹ nduūw enyəa ghe lo dzə̀là nù mugho an ndùghètsaʼ àsùghò enyəa tsû ù lo kwuu nù mugho.

Kə̀fwàʼ 21:33

Komndzūghū vʉ ŋ kuʼso kəŋo è wo, nì nùghù kɔ̀ʼ Pôl, dzɛ̀ tsùghù enyəa ghe kûu tsughu wə̄n alo tətsāʼ tə bə̀ghà. Ù m bvʉ̀ tsughu enyəa Pôl lò ndughoo, àsùghò fəgha kə̀là ù bonlō.

1 Kòlentìan 13:7

Ləgha e ghəəŋ nù ghùw n lo alenaŋa fə̀ŋ a zəŋò wàazə̀, ghùw n lo alechiī tùʼ alo eghəa, ghùw n lo alebàʼ mbàŋ an tuw kə wàazə̀, ləgha e ghəəŋ nù ghùw n lo alekɔlɔ fèŋ alo aghəa a dzə̀m.

1 Kòlentìan 9:23

Ŋ̀ ghəa a te gho a dzəm ghə̌əŋ ko alezùghòo làbəlà è dzùŋ è te, enyəa to M̀ mô kele sughò bughuso zəla e lo aŋ ghəa a te gho.

2 Kòlentìan 3:2

Ghuūghùe zɛʼɛ̄ e lo mwàʼsò kəla kə kɛɛ̄ ghāʼ, ghe tɔm naŋa tsughu am fə̀ŋ tə sɛ̀, enyəa ghî ghə̀n à dzə̀m tɔɔ̄ŋ kele.

2 Kòlentìan 7:3

Ŋ̀ ghəa ghən kə̂aa wò dzə̀ yò enyəa Ǹ ləghaa alesaʼā wô ghɛ̀; nu M̀ maā bûʼ dzɛ̀ enyəa ghàʼ ŋge gaʼ fə̀ŋ a zəŋò ghɛ̀, àsùghò enyəa to sɛ̀ mô dzèŋe lò ko a dzə̀m, ŋkāa a kpuwnlo ŋkāa a lô â tuw ko.

Gàlashìan 5:6

Abugho ghe sugho tigh kə ghûw kò ŋkāa ghe tâʼkè sugho, zə ki dzə yo ghəa è li zo aleghəŋlo am mùghù e sɛ̀ à ghê Kə̀lestò Yɛso. Ghəa èsəŋò zəla e lo ghè zò lò enyəa, sɛ̀ ŋgaʼ fə̀ŋ a zəŋò Kə̀lestò an ləgha zəla a ki ghè zò.

Efɛsùs 3:1

À lǒ bòʼ ghəa ghəla Zə̀ kə̀ lo mò kə ŋ ghəŋlo aletəmaa dzəə̄ŋ wô Tə̀dzûu ghèe ghê Tòʼò zo alo kəfəgha kə mɔ̀ʼ, mùghò Pôl, Ǹ lo ghùw ù ndùghùtsāʼ aŋ ghəa e Kə̀lestò Yɛso enyəa Ǹ zughò wo làbəlà è dzùŋ â ghɛ̀ à Toʼò zò.

Efɛsùs 4:1

Bòʼ ghəa ghə̀n a dzə̀m Zə̀ kə̀ lo mo kə ghəŋlo â ghɛ̀, zən lò e ghee, mùghò wəla Ǹ lô fɛ an ndùghùtsāʼ bòʼ M̀ fwaʼà â Mughu ù te, M̀ buʼū wô ghu ko â ghɛ̀ enyəa ghɛ̀ è mughu mughù zəla ghî a Kəzə̀ ki alemùghù ghè zò, zəla Zə̀ kə fə̀ tɔŋɔ ghɛ a te.

Efɛsùs 6:20

Ghe mò mùgho tum wo â alebùghò naʼà làbəlà èdzùŋ zə̄n, zən lò e ghee Ǹ lô fɛ an ndùghùtsā. E gɔŋlo nlò an tuw kaŋā enyəa to M̀ mò lò aledoō naʼn làbəlà zən an ghəa ghəla ŋ ki alenàʼà a te.

Fèlepìan 1:12

Waazə̂ ghaŋa gho, Ǹ ləghaa enyəa ghɛ̀ kele tsughu enyəa, fəgha kəla kə sə a zəŋò mùghò ŋ kùum ŋgè yòsò aleghəŋlo enyəa to làbəlà è dzùŋ mò noō ndûuŋ ndûw â sə ko.

Fèlepìan 1:13

Tɔŋlo enyəa, gbè tə tɔʼ tə dzə̀m an Lumà, àsùghò ghì ghò a dzə̀m fɛ kwo nû enyəa M̀ fɛ aŋ kwə̀n lǒ zuŋufia Ǹ lô kɔ̂ɔ fə Kə̀lestò fò,

Fèlepìan 1:14

Doʼò zaŋa aŋ kwə̀n zəa e dzə̂n tsughu sughò fə̂ŋ tə ghì ghə̀là ghe boō fughu â Mughu ù te enyəa ghe e ki fə̂ŋ to aleŋgee naʼn nduw shwaʼ u Kəzə̀ wò mo ghe ki yo tsəŋ zo.

Fèlepìan 1:5

bòʼ yosò zɛʼɛ zəla ghɛ̀ mò fughu â mùghò alenàʼà làbəlà è Yɛso zən, alenìi nughù wô an tsuʼ fə sûesʉ fəla ghɛ̀ fə̀ boō fughu a te tsughu, bùghò tɛ̀ wò êzəŋ.

Fèlepìan 2:22

Ghɛ̀ kwo nû enyəa Timotì n dě fwàʼ kə wə̄n ko tǒ wɛ ù tsəlà tsele wəla ù lò alefwaʼā ghàʼ à wə̄n alenàʼà làbəlà è dzùŋ zən.

Fèlepìan 4:14

E mò naam ŋge dzɔ̂ɔ sugho nû â ghɛ̀ aleyòsò mùghò an tsù waŋa.

Fèlepìan 4:15

Alekòom buʼù nîi tsughu, ghuūghùe zɛʼɛ̄, ghɛ̀ ghî a Fèlepìan a kwo nû enyəa nəgha zəla a mò ziī tsughu shwaʼ u Kəzə̀ wə̄n, mò Ǹ nughù wò an Masìdonìa, ghàʼ à ndùghù è Kə̀zə̀ è lìī fə̀ zə̂a faa dzə yo, tsə̀ghàsə̌a ko yo ghɛ a fɛ am Felèpîi.

Fèlepìan 4:3

Yia a bughò ghû fən waŋa wəla ghàʼ à ghù zumso fwâ kɔʼ wo, yoso yîzən ghən tɔŋlo enyəa ghe maā ŋge fwàʼ ghàʼ à ghee alezùghò làbəlà è Kə̀zə̀, ghèe ghê Kə̀lɛmɛ̀n àsùghò ghî à li ghəla ghàʼ à ghee mò dzeŋe fwaʼā a dzə̀m. Ghəla zŋ a ghee alo am mwàʼsò kə Kəzə̀.

Kòloshìan 4:18

Tɔɔŋ zəla M̀ fughuu wô fɛ â ghɛ̀ êzə̄ŋ, à tso tɔm nyə tsughu ghu kaŋa mùgho â mughu ko. E kwo ko ghɛ̀ lô nîizəa enyəa Ǹ lo fɛ an ndùghu e tsāʼ. Ŋ̀ gɔ̂ŋlò enyəa to Zə̀ kə̀ mô dè ghɛ̀ â dzɔ̀ e wə̄n zo.

Kòloshìan 4:3

Ghɛ̀ è gɔɔ̄ŋ tsughu sugho an tuw waʼā, enyəa Zə̀ kə̀ tsʉā dêe wô ghàʼ â dzì è te alenàʼà shwaʼ u wə̄n â ghì ghò, enyəa ghàʼ e lo aledzàa nduw ghee â fəgha kəla kə fə̀ nân doʼō aŋ ghəa a te gho kùu ndùw Kə̀lestò, bòʼ enyəa kən lò soo kə eghəa kə te ko ghe kwu fê naŋā ghàʼ fɛ̄ a te an ndughu è tsāʼ.

1 Tɛ̀sàlonìan 5:5

Ghɛ̀ lo ghî ghəla ghɛ̀ ghəə̄ŋ ghəa ghɛʼɛ gho an ndɛ, tò aŋghəa ghî à mgbaŋā ghəəŋ ghəa gho â tsə̀ tò. Sɛ̀ yo dzə̂ tò ghî ghəla ghe ghəə̄ŋ ghəa gho alo kələ̄m, tò aŋghəa ghî à tsɔŋɔ̄ ghəə̄ŋ ghəa gho â tsuʼ wo.

2 Timotì 1:8

E kwo ko ghù lò so e də̂nsò kə̀tuw aleteso dzâa nduw ghəa a Mughùbè ù sɛ gho â ghì ghò, e kwo ko ghù lò də̂nsò sugho tuw ko aledzaā nduw enyəa ghù kwò nû mugho wəla N̂ lô fɛ an ndùghùtsāʼ aŋ ghəa e Kə̀lestò Yɛso. Laam təmdzəəŋ wò mugho alefala bòʼ làbəlà è dzùŋ zən aŋghəa Zə̀ kə̀ dzəlà wô ghû â sə̀ŋ zò a te.

2 Timotì 2:9

M̀ fɛ enyə fanlo bòʼ naʼn kaāŋ làbəlà è dzùŋ zən, ghe ndôʼ kûm nàŋa mugho alo tsāʼ tǒ ghùw ù tsɔ̀ŋɔ ù bǐigh ù lì. Ghe kuuwn yò dzə̂ alekwuū kûu naŋâ shwaʼ u Kəzə̀ a lo tətsāʼ.

Filemùn 1:13

M̀ mô lə̀ghàa enyəa to ù mò doʼò tsughu fɛ ghàʼ à wə̄n, ù è yosō mugho an tuw kə̂a aŋghəa Ǹ lô fɛ an ndùghùtsāʼ bòʼ Ǹ zughoo làbəlà è dzùŋ è te.

Hibùlù 3:1

Waazə̂ ghaŋa à zɔlɔ gho, ghɛ̀ ghəla ghɛ̀ lo mo Zə̀ kə ŋ ghɛ̀ tɔŋɔ am fɔ̀e u kəwalā, naŋa nduw nlo tuw kɛʼɛ ko a zəŋò Yɛso, wəla a dzɛ̂ enyəa ù lǒ tum e Kəzə̀, lò sugho tuw kəfɔ̀e kəla Zə̀ kə mò tɔŋɔ̄.

1 Pità 4:13

E laam lo nlò alo eduʼnlo enyəa ghɛ̀ nyɔʼɔ̀ faan sùghò tǒ Kə̀lestò, tò ghɛ̀ e ke lo alekele sughò duʼnlo è ne zo abugho ù kè dê sə wô ghaʼ e wə̄n zo.

1 Pità 5:1

Mùghò tǒ tsoʼ, M̀ buʼu wò kə̀ghu à tsoʼ təla tə lo am tsətèʼè fɛʼɛ. M̀ mafə kôʼ fala e Kə̀lestò zò, Ǹ lo kòʼò sùghò nû səghanyəgha mə̀là n lò aŋ ghaʼ e wə̄n abugho ù lo kôom bugho ebàm.

2 Pità 1:13

Ŋ̀ kwo enyəa à ŋgə̀mso lǒ dzɔ̀, â mùghò alezəə̄ŋ zee wo ghɛ êzə̄ŋ wəla Ǹ naām lo â tuw ko, enyəa ghùw wɛʼɛ lô so e nîizə̀a ghəa a te gho.

1 Dzɔ̌n 3:14

Sɛ̀ kwo nû enyəa sɛ̀ n sə̀ nùghùu wò aŋ kɔ̀n kə evʉ̄, tsə̀ghà wò am mùghù zəla e doʼò tən, bòʼ enyəa sɛ̀ ləghaa nù waazə̂ a sɛ̀ ghò. Ghùw wəla ù ləghaa yo waazə̂ ghò, ù fi nǎam lò ko am fàŋa kə evʉ̄.