Dzûd 1:4 - To kə Kəzə̀ kə̀ Fughu ko

⁴ Tɔŋlo enyəa ghî à li ghə n nyɛʼɛ bùghò tsɔŋ tsə̀ghà nyə am bvʉa zɛʼɛ mo ghe fughuu yo kɔʼso mò â Zə̀ kò, nu ghe nî kɔ̂ʼ dzɔ̂ e Kə̀zə̀ fwə̀n naŋa tsughu enyəa alo dzì â ghee aleghəəŋ kaāŋ dzə̀adzə̀ tə aghəa to a te. Aghî tò ghən, ghe mafə ki tɔm naŋa aŋghəa ghe lo baā mbɛ̄ a te an tuw kə ghee. Ghe tuu màʼn sùghò Yɛso Kə̀lestò wəla à mìaa ko wə̄n Mughùbè ù sɛ̀.

Dzûd 1:4 Iomraidhean Croise

Matìo 13:25

a m bùghò â tsuʼ wo ghî à sô bwii, ghùwkə̀tuw ù wə̄n m bùghò tam nyə tsughu uzwiī aŋ sò a te gho, nùghù e wə̄n zo.

Dzɔ̌n 17:3

Mughù e doʼn təla zən lǒ â ghee alekwō ghû, Zə̀ kə̀ səŋo kən kə mɔ̀ʼ, kwo sugho Yɛso Kə̀lestò wəla ghù mò tum wô fɛ am mbī.

Kə̀fwàʼ 11:23

A m bùghò ù bùghò kôʼ tsughu enyəa Zə̀ kə̀ mò ti an tuw kə ghee, ù mo èduʼnlo, fəghaan tɔ̀ʼ tsʉ̀ tsùghu ghee enyəa ghe nəghāa kɔʼ fənyə aŋ ghəa e Mughu ù te, ghe teē təla tsughu a te am fə̂ŋ è ghee e dzə̀m;

Kə̀fwàʼ 15:24

Ghəa ghàʼ lô mò ghǎʼ n zuw enyəa ghî à li a mò sə kɔʼ fɛ am bvʉa zaʼā bùghò fə̀mso ghɛ̀ an tsʉ̀ è li zo, sàʼ màʼà tsùghù môʼn zɛʼɛ, mò à kà ghǎʼ ghee bûʼ tùm sùghò.

Gàlashìan 2:4

Ghəa à sughoo a kətigh ghən fə̀ sə kɔʼ wo bòʼ ghî ghə agha à li gho ghe fə̀ ŋgaām nyə wo am bvʉa e ghì a Kəzə̀, ghe n nɔmlo agha enyəa ghe lo ghî a Kəzə̀. Mo e ghee e fə̀ lo ko alebùghò tsêen kôʼ ndzə̀m kə emùghùu kəla a mughu aŋghəa sɛ̀ lô fəgha ko kə mɔ̀ʼ sɛ̀ à ghê Kə̀lestò Yɛso. Ghî ghə agha a te ghə n ləghaa enyəa ghàʼ doʼò tsughu ukɔ̂ a bàâ bughōo kə Tə̀dzûu kò.

Gàlashìan 5:13

Yia a bughò ghɛ a waazə̂ ghaŋa gho, Zə̀ kə̀ mò ghɛ shìaa nughu sə wo enyəa ghɛ̀ e ndzəə̄m mughu. E kuuwn kwo ko ghùw wɛʼɛ lô so e nîi ndzə̀m kə emùghù kə te ko tò dzì è lì â wə̄n aleghə̂əŋ ghəa à biigh ghəla gwən e eghuè zɛʼɛ e ləghaa ghè ghò. E laam kuuwn mughu nlò alo eləgha, yosò sùghò ghue zɛʼɛ.

Efɛsùs 4:14

Sɛ̀ kê koom yo dzə̂ wɛghêtùghù gho, enyəa mo à bugho ko ndughò à tsʉ̀ zə agha e wən zo a n sə̀ tə̀ŋò ndùw a baa wən tò tùŋutùŋù kə dzughù kə̀ lô tûuŋ kaāŋ kwə̀n ko an dzughù.

1 Timotì 5:8

Abugho ghùw lɛɛ̄n yo â tōm a wə̄n gho àsùghò ghì ghə̀là ghèe ghe mughu a dzə̀m an ndughu, à fi lo enyəa ù kà tɔ̀ʼ bǒo fughu â Yɛso, vʉ̀a ù bûʼ bo tsəgha ghùw ù wəla ù lo mò ù kà bǒo fughu â Yɛso.

2 Timotì 2:12

Abugho sɛ̀ kɔlɔ tsughu ko fə̂ŋ tò, sɛ̀ à ghee lô ndàŋ è kə̀də̀ŋ è te zəa sùghò a dzə̀m. Abugho sɛ̀ tue maʼa wə̄n, ù lo tuū maʼà sughò sɛ̀.

2 Timotì 3:6

Ghî à li gho aŋ ghì ghən nyəa kaāŋ tsə̀ghà ndùghù tə̀ndughū, ghe tsèe ndùw yìzən ghəla ghe ki fə̂ŋ tə̀ tsəəŋ to. Yîzən ghən lo ghəla bôo tə ghee tə lo mo tə ŋ ghee tsəghàsə, ghe yia a səā sugho â sə gho am fʉgha u mbī wo.

1 Pità 2:16

Mughu tsughu nlǒ tò ghî ghəla ghe mughu ndzə̀əm kə emùghù kò; e kwo ko ŋgòʼ e èmùghù zən lo sô e doʼn tò kəndzə̀ghā â ghɛ̀ aleghəəŋ bo zo, e kuuwn mughu nlò tǒ kɔ̀ɔ ŋ Kə̀zə̀.

1 Pità 2:8

Ghe yia tɔm naŋa sugho am Mwàʼsò kə Kəzə̀ enyəa, “Zən lò tia zəla ghî à kê tsɔ̂ɔn tsəghà ghuw gho a te; nɛ kəla ghî à kê tâaŋ bvʉā a te.” Ghe kê ghuw a tsɔ̂nlo bòʼ ghe fə̀ tsughoso maʼa shwaʼ u te wo; tò aŋghəa Zə̀ kə fə̀ fôʼ naŋā â ghee.

1 Pità 4:18

Mwàʼsò kə Kəzə̀ kə̀ dzɛ̂ enyəa, “Abugho e tughu alebəghaasə ghùw ù dzùŋ, à lô yia boʼò sə̌a kə̀ kwò â ghì biigh ghəla ghe kwo yo Zə̀ kò a?”

2 Pità 2:10

a ka dɔ̂ɔm taŋ ghî ghəla ghe mughù tən ko dzə̀adzə̀ kə emùghù kò, bùʼù tsǒo tuu màʼn sùghò daʼa kə Kəzə̀. Ghîishʉ̀ghà ghə agha a te a sǎa â fə̀ŋ tò, bùʼù tsə̀ŋo yo alekə̀a bonlo àghəa a zəŋò ghì a zɔlɔ ghəla ghe lô alo kəwalā, bùʼù sùuwn sùghò ghee.

2 Pità 2:7

Zə̀ kə̀ ŋ kuuwn bəghasə̄ tsughu Lɔ̂t, tɔɔŋ ghùw ù tsəghatsəgha wəla ù fə̀ ləghaa yo alekòʼ dzə̀adzə̀ tə aghəa təla ghî à biigh fə̀ a ghəŋlo.

2 Pità 3:7

Zəa e kuuwn lô enyəa, an dzə̂ è mɔ̀ʼɔ e wə̄n e te, Zə̀ kə̀ m bàʼ nàŋa sə̀ wo wala kəla kə lo êzəŋ àsùghò ghueekətsə̄ ko enyəa ghe e ləəm tsughu tî kə̀la kə̀ kê saʼa wiī maʼn ghî ghəla ghe kwo yo wə̄n a te.

1 Dzɔ̌n 2:22

Ghùw wə̀ àgha fɛ lò ndughoo a? A mgbàŋ yò ko ghùw wəla ù tuū maʼnlo enyəa Yɛso yò dzə̂ Bəghambī. Ŋgòʼ è ghùw ù te lo ghùwkə̀tuw ù Kə̀lestò, tɔŋlo enyəa, ù bùʼù tǔu maʼn Tsele ù te tò aŋghəa ù tuū màʼn Wɛ ù wə̄n ù nùu u te.

Dzûd 1:15

Ù kè bùghòo ghèe ghee alebùghò saʼ aghî a dzə̀m, àsùghò alebùghò fɔesô ghì ghə̀n a dzə̀m ghe kwo yo Zə̀ kò aŋ ghəa a ghee ghela ghe ghəŋlo mo a dzɔ̂ɔ yò an sə̀ Kəzə̀, àsùghò an shwaʼ u biigh wəla ghî ghəla ghe doʼkè boō fughu â Zə̀ kò kə̀a bonlo an zən e wə̄n.”

Dzûd 1:18

Ghe fə̀ dzɛ â ghɛ̀ enyəa, “A kê bugho an tsuʼu məla ŋ gùŋso tsughu, ghî a li a kê bùghòo nù ghe e tsoʼo ghɛ, aghî mo ghe kəŋo kô aleghəəŋ ghəa ghəla Zə̀ kə̀ ləghaa yo.”

Edêe Fughu 15:4

À lò ndūghō ù yò alestə̄ŋ ghu a Tsə̂ntə̀mbî, ù tàʼkè fughuu wô ghù â kɔʼso an zən zəghà mò a? Nu à bɔ̌ɔm zɔlɔ ko ghù â nəŋ ko. Aghî a dzə̀m an nàʼà mə̀n n dzə̀m kè bùghò tə̀ma tə̀ŋguʼ a tsəlà ghù, tɔŋlo aghî a dzə̀m ŋ ko enyəa ghəa ghəla ghù ghəŋlo a lo tsəghatsəgha.”