Dzûd 1:8 - To kə Kəzə̀ kə̀ Fughu ko

⁸ À lò sugho an dziī è mɔ̀ʼɔ e te ghì a te gho ghe dzəso ghue e ghee zo an dzwoo məla n tsə̄ən zeē ghee. Ghe tuu màʼn fəgha kəla Zə̀ kə̀ lo ghè kò, ghe yia a sûuwn kaāŋ fʉgha wəla u mughu alo kəwālā.

Dzûd 1:8 Iomraidhean Croise

Lûk 11:25

À m bùghò ù kwən nyə nduw ebàm, ù n ndùw kòʼ ndùw mò ndùghù è wən è te nyoʼn bɔɔm lò nû, zɔlɔ.

Lûk 12:11

Abugho ghe nî nduw ghɛ an ndùghènē a vʉ̀a ghee, e kwo ko fə̀ŋ lò baŋa ghùw wɛʼɛ enyəa e sô yia e bɛlɛ̀ an dzî è ghɛ̌ zò, ŋkāa enyəa e sò yia a kə̂aa ndùw èndūghō an nə̄ghā e te zo a.

Lûk 19:14

Bəghà vʉ n lo êzə̀ mo naʼ e wə̄n e ləghaa yo wə̄n. Ghe n tùm ndùw tsə̀təndə̄ghā a bàâ wə̄n enyəa ghe ndûw naʼà enyəa, ‘Ghàʼ ləghaa yo enyəa tûw wən doʼò də̀ŋ kaʼa.’

Kə̀fwàʼ 23:5

Pôl mo enyəa, “M̀ mô kwò yo a waazə̂ ghò enyəa wən fɛ lo tuw kə fɔ̀e; tɔŋlo enyəa ghe tɔm naŋa am mwàʼsò kə Kəzə̀ enyəa, ‘Ghù kì dzə yo alekə̀aa bonlo èghəa â ghùw wəla ù lɛɛ̄n ghî ghə̀a ghò.’ ”

Kə̀fwàʼ 7:27

Ghùw wəla ù mò soʼō ŋgèkò â wàazə̀ ŋ kòom nùghù tùŋù màʼà kə̀ŋo ndùw Musî, â wə̀n à, ‘À ghù alo kətuw naŋa ndùghò enyəa ghù è saʼa tuw waʼa wo a?

Kə̀fwàʼ 7:39

Ghêe tsele a sɛ̀ n tùe màʼà tsùghù alezūw â wə̄n; ghe ŋ kòom bàʼ nàŋa kɔʼ wə̄n, ki am fə̀ŋ è ghee enyəa ghe kôom ndùuw ko è bàm alo Edzìpt,

1 Kòlentìan 3:17

À fi lo enyəa abugho ghùw sàʼ maʼà tsughu ndùghù e Kəzə e ne, Zə kə lo dzûw maʼà tsughu wən; tɔŋlo enyəa tsughu e Kəzə è lo fəgha kə baa ko, ghue e ghùe zɛʼɛ̄ e lo tsughu è wə̄n.

1 Tɛ̀sàlonìan 4:8

E fi lo enyəa ghùw wəla ù tue maʼà tsʉ̂ zən zo, ù kà tsùghòsò dzə ghùw, ù kǔuwn tsùghòsò Kə̀zə̀, tɔ̂ɔŋ Zə̀ kəla kə fughuu ghɛ â Zuʼ tə̀ Zɔlɔ to.

1 Timotì 1:10

Laŋ kə lo sugho â ghì ghəla ghe səā nûŋlo, àsùghò ghê nùghùbùʼutùe. Chia kə lô sugho â ghì ghəla ghe tsɔŋɔ̄ boʼn ghî ghò, àsùghò ghəla ghe kaʼn gha gho; a ka dɔ̂ɔm taŋ ghəla ghe dzɛ̂ enyəa a yo alekāʼ egha, dèe èzə̀ mo gha à kaʼnlo a lo fʉghàzəa u ghee àsùghò ghəa à loʼ ghəla a lo mo a boom dzəəŋ yo ghèe tsʉ̀ è zɔlɔ zo.

Hibùlù 13:17

E zuuw nduw nlò â ghì ghəla ghe lô tsoʼ tɛʼɛ to, ghɛ̀ è ghəəŋ nduw ghəa ghəla ghe dzâa wo. Ghe lɛnlo â ghɛ̀, nu ghe lo ki aleteso dzɛ̀ â Zə̀ kò ghəa ghən a dzə̀m ghe fə̀ fwaʼ â ghɛ̀. E zuuw nduw nlò â ghee to ghe fwaʼā â ghɛ̀ alo eduʼnlo. Ghɛ̀ lo alezə kə kwò a te abugho ghɛ ghəŋlo enyəa ghe e mʉŋe zee a?

1 Pità 2:17

E fughuu nlò kɔʼso mò â ghî ghə̀n à dzə̀m; ləghaa dzeŋe kə wɛ a ndùghèkə̀zə̀, e mughù nlò an tsəŋ e Kəzə̀, ghɛ̀ è fughuu sugho kɔʼso mò â də̀ŋ kə̀ ne ko alo enaʼ.