Fèlepìan 1:6 - To kə Kəzə̀ kə̀ Fughu ko

⁶ Ǹ tɔ̂ʼ kwo nû enyəa Zə̀ kəla Kə fə̀ kaʼ tsughu fwàʼ kə̀ dzûŋ kən a zəŋò ghɛ̀ lo fwàʼà suɛ̀lɛ̀ sə̌a ndùw nù alendùw tâa ndûw an tsuʼ fəla Yɛso Kə̀lestò kè bughoo a te ebàm.

Fèlepìan 1:6 Iomraidhean Croise

Dzɔ̌n 6:29

Yɛso m bɛ̀lɛ̀ tsùghu ghee enyəa, “Ghəa zəla Zə̀ kə̀ ləghaa enyəa ghɛ̀ ghəŋlo lo enyəa, ghɛ̀ boo fughu nduw â ghùw wəla Ù tum wo.”

Kə̀fwàʼ 11:18

Ghəa ghe zuw tsughu ghəa ghən gho, ghe m bughu naŋâ ghəa ghəla ghe mô kəaa ghè ghò, kàʼ ndùw alefughu ŋkɔʼso â Zə̀ kò, dzàa tsùghuu enyəa, “Zə̀ kə̀ m fùghù sùghò ghî ghəla ghe yô Dzûu tò â bùʼ kò alemàʼà bòo tə ghee, to ghe kelê mùghù zəla e doʼò tən.”

Kə̀fwàʼ 16:14

Wìzən ù lǐ n lo aŋ ghìzən yia ghe mò zəə̄n shwaʼ wāʼa vʉ̀ mo zən e wən e lo Ledìa, mò ù sə̀ an naʼ e Tìatilà, fèen tsə̀ghà wən â ndzʉ təla tə ləŋō tò alɔ̂m. Nughò vʉ n lo mò ù kɔ̀ʼso tsə̀ghà Kə̀zə̀. Mughu ù te n tsʉ kɔʼ fə̀ŋ è wən enyəa ù tɔ̀ʼɔ̀ zuw fəgha kəla Pôl mò kəaa ghè kò.

1 Kòlentìan 1:8

Ù kè ghə̌əŋ nù ghɛ̀ è tɔʼ ti alendùw kuʼù ndûw, enyəa ghɛ̀ e ke lo mò ghɛ̀ ki dzʉ ù li wo an Tsuʼ u wəla Mughùbè ù sɛ̀ Yɛso Kə̀lestò kə̀ bugho e bàm a te.

2 Kòlentìan 1:15

Ghəa mùgho mò tɔ̂ʼ kwo ghəa ghən, mùghò n ləghaa alebùghòo dzə̂ alô ghɛ̀ esə̄, enyəa ghɛ̀ lô kpaʼā kele maāŋ kɔʼɔ̄ namso ko.

2 Kòlentìan 2:3

Zən lò e ghee mùgho mò tɔm wô ghɛ â mwàʼsò kə̀ chî, enyəa abugho M̀ mô bughòo kpeʼē, e kwo Ǹ lô bughò fanlō aŋ ghùu ghì ghəla ghe mô ki aleghəŋlo enyəa mùghò è tsoʼnlo. Zən lǒ bòʼ Ǹ tɔ̂ʼ kwò nû ghɛ ghə̀n à dzə̀m, enyəa abugho Ǹ duʼnlō, à fi lo enyəa ghɛ̀ duʼn sùghò nù.

2 Kòlentìan 7:16

Ǹ duʼn nù enyəa ghɛ̀ lo nû ghî ghəla Ǹ lo alenaŋa fə̀ŋ a te, alo aghəa a dzə̀m.

2 Kòlentìan 9:4

Abugho kpaʼ ndûw bugho ghàʼ à ghê ghî a Màsɛ̀donìa à li gho, a bughò koʼò wô mò ghɛ̀ kaām ghue zə m biaan naŋa — to sɛ̀ kele kɔʼ tuw kə̀ dəla ko, a e ki yo ghəa zo alekə̀aa kùu ndùw ghɛ̀ aŋ ghəa ghǎʼ mò tɔʼɔ̀ tsɔɔ̄ fə̀ŋ a te.

Gàlashìan 5:10

Ŋ̀ ŋgaʼ fə̀ŋ a zəŋò Mughu ù te enyəa ghɛ̀ lo kòom zuw yo tsʉ̂ e ghûw ù lì zo, tsə̀ghà sə̌a ko yo tsʉ̂ zəla Ǹ lo mò mùghò m fughu â ghɛ̀. Mò à kôom lò ko ndugho ù fwə̀là sə ghɛʼɛ gho, a lô wə̄n fɔeso ko Kə̀zə̀ abugho ghùw ù te tso lô ko kwò ko.

Efɛsùs 4:12

Zən fə̀ lo alefughu udwaʼa â ghì a Kəzə̀ ghò alefwàʼ fwàʼ kə Kəzə̀ kò àsùghò aletughuso tsughu ghî à Kəzə̀ ghe sô lô gwən e ughùe e Kə̀lestò zò.

Fèlepìan 1:10

tò ghɛ̀ e ke lo alekwo ghəa zəla e dzɔ̂ tsəgha. Ghɛ̀ e ke lo ghî à zɔlɔ gho, mò ghe e yo alesaʼ ghɛ aŋ ghəa è li zo

Fèlepìan 1:29

Tɔŋlo enyəa, Zə̀ kə̀ kâ ka dè ko ghɛ â dzɔ̀ e wə̄n zo enyəa ghɛ̀ boo ko â Kə̀lestò, à lò sughò enyəa ghɛ̀ ki alefaan sugho bòʼ wə̄n.

Fèlepìan 2:12

À fi lo enyəa fən ghaŋa à dzûŋ ghò, tò aŋghəa ghɛ̀ mò bwîi tsəgha an làŋ kə Zə̀ kəla mùgho mò zoʼn ghɛ a te aŋghəa sɛ̀ mò lò tsəgha a dzə̀m. À lǎam lo dzɔ̀ êzəŋ wəla M̀ buw sɛ̀, â ghɛ̀ alebwìi an làŋ kə te ko. E fwaʼā nduw ko nlò alo etsəŋ â ghɛ̀ alemìasò kɔʼ fwàʼ kɛʼɛ aŋghəa ghɛ̀ ki alezə kətuw a te.

Fèlepìan 2:13

Nu Zə̀ kə̀ fwaʼà a zəŋò ghɛ̀ aleghəŋlo enyəa ghɛ̀ è ki zǐi alefwaʼā fwàʼ kə Wə̄n ko, bwìi sùghò an làŋ kə Wə̄n

Fèlepìan 2:16

Shwaʼ wəla u fughuu mughù zò lò fəgha kəla ghɛ̀ ki aleteē tsughu a te, to a kê bughoo an tsuʼ fəla Kə̀lestò kè bugho a te, Ŋ̀ ke e tsɔ̂ɔ fə̀ŋ enyəa Ŋ̀ ka mo fwâʼ màʼà dzə̌ kə̀nughùnùghù.

Kòloshìan 2:12

Ghe mafə ghɛ tsəla dzəŋlo ghɛ̀ ghê Yɛso Kə̀lestò am mùghù ŋ Kə̀zə̀ mə̀là ghe mò fughu â ghɛ̀. Zə̀ kə̀ m fùghù sùghò ghɛ̀ â mùghù è fughu zo bòʼ ghɛ̀ gaʼ fə̀ŋ aŋ kɔ kə kəfwàʼ kə Wə̄n, tɔ̂ɔŋ Zə̀ kəla kə fə̀ zôm nughù kɔʼ Yɛso alo evʉ̄.

1 Tɛ̀sàlonìan 1:3

Ghə̄a ghàʼ zə̂əŋ zeē ko ghɛ aŋ gɔ̀ɔŋ zaʼa â Zə̀ kò, Tsele ù sɛ̀, ghàʼ nîi zə̀a yò fwàʼ kəla ghɛ̀ fwaʼā bòʼ ghɛ̀ boo fughu â Kə̀lestò, àsùghò ghəa à dzûŋ ghə̀là ghɛ̀ ghəŋlo â ghî ghò bòʼ ləgha zəla ghɛ̀ ki ghè zò, àsùghò tùʼ zəla ghɛ̀ ndzəmà chiī a zəŋò Mughùbè ù sɛ̀ Yɛso Kə̀lestò.

2 Tɛ̀sàlonìan 1:11

Zən lò e ghee ghàʼ gɔ̂ɔŋ Zə̀ kò an tuw wɛʼɛ nəgha tən tə̀ dzə̀m enyəa Zə̀ kə ghəŋlo tò ghɛ̀ kele daʼa ko alemùghù mùghù zəla kə mò tɔŋɔ̄ ghɛ enyəa ghɛ̀ mughu ghe zò. To Zə̀ kə̀ mô ghəŋlo enyəa moʼnlò è dzûŋ zəla ghɛ̀ ki ghè zò àsùghò fwàʼ kə̀là ghɛ̀ fwaʼā bòʼ boo zəla ghɛ̀ ki ghe zò mò bɔɔ̄m bughò səā ko êzə̀.

2 Tɛ̀sàlonìan 3:4

Ghàʼ kwo tən nû am fə̂ŋ taʼa enyəa Mughu ù te fwaʼà nù a zəŋò ghɛ̀, enyəa ghɛ̀ fwaʼà nù ghəa ghəla ghǎʼ mò dzɛ̂ naŋā â ghɛ, àsùghò enyəa ghɛ̀ yia lo ghəəŋ ndûuŋ tsəgha ghəa a te gho

Filemùn 1:21

Ŋ̀ kûum kwò nû enyəa ghù zǔuw nù lâŋ ko, zə lo e gheə aŋghəa Ǹ tɔɔ̄ wo mwàʼsò kən ko â ghùw, kwo tən nû enyəa ghù lo ghəəŋ nù ghəa ghəla M̀ bvʉa wo â ghù, ghù buʼ ghəəŋ tsəghataʼā.

Hibùlù 10:35

Kà nlǒ fə̀ŋ zəla ghɛ̀ gaʼ tsughu a zəŋò Mughu ù te kôom nì nùghù ebàm, nu è lo nìi wò nù ghɛ â namso kə̀ ne ko.

Hibùlù 12:2

Bùghò nlò sɛ̀ bɔɔ̄m naŋa ndûw kô sə e sɛ̀ a zəŋò Yɛso, à lǒ wə̄n ù fə̀ ghəŋlo enyəa sɛ̀ boō fughu â Zə̀ kò, vʉ̀a ù yòso enyəa boo e sɛ̀ zə̀ è tughuu. Ù ŋ kɔlɔ tsughu ko fə̀ŋ alekpuw alo kədàŋlo. Ù ka fə də̂nsò dzə̀ tuw ko aŋ ghəa a te gho, bòʼ ù fə̀ kwo duʼn kəla kə lo â sə ko, vʉ̀a ù gaʼ doʼò tsughu aŋ dàŋ è wə̄n aŋ kwe u Kəzə̀ ù təma wo alo kəwālā.

1 Pità 5:10

Àsùghò abugho ghɛ̀ tsûuŋ fala tsughu aŋ kə̀mà fə enə̀gha, Zə̀ kəla kə ki se e kwuso zo, kəla ke mò tɔŋɔ̄ nyə wô ghɛ an səghanyəgha ŋ wə̄n məla n dòʼò tən, bòʼ sɛ̀ lô fəgha ko kə mɔ̀ʼ sɛ̀ à ghê Kə̀lestò, lo kôʼ enyəa ghəa ghɛʼɛ a dzə̀m ghə ŋ kòom dòʼò kədzûŋ — boo zɛʼɛ zə e tughuu sugho — Kə lo fughuu sughò ghɛ̀ â daʼa ko, ghɛ̀ e tɔʼ ti sugho.

2 Pità 3:10

Zəa e kuuwn lô sugho enyəa, Tsuʼ wəla Mughu ù te kê bughoo a te, ghùw kè kwò naŋa yo, ù kè bùghòo ko tǒ ghùwtsɔ̀ŋɔ. An tsuʼ u te wo, dəm kə ke e kwuū aŋghəa wala kə saŋā mîan nyəā nduw. Wən u kê pfʉā nughù kɔʼ ghueekətsə̄ àsùghò fʉgha wə̀n ù dzə̀m a te, ufʉgha u dzə̀m kə̀ saŋa mîaa ndûw an uwə̀n.