Dzûd 1:3 - To kə Kəzə̀ kə̀ Fughu ko

³ Fən a fə̂ŋ ghaŋa à dzûŋ gho, mùgho mò kuuwn ki nû moʼn zò aletɔɔ̄ wô ghɛ̀ â mwàʼsò kò kùu ndùw aŋghəa Zə̀ kə̀ lo dzeŋe bəghaasəa sɛ̀ a dzə̀m a te, yìa Ŋ̀ kôom kôʼ tsughu enyəa, Ŋ̀ ki nû alebuʼu wô kə̀ghu â ghɛ̀ enyəa ghɛ̀ tɔʼ tee tsughu am boo zəla ghe fə̀ ki fughu naŋā to â ghî a Kəzə̀ à zɔlɔ gho a dzə̀m, fughu tən ko êsəŋò.

Dzûd 1:3 Iomraidhean Croise

Kə̀fwàʼ 17:3

ù n teso dzâa â ghee, dèe ndùw sùghò alo tətsə̌a enyəa Kə̀lestò mò ki nû alefalā, ù kpuūw tsughu, ù zòo nughù kɔʼɔ̄ sughò alo evʉ̄. Ù n dzâa ndùw sùghò enyəa, “Yɛso wəla Ǹ dzâa wô fɛ â ghɛ̀ ma, à lǒ wə̄n Bəghambī.”

Kə̀fwàʼ 18:28

tɔŋlo enyəa ù mò təmazəa tsughuu Tə̀dzûu ènyə mgbaŋ mgbaŋ, dèe tsùghuu alo kəmwàʼsò enyəa Yɛso lǒ Kə̀lestò.

Kə̀fwàʼ 20:27

nu Ŋ̀ ka mō shwaʼ u Kəzə̀ wò â ghɛ̀ nân dzə̀.

Kə̀fwàʼ 28:28

Ghɛ̀ ki alekele tsughu enyəa ghe n shwaʼ u tùw kə̀ zəa u Kəzə̀ wən nî tùm fùghù ndùw â Tòʼò tò, ghe lo zuuw nù.”

Kə̀fwàʼ 4:12

Tuw kə̀ zəa kə kôom yò dzə̂ aŋ ghûw ù lì, tɔŋlo enyəa zən è li e kôom yò aŋ ghueekətsə̄ ghe fughu â ghùw fɛ am mbī sɛ̀ ki alezə̄ kətuw a te.”

Kə̀fwàʼ 6:7

Shwaʼ u Kəzə̀ wə̀ n ndûuw ndûuŋ ko â sə ko; kɔ̂n kə aghì kəla ghe mò boō fughu tsughu, kə m biso dùw tsùghù ènyə an Yɛ̀lusalɛ̀m, ndə̀mà tə tə̀fɔ̀e tə̀ m boo tsughu aŋ Kə̀lestò.

Kə̀fwàʼ 9:13

Anànîas ŋ kuuwn bɛ̀lɛ̀ tsùghù enyəa, “Mughubè, mùghò n zwɔ̀ŋ u tûw wən u ŋge zuw am bo zəla ù lǒ mò ù n dè â ghì ghə̀a ghò an Yɛ̀lusalɛ̀m.

Kə̀fwàʼ 9:22

Sôol n tsôo kèle kɔʼɔ mɛ̀ʼn ndùw ko kə̀daʼa, dèe fùghuu kɔʼɔ â Dzûu təla ghe mò mughu an Dàmaskùs enyəa Yɛso lò Ù tsùʼu, komso ndùw ghee.

1 Kòlentìan 15:3

Mùgho mò â ghɛ̀ dzɛ wo fəgha kəla mùgho fə̀ kele sugho tò ghəa è səŋò e sûesʉ zo: enyəa Kə̀lestò fə̀ kpuw bòʼ bòo tə sɛ̀, aŋghəa ghe tɔm naŋa am mwàʼsò kə Kəzə̀

Gàlashìan 2:5

Ghàʼ ŋ kè kuuwn buʼù boon nəgha è li zo alezə̂ən ghəa a ghee a te ghəla ghe fə̀ dzâa wo, aleghəŋlo enyəa ghɛ̀ naam boo fughu tsughu ko êsəŋò zəla è lò an làbəlà è dzùŋ zəla ghǎʼ mò zoʼn ghɛ a te.

Gàlashìan 3:28

Ghɛ̀ a dzə̀m èzəŋ e lò wɛ a Kəzə̀ bòʼ ghɛ̀ gaʼ fə̀ŋ a zəŋò Kə̀lestò Yɛso: nəŋò nəŋ è lì kôom yò dzə̂ a zəŋò ghùw ù Dzûu ghèe Tòʼò zò, ŋkāa, kəkɔ̂ ghèe ghùw wəla ù ndzə̀m mughu, ŋkāa a zəŋò wìnû ghèe wìzən.

Gàlashìan 6:11

Kòʼ nlǒ ŋgɔ̀ʼɔ̀ tə səa a kəmwàʼsò ghə̀là Ǹ nyâʼ nyə tsughu mughò â nəŋ ko aŋghəa Ǹ tɔɔ̄ wô ghɛ â mwàʼsò kən ko a.

Efɛsùs 1:1

À mwàʼsò kən kə tɔɔ wò mùghò Pôl, mùghò tum è Kə̀lestò Yɛso zəla Zə̀ kə̀ mò tsɔʼ kɔʼ. M̀ mwàʼsò kən kə tɔɔ wò â ghɛ̀ ghî a Kəzə̀ ghəla ghe gaʼ tsughu fə̂ŋ tɛʼɛ to â Zə̀ kò am mùghù zɛʼɛ àsùghò aŋghəa ghɛ̀ lo alo kəfəgha kə mɔ̀ʼ ghɛ̀ à ghê Kə̀lestò Yɛso an naʼ zə Efɛsùs.

Fèlepìan 1:1

À mwàʼsò kən kə tɔm wò mùghò ghàʼ à Timotì, ghàʼ lo ghî a kəfwàʼ a Kə̀lestò Yɛso. Ghàʼ mwàʼsò kən kə tɔɔ wò â ghɛ̀ ghî a Kəzə̀ yi ghɛ̀ lo fi an naʼ e Felèpîi, â ghɛ̀ ghəla ghɛ̀ lô fəgha ko kə mɔ̀ʼ ghɛ̀ à ghê Kə̀lestò Yɛso, àsùghò â tsoʼ tə dzeŋe kə ghì a Kəzə̀ to ghèe ghê ghì ghəla ghe fughuu ghɛ â yòsò zò..

Fèlepìan 1:27

Ghəa è səŋò zə èzəŋ e lo ko enyəa, ŋgòʼ è dzì zəla ghɛ̀ mughu a te ki alelo fəgha kəla làbəlà è dzùŋ è Kə̀lestò dzâa ghè kò, enyəa abugho M̀ bùghò kôʼ ko ghɛ ŋkāa M̀ bûʼ buw ko alebùghò kòʼ ghɛ̀, mùghò è ke lo alezuūw wo enyəa ghɛ̀ kûum tì nû alo kəfəgha kə mɔ̀ʼ, àsùghò enyəa am fə̂ŋ e mɔ̀ʼ, ghɛ̀ è dəma alekwuū kelè boo zəla ghɛ̀ zoʼn kɔʼ an làbəlà è dzùŋ è te.

Kòloshìan 1:2

M̀ mwàʼsò kən kə tɔɔ wò â ghɛ̀ ghî a Kəzə̀ ghəla ghe boō fughu tsughu â Kə̀lestò an naʼ e Kòlosɛ̀. Ghàʼ gɔ̂ŋlò enyəa to Kə̀zə̀, Tsele ù sɛ̀ mò fughu ghɛ â bughuun zo, Kə dêe sughò ghɛ̀ â dzɔ̀ e wə̄n zo.

1 Tɛ̀sàlonìan 2:2

Ghɛ̀ kwo nû aŋghəa ghǎʼ mò fala a te am Felèpîi àsùghò aŋghəa ghe fə̀ sûuwn ghaʼ a te fughu alo enaʼ. Ghəa e mò bûʼ lô ko enyəa ghe mò ŋgee fughuu ghaʼ â tsù wo fughu alo enaʼ, Zə̀ kə sɛ̀ kə̀ n naam fughu tsughu ghàʼ â fə̀ŋ è te â ghàʼ alenāʼn wô làbəlà è dzuŋ zə̄n â ghɛ̀.

1 Timotì 1:18

Timotì, ŋ wɛ, zuw lâŋ kə̀là M̀ fughu wô fɛ â ghù, tɔŋlo enyəa kə boom dzəəŋ nù ghèe fəgha kəla ghiīshʉ̀ghà a Kəzə̀ a fə̀ kə̂a naŋa kùu wò ghù. Nǐi kɔʼ tsʉ̂ e te zo tò ghɔŋ zə̀ghà an dzɔ̀ɔdzɔ̀ kə tsam chìa ghù ki aletə̄m.

1 Timotì 6:12

Ghù bǒo fughu â Zə̀ kò, e təma nduw tsàm è dzùŋ zən am bo e te zo alekelê mughù è doʼn təla zəla ghe fə̀ tɔŋɔ̄ ghû a te, an nə̀gha zəla ghù fə̀ boō fughu â Zə̀ kò an sə kə ndə̀m è àghì àsùghò enyəa ghù kè tì zə̀ghà kòʼ yò alefwàʼ â Zə̀ kò.

2 Timotì 1:13

Tiso kɔʼ tuw kə̀a kò aŋ ghəa ghən a dzə̀m mùgho mò zoʼn ghû a te, ghù e zoʼn nduūŋ nduw ghî à li gho a te. Abugho ghù ghəŋlo êzə̀, tee tən tsughu ko am fə̀ŋ zəla sɛ̀ gaʼ tsughu a zəŋò Zə̀ kò aŋghəa sɛ̀ lo alo kəfəgha kə mɔ̀ʼ sɛ̀ à ghê Kə̀lestò Yɛso.

Taetùs 1:4

M̀ mwàʼsò kən fɛ tɔɔ wò â ghù a Taetòs, ghù kùm lǒ wɛ waŋā ù sə̀ŋò bòʼ ghàʼ à dzeŋe boo fughu â Kə̀lestò Yɛso. Gɔ̂ɔŋ zaŋa e lo enyəa to Kə̀zə̀, Tsele ù te, àsùghò Yɛso Kə̀lestò wəla ù Bəghāasəā sɛ̀, mô fughu ghû â bughuun zo, à dzùŋù mò.

Hibùlù 13:22

Waazə̂ ghaŋa gho, M̀ buʼu kə̀ghu â ghɛ̀, enyəa ghɛ̀ naŋa wo nlò tuūŋ ko an shwaʼ waŋā wəla ù lo mò mùghò n tsʉ̀ wò ghɛ a te, zən lò e ghee Ǹ tɔm wô sə fə aghəa fən fo â ghɛ̀.

Hibùlù 6:9

Aŋghəa ghàʼ buʼù kə̂aa ko ghəa gho fɛ a waʼāwāʼ, ghàʼ kwo tən nû enyəa ghəa a dzûŋ a lo nû â ghɛ̀, â ghɛ̀ ghəla ghe lo mo ghe ghɛ̀ bəghāsə̄.

1 Pità 5:12

À mùghò yôsò Saelàs (Sìlvanùs), wàazə̀ waŋa wəla Ǹ tɔ̂ʼ kwo enyəa ù lo tsəghatsəgha am boo e wə̄n, aletɔɔ̄ wô kə̀mà fə kəmwàʼsò fən fo â ghɛ̀. M̀ mwàʼsò kən kə tɔɔ wò â ghɛ̀ aletsʉ̀a wô ghɛ̀ àsùghò alefəghaan teso dzâa wô â ghɛ̀ enyəa ləgha e Kəzə̀ è kûum lò êsəŋò. Ghɛ̀ tee tən tsughu ko nlò a te.

2 Pità 1:1

Mùghò Sǎemòn, tɔɔŋ Pità, wəla Ǹ lo ghùw ù kə̀fwàʼ àsùghò tum è Yɛso Kə̀lestò; M̀ fughu wò ètɔŋlo â ghɛ̀ ghəla ghɛ̀ lo mò ghɛ̀ ŋ kele boo zəla e tughuu sugho tò zaʼā zo. À lǒ bòʼ dzɔ̀ e Zə̀ kə sɛ̀ àsùghò e Bəghambī ù sɛ̀ zo e ghəŋlo enyəa sɛ̀ e ki boo zən zo.

2 Pità 2:21

Aŋghəa ghəa a te a lô ènyə, à mò so e lo dzɔ̀ abugho ghe fə̀ taʼkè kele dzì è tsəghatsəgha, tsəghasə aŋghəa ghe kele tsughu dzì e te kòom bùgho tùe màʼà tsughù lwâŋ ù zɔlɔ wəla ghe fə̀ fughu â ghee.

Dzûd 1:1

À mwàʼsò kən kə tɔɔ wò mùgho Dzûd, mùghò wàazə̀ Dzɛ̂ms, yìa Ǹ lô kɔ̂ɔ fə Yɛso Kə̀lestò fò; M̀ mwàʼsò kən kə tɔɔ wò â ghî ghən a dzə̀m Zə̀ kə̀ tɔŋɔ aŋ ləgha e wə̄n, ghe yia mughù sugho a tsəlà Yɛso Kə̀lestò.

Dzûd 1:17

Waazə̂ ghaŋa ghəla Ŋ̀ ŋgeē ləghaa, ghɛ̀ e moʼn tsughu ghəa ghəla tum tə Mughùbè ù sɛ̀ Yɛso Kə̀lestò tə fə̀ dzɛ̂ zîi naŋa wo.

Dzûd 1:20

Waazə̂ ghaŋa ghəla Ŋ̀ ŋgeē ləghaa, ghɛ̀ è kuuwn dəma təla tsughu ko alenoo am boo zɛʼɛ zəla e lô fəgha kə̀ baa ko â ghɛ̀. Ghɛ̀ è gɔŋlo an daʼa kəla Zuʼ tə̀ Zɔlɔ tə fughu â ghɛ̀.

Edêe Fughu 12:11

Ghe n təmzə kɔʼ wə̄n aŋ kàŋ tə Tsʉ u Ndzì u te wo àsùghò an êsəŋò zəla ghe kəaa, tɔŋlo enyəa ghe ka fə̀ŋ naŋa dzə̀ am mùghù e ghee, ghe m boo sùghò enyəa to ghe buʼù kpuwnlo.

Edêe Fughu 2:10

Kà nlò tsəŋ dzə̀ ghəa è li zo ghɛ̀ lo ki alekùʼù fala tsughu a te. Kele tsughu nlò enyəa vʉatsə̄a a ki alekùʼù nîi dzə̂n ghɛ̀ â li gho an ndùghùtsāʼ, àsùghò enyəa to ghe mô mɔ̂ɔkoʼò tsughu ghɛ̀, ghɛ̀ doʼo an tsù alo ntsuʼu eghə̄m. Gaʼ tsughu ko nlò fə̂ŋ tɛʼɛ to a zəŋò mùghò abugho e lo enyəa ghɛ̀ bùʼ kì ko alekpuw a te, tò Ǹ lo fughuu ghɛ â mùghù zò tò kənamso.”