Fèlepìan 1:1 - To kə Kəzə̀ kə̀ Fughu ko1 À mwàʼsò kən kə tɔm wò mùghò ghàʼ à Timotì, ghàʼ lo ghî a kəfwàʼ a Kə̀lestò Yɛso. Ghàʼ mwàʼsò kən kə tɔɔ wò â ghɛ̀ ghî a Kəzə̀ yi ghɛ̀ lo fi an naʼ e Felèpîi, â ghɛ̀ ghəla ghɛ̀ lô fəgha ko kə mɔ̀ʼ ghɛ̀ à ghê Kə̀lestò Yɛso, àsùghò â tsoʼ tə dzeŋe kə ghì a Kəzə̀ to ghèe ghê ghì ghəla ghe fughuu ghɛ â yòsò zò.. Faic an caibideil |
À lò mugho Pôl M̀ tɔɔ̄ wo mwàʼsò kən ko, mùghò wəla Zə kə tsə̂m tsughu enyəa Ǹ doʼò tùm è Kə̀lestò Yɛso. M̀ mwàʼsò kən fɛ tɔɔ wò mò Ǹ lo ghàʼ à Timotì, wàazə̀ ù sɛ̀. Ǹ tɔɔ wò â ghɛ̀ dzeŋe kə ghì a Kəzə̀ ghəla ghɛ̀ lo fi aŋ naʼ e Kɔ̀lênt, àsùghò ghì à Kəzə ghən à dzə̀m ghe lo an naʼ e Akayà.
Ǹ nî àghəa a dzə̀m tò ghəa kə̀nughùnùghù ghò, yìa M̀ maʼà ndùw ghəa a te gho a dzə̀m enyəa mùghò e lo alekele Mughu ù te, Yɛso Kə̀lestò Yɛso, bòʼ à lǒ ghəa zəla e tsəghàsə ghəa gho a dzə̀m. Tɔŋlo enyəa mùghò ŋ ŋge fala, yìa Ŋ̀ gùŋù ghəa gho a dzə̀m. Yìa Ŋ̀ kôʼ tsughu enyəa, ghəa a te gho a dzə̀m lò udzʉ an sə kaŋā; enyəa e Kə̀lestò è lo namso kaŋa ko,
À mwàʼsò kən kə tɔɔ wò mùghò Pôl, ghàʼ à ghê Timotì àsùghò Saelàs â ghɛ̀. Ghǎʼ mwàʼsò kən kə tɔɔ wò â ghɛ̀ dzeŋe kə ghì a Kəzə̀ ghò an naʼ e Tɛ̀sàlonikà; ghɛ̀ lo ghî a Kəzə̀ tɔɔŋ, Tsele ù te ghèe Mughùbè Yɛso Kə̀lestò. Gɔ̂ɔŋ zaʼa e lo enyəa, to Zə̀ kə̀ mô dê ghɛ̀ â dzɔ̀ e wə̄n zo, kə fughuu sughò ghɛ̀ â bughuun zo.
M̀ mwàʼsò kən tɔɔ wò â ghù Timotì, tɔŋlo enyəa ghù kùum lǒ wɛ waŋa Ǹ nî sə kɔʼ wo am fə̀ŋ zəla sɛ̀ dzeŋe gaʼ tsughu a zəŋò Zə̀ kò. Ŋ̀ gɔ̂ŋlò enyəa to Kə̀zə̀, Tsele ù te ghèe Mughùbè ù sɛ̀, Kə̀lestò Yɛso mò dê ghù â se ghee è kwuso zo àsùghò dzɔ̀ e ghee zo, ghe fughuu sughò ghù â bughuun zo.
Nu e lo enyəa ghùw wəla ù lǒ tò kətuw an ndùghù è kə̀zə̀, fwàʼà â Zə̀ kò, kì alelō ghùw wəla ghùw yò alesɔ̀ʼ kəghu a zəŋò wə̄n enyəa ù mò ghə̌əŋ bonlo èghəa, mò ù kɔʼɔ nyaʼn sùghò yò an tuw u aghì, mò ù tɔ̌ɔ sùghò yò â nə̀ghà fò, ŋkāa mʉa kala sùghò yǒ lʉ̀ mò, ù è lo sugho ghùw wəla ù kəŋo sùghò yô tsû wò, ŋkāa səa sùghò yò â sə gho aŋ ghəa tə ukʉ̄a.
Ghən lò ghəa ghəla Yɛso Kə̀lestò fə̀ dê fughu wo â Dzɔ̌n. À fə̀ ghəa a te gho â wə̄n fughu Kəzə̀ enyəa ù dèe tsughu â kɔ̀ɔ ŋ wə̄n mò tò ghe kele tsughu ghəa ghəla a ki alekùʼù nî kə̀bala. Kə̀lestò ŋ ghəəŋ tsughu enyəa ghî à kelê ghəa ghən mò ù tùm ndùw tsə̀ndə̄ghā e wə̄n a vʉ̀a kɔ̀ɔ fə wə̄n fo, tɔɔŋ Dzɔ̌n.
Nàn kə eghəa kə lo an sə̀ghàbəlà mən sə̀ghàmbəgha ghù mò koʼ aŋ ghu kaŋā kə̀ zəa ko, àsùghò twii u tə̀lâm wə etsɛ̀ wən sə̀ghàmbəgha moʼnlò enyəa; sə̀ghàbəlà mən səghāmbəghā ti an tuw u tsə̀təndə̄ghā tən tə chiīn dzweŋe u ghì a Kəzə̀ wən sə̀ghàmbəgha, twi u tə̀lâm wən vʉa u ti an tuw u dzweŋe u ghì a Kəzə̀ wən sə̀ghàmbəgha.”
Mùghò n daŋso tə̀m ndùw tə̀ŋguʼ a tsəlà wə̄n enyəa M̀ fughuu ndûw wən à kɔʼso mò, zə̀ m fwə̀n dzɛ̀ wò â mùghò enyəa, “Ghù kì dzə yo aleghəəŋ ghəa ghən gho! Ghàʼ à ghù dzeŋe lò ŋkɔ̂ɔ àsùghò waazə̂ ghəla boō fughu aŋghəa è səŋò zəla Yɛso mò dê tsughu. E kɔʼso nduw Zə̀ kò!” À lò səŋò zəla Yɛso mò dê tsughu e ghəŋlo enyəa ghiīshʉ̀ghà ghə̀ e dzâ ghəa gho.