Fèlepìan 1:5 - To kə Kəzə̀ kə̀ Fughu ko

⁵ bòʼ yosò zɛʼɛ zəla ghɛ̀ mò fughu â mùghò alenàʼà làbəlà è Yɛso zən, alenìi nughù wô an tsuʼ fə sûesʉ fəla ghɛ̀ fə̀ boō fughu a te tsughu, bùghò tɛ̀ wò êzəŋ.

Fèlepìan 1:5 Iomraidhean Croise

Kə̀fwàʼ 2:42

Ghe n tēe ten tsughu ko alezuuw tsʉ̂ è tətum zə̀ àsùghò aŋ ghəa a ghee à ghəəŋ dzəəŋ gho, zəa dzəŋlo, gɔ̀ɔŋ dzə̌əŋ sùghò.

Lumà 11:17

A nî tsughu enyəa ghe bvuʼn nùghù tsùghù kwèe tə̀ li to aŋ kàʼ fə̀ Olèf fə enaʼ fo, ghe yia ndûw nîi wò kwèe kò aŋ kàʼ fə Olèf fə ŋgwən fo, bùghò nyùŋ naŋa nyə̀ wò aŋ kàʼ fə Olèf fə enaʼ fən. Ghɛ̀ Toʼò è lo tò kwêe kə kàʼ fə Olèf fə ŋgwən fo, ghɛ̀ yia mùghù mughu zəla Zə̀ kè ləghaa êzə̄ŋ, zəla Dzûu tə̀ fə̀ mughù tsəgha.

Lumà 12:13

E teen nduw nlò fʉgha wɛʼɛ wo ghɛ̀ à ghê ghì a Kəzə̀ ghɛʼɛ ghəla ghe ki yo. Ghɛ̀ naŋa tsughu ndughu tɛʼɛ to tughō â ghì ghəla ghe bwîin wo alo ghɛ̀.

Lumà 15:26

Tɔŋlo enyəa dzeŋe kə ghì a Kəzə̀ chi an Masadonia àsùghò an naʼ e Akɛyà mò ŋgee duʼn nû aletsə̀mà tsughu alechuūw tsughu ukʉa enyəa ghe fughuu ndûw tò eyosò â dzeŋe kə ghì a Kəzə̀ gho ghəla ghe ŋgəmso yo an Yɛ̀lusalɛ̀m.

1 Kòlentìan 1:9

Zə̀ kəla kə fə̀ tɔŋɔ ghɛ̀ enyəa ghɛ̀ e lo fəgha ko kə mɔ̀ʼ ghɛ̀ à ghê Wɛ ù wə̄n Yɛso Kə̀lestò tɔɔŋ Mughùbè ù sɛ̀ naaŋ nù dzughu e wə̄n zo am fəgha kəla ù to naŋa enyəa e lo ghəəŋ nù.

2 Kòlentìan 8:1

Waazə̂ ghò, ghàʼ ləghaa enyəa ghɛ̀ kele tsughu dzɔ̂ zəla Zə̀ kə̀ mò dê tsughu â dzeŋe kə ghì a Kəzə̀ ghò am mbùʼ è Màsɛdonìa.

Efɛsùs 3:6

Nàn kə eghəa e Kəzə̀ zən lo enyəa, Toʼò zə̀ m bughò kele sughô daʼa kə te ko aletəmadzəə̄ŋ ndûw Tə̀dzûu alezə̄ fʉgha u Kəzə̀, ghe lo tò wɛ a ghûw u mɔ̀ʼ, ghe yia ki sugho ghu ko am fəgha kəla Zə̀ kə fə̀ to naŋā â ghì ghəla ghe boo fughu â Kə̀lestò Yɛso. Ghəa à dzûŋ ghən enyə bùghò sə bòʼ làbəlà è dzùŋ zəla ghe fə̀ zuw, è boo.

Fèlepìan 1:12

Waazə̂ ghaŋa gho, Ǹ ləghaa enyəa ghɛ̀ kele tsughu enyəa, fəgha kəla kə sə a zəŋò mùghò ŋ kùum ŋgè yòsò aleghəŋlo enyəa to làbəlà è dzùŋ mò noō ndûuŋ ndûw â sə ko.

Fèlepìan 1:16

Ghî a fə̀ŋ tə̀ dzûŋ ghən a fwaʼà wò alo eləgha, bòʼ ghe kwo nû enyəa Mughu ù te nì wò alekə̀əŋ làbəlà è dzùŋ è te.

Fèlepìan 1:27

Ghəa è səŋò zə èzəŋ e lo ko enyəa, ŋgòʼ è dzì zəla ghɛ̀ mughu a te ki alelo fəgha kəla làbəlà è dzùŋ è Kə̀lestò dzâa ghè kò, enyəa abugho M̀ bùghò kôʼ ko ghɛ ŋkāa M̀ bûʼ buw ko alebùghò kòʼ ghɛ̀, mùghò è ke lo alezuūw wo enyəa ghɛ̀ kûum tì nû alo kəfəgha kə mɔ̀ʼ, àsùghò enyəa am fə̂ŋ e mɔ̀ʼ, ghɛ̀ è dəma alekwuū kelè boo zəla ghɛ̀ zoʼn kɔʼ an làbəlà è dzùŋ è te.

Fèlepìan 1:7

À lo nu dzɔ̀ â mùghò alekele ŋgòʼ è mòʼn zən a zəŋò ghɛ̀, nu Ŋ̀ ki ghɛ am fə̂ŋ è dzùŋ. Bòʼ enyəa sɛ̀ a dzə̀m dzeŋe dzùghuun dzə̌əŋ dzɔ̂ e Kəzə̀ məla Zə̀ kə̀ fughu â mùghò. Tò êzəŋ wəla Ǹ lo mo ghe kùm nàŋa mugho alo tətsaʼ aŋ kwə̀n ŋkāa tò an ti kə̀là mùgho mò ki daʼa ko kə̀ŋlò làbəlà è dzùŋ è Yɛso àsùghò aleteso dzaā wo enyəa zə̀ è ki zən ko.

Fèlepìan 2:12

À fi lo enyəa fən ghaŋa à dzûŋ ghò, tò aŋghəa ghɛ̀ mò bwîi tsəgha an làŋ kə Zə̀ kəla mùgho mò zoʼn ghɛ a te aŋghəa sɛ̀ mò lò tsəgha a dzə̀m. À lǎam lo dzɔ̀ êzəŋ wəla M̀ buw sɛ̀, â ghɛ̀ alebwìi an làŋ kə te ko. E fwaʼā nduw ko nlò alo etsəŋ â ghɛ̀ alemìasò kɔʼ fwàʼ kɛʼɛ aŋghəa ghɛ̀ ki alezə kətuw a te.

Fèlepìan 2:22

Ghɛ̀ kwo nû enyəa Timotì n dě fwàʼ kə wə̄n ko tǒ wɛ ù tsəlà tsele wəla ù lò alefwaʼā ghàʼ à wə̄n alenàʼà làbəlà è dzùŋ zən.

Fèlepìan 4:3

Yia a bughò ghû fən waŋa wəla ghàʼ à ghù zumso fwâ kɔʼ wo, yoso yîzən ghən tɔŋlo enyəa ghe maā ŋge fwàʼ ghàʼ à ghee alezùghò làbəlà è Kə̀zə̀, ghèe ghê Kə̀lɛmɛ̀n àsùghò ghî à li ghəla ghàʼ à ghee mò dzeŋe fwaʼā a dzə̀m. Ghəla zŋ a ghee alo am mwàʼsò kə Kəzə̀.

Filemùn 1:17

Abugho ghù nì mugho enyəa ghàʼ à ghù fwàʼà dzə̌əŋ nù, ghù kpeni wə̄n tò aŋghea ghù lò alekpeēnî mùghò a te.

Hibùlù 3:14

Abugho sɛ boō fughu tən tsughu ko nù alendùw kuʼù ndûw, yia a gaʼ tsughu ko fə̀ŋ a zəŋò Zə̀ kò aŋghəa a mò ki gaʼ a te sûesʉ, sɛ̀ lo zəa dzeeŋ sughò nù fʉgha wəla u lô Kə̀lestò wò.

2 Pità 1:1

Mùghò Sǎemòn, tɔɔŋ Pità, wəla Ǹ lo ghùw ù kə̀fwàʼ àsùghò tum è Yɛso Kə̀lestò; M̀ fughu wò ètɔŋlo â ghɛ̀ ghəla ghɛ̀ lo mò ghɛ̀ ŋ kele boo zəla e tughuu sugho tò zaʼā zo. À lǒ bòʼ dzɔ̀ e Zə̀ kə sɛ̀ àsùghò e Bəghambī ù sɛ̀ zo e ghəŋlo enyəa sɛ̀ e ki boo zən zo.

1 Dzɔ̌n 1:3

Ghàʼ fɛ dzâ wò ghɛ̀ â fəgha kəla ghàʼ lo mò ghàʼ n zuw, kòʼ è sugho, ghàʼ fɛ â ghɛ̀ dzâa wò aleghəŋlo enyəa sɛ̀ təmadzəə̄ŋ kɔʼ alo kəfəgha kə mɔ̀ʼ, tò aŋghəa ghàʼ lo alo kəfəgha kə mɔ̀ʼ ghàʼ à ghê Tsele àsùghò Wɛ ù Wə̄n, tɔɔŋ Yɛso Kə̀lestò.

1 Dzɔ̌n 1:7

Abugho sɛ̀ kuūwm mughu an tsə̂, tò aŋghəa kə lo an tsə̂, à fi lo enyəa sɛ̀ a dzə̀m lò alo kəfəgha kə mɔ̀ʼ, Kâŋ tə Wɛ ù Wə̄n tɔɔŋ Yɛso, tia tə sûuw maʼn sughò bôo tə sɛ̀ tò tə dzə̀m.