Dzûd 1:1 - To kə Kəzə̀ kə̀ Fughu ko

¹ À mwàʼsò kən kə tɔɔ wò mùgho Dzûd, mùghò wàazə̀ Dzɛ̂ms, yìa Ǹ lô kɔ̂ɔ fə Yɛso Kə̀lestò fò; M̀ mwàʼsò kən kə tɔɔ wò â ghî ghən a dzə̀m Zə̀ kə̀ tɔŋɔ aŋ ləgha e wə̄n, ghe yia mughù sugho a tsəlà Yɛso Kə̀lestò.

Dzûd 1:1 Iomraidhean Croise

Matìo 10:3

Àsughò Felêp, à Bàtòlòmîa; Tɔ̀mâs, à Matìo tɔɔŋ dzə̀akə̀mwàsòʼ, àsùghò Dzɛ̂ms, wɛ̀ ù Afìus, à Tàtîa;

Matìo 13:55

Wən mgbàŋ yǒ wɛ ù kaməndà wən à? Zə̂ mgbàŋ yǒ Mèle a? Ghê Dzɛ̂ms, ghê Dzùghùsî, ghê Sǎemòn, ghèe ghê Dzudàs, à mbàŋ yò waazə̂ a wə̄n à nûu gho a?

Mâk 3:18

Andùlù n lo mɔ̀ʼ, àsùghò Felêp, àsùghò Bàtòlòmîa, àsùghò Matìo, àsùghò Tɔ̀mâs, àsùghò Dzɛ̂ms wɛ̀ ù Afìus, àsùghò Tàdîos, àsùghò Sǎemòn, ghùw wəla ù fə̀ ŋeē ləghaa naʼ e wə̄n zo,

Mâk 6:3

Wən mgbàŋ yò kɔmfəndàŋ wə̀n à, wɛ̀ ù Mèle wən a? Yia a so wə̄n lǒ wàazə̀ Dzɛ̂ms, ghèe ghê Dzosɛ̀s, à Dzudàs, àsùghò Sǎemòn a, wàazə̀ Dzɛ̂ms, waazə̂ à zən a gbaŋ yò ko fɛ sɛ̀ à?” Nə̀ghà mə̀ m mbè ndùw ghee a zəŋò wə̄n.

Lûk 6:16

Dzudàs n lo sugho a te, tɔɔŋ wɛ ù Dzɛ̂ms, àsùghò Dzudàs Eskàlìot wəla ù mò bughò fêe fughu Yɛso.

Dzɔ̌n 12:26

Ghùw wəla ù lighāa alefwaʼā â mùghò ki alebwiī ghàʼ à wə̄n kə ghuw kə̀ mɔ̀ʼ, bòʼ enyəa luʼū kəlāa Ǹ lo a te, ghî a kəfwàʼ ghaŋa ghə n lo sugho fughu èzə̀. A bugho ghuw fwàʼa â mùghò, Tsele waŋa n namso ghùw ù te.

Dzɔ̌n 14:22

Dzudà (wəla à kuūwn yô dzə Eskalìot) m bvʉ â Yɛso enyəa, “Mughùbè, à kǔuwn lǒ bòʼ kwò ghù lo kaā dêe ko ghue wʉ̀a wò â ghàʼ tsə̀təndə̄ghā təgha a, mo mbī kuuwn yò a te?”

Dzɔ̌n 15:16

À kà nùghù ghɛ shîaa wò mùghò, à kǔuwn laam lò mugho n shîaa kɔʼ ghɛ, fughu tsughu ghɛ̀ a daʼa ko enyəa ghɛ̀ nduw fwaʼ nduw fwaʼ kə̀ dzûŋ kò, àsùghò enyəa fwàʼ kɛʼɛ kə lo doʼò tən, to zə e lo enyəa mò ghùw wɛʼɛ bvʉ ko kə̀ kwò aŋ â Tsele u te an zən zaŋā, Tsele ù te mò è fughu.

Dzɔ̌n 17:15

Gɔ̂ɔŋ zaŋa e yo dzə̂ enyəa ghù ni nughu sə kɔʼ ghee am mbī, e kuuwn lò enyəa ghù ni nan naŋa ghee am ghùu ghùw ù bǐigh.

Dzɔ̌n 17:17

Ghəəŋ tsughu ghee enyəa ghe e zɔlɔ an səŋò zəghà zəla ghù zoʼn ghee a te, tɔŋlo enyəa shwaʼ wʉ̀a ù lo êsəŋò.

Dzɔ̌n 17:19

Yìa Ŋ̀ kûm fughu mɛ̀ʼɛ̀ wô ghue waŋa wo alefwàʼ â ghù an tuw u ghee, enyəa ghe lo kûu fughu mɛʼɛ̀ wô sughò ghue e ghee â ghù.

Dzɔ̌n 6:39

À lǒ to kə ghùw wəla ù tum wô mugho, enyəa e kwo ko ghùw u mɔ̀ʼ lò mîaan səā aŋ ghì ghə̀là ù lo mò Ù m fughu â mùghò, Ŋ̀ lo kôom zôo nughù wô ghee ebàm an tsuʼ fəla fə doʼò gûŋsò tsughu:

Kə̀fwàʼ 1:13

A m bùghò ghe nyə nduw enaʼ, ghe n tsə̀ghà kɔ̀ʼ ndùw an dzughu e ndughu zəla ghe mò mughu a te an ndùghù è kɔ̀ʼɔ daŋso. Ghî ghəla ghe mò lo a fughu mò lo Pità, Dzɔ̌n, Dzɛ̂ms, Andùlù, Felêp ghèe Tɔ̀mâs, Bàtòlòmîa n lo sugho ghèe Matìo, Dzɛ̂ms, wɛ̀ ù Afìus n lo, Sǎemòn Zilɔ̀t n lo sugho, àsùghò Dzudàs, wɛ̀ ù Dzɛ̂ms.

Kə̀fwàʼ 20:32

M̀ fɛ êzəŋ fughuu nyəa tsughuu ghɛ̀ aŋ ghu kə Kəzə̀, àsùghò an shwaʼ u wən ù dzûŋ wò; wəla kə lo alebɔɔ̄ tīsō ghɛ̀, wəla ghəə̄ŋ sughò ghɛ̀ zə fʉgha wəla u lɛɛ̄n ghî ghəla ghe lo mo ghe ŋ ghee sûw màʼà.

Kə̀fwàʼ 27:23

nu nɛ â tsuʼ wo, tsə̀ndə̄ghā è Zə̀ kəla kə ki mugho, yìa Ŋ̀ kɔʼsō, mô bùghò a vʉ̀a mùghò,

Lumà 1:1

À mwàʼsò kən kə tɔɔ wò mùghò Pôl kɔ̂ɔ fə Yɛso Kə̀lestò, à mo mugho shiāa kɔʼ Kəzə̀ enyəa Ǹ doʼò tum è Kə̀lestò Yɛso alezùghò Làbəlà e dzùŋ e wə̄n.

Lumà 1:6

Ghɛ̀ lo sugho aŋ kɔ̀n kə ghì ghəla Zə̀ kə̀ lo mo kə n tɔŋɔ nùghù sə̀ wo enyəa ghe doʼò ghî a Yɛso Kə̀lestò.

Lumà 16:18

Ŋgòʼ è ghì a te gho fwaʼà dzə̀ yò â Mughùbè ù sɛ̀ Kə̀lestò, e ghee lò ko alekə̄ŋ buʼ kə unʉ̀ghà kə ghee. Ghe koʼò tsùghû ghì ghəla boo e ghee e lo mo e tɔ̂ʼ tì yo, ghe ni kɔʼ kpə̀ŋòkpə̀ŋ tə ushwaʼ tsèe ghee a te ghe n nəghaan sùghò ghe alo kənōm.

Lumà 6:22

À sò kuuwn lò ko enyəa êzəŋ wəla ghe lo mo ghe ŋ ghɛ am fàŋa kə təbòo kə̀ zê zə̀ghà, ghɛ̀ yia lô kɔ̂ wò â Zə̀ kò, namso kɛʼɛ kə lo mughù è zɔlɔ zo. Ghəa a te a nîi wò mùghù è doʼn təla zo.

Lumà 8:30

Zə e lô sugho enyəa, ghî ghəla Zə̀ kə̀ lo mo kə m bàʼ nàŋa sə̀ wò bâ kə̀ mɔ̀ʼ, à lò ghəla kə fə̀ tɔŋɔ̄ enyəa ghe e lo ghî a wə̄n gho. Ghe a te ghəla kə fə̀ tɔŋɔ̄, kə ŋ ghəŋlo, ghe yia doʼò tsəghatsəgha a vʉ̀a wə̄n, chia kə ghəŋlo enyəa ghe kele sughò kɔʼso məla kə ki.

Lumà 9:24

Ghəa ghən lo sugho â sɛ̀ ghəla ghe mò shîaa sə wo a m bvʉa e Tə̀dzûu àsùghò a m bvʉa zə Etòʼò.

1 Kòlentìan 1:2

Ŋ̌ mwàʼsò kən kə tɔɔ wò â dzeŋe kə ghì a Kəzə ghəla ghe lo an naʼ e Kɔ̀lênt, ghɛ̀ ghî ghəla ghe fə̀ sûw tsughu ghɛ enyəa ghɛ̀ e lo fəgha ko kə mɔ̀ʼ ghèe ghê Kə̀lestò Yɛso aŋghəa Zə̀ kə fə̀ ghəŋlo enyəa ghɛ̀ doʼo ghî a wə̄n à zɔlɔ gho, ghɛ̀ à ghê ghì ghən à dzəm an lùʼù tən tə dzəm ghe tɔɔ̄ŋ tsughuu zən e Mughùbè Yɛso Kə̀lestò zò, tɔɔŋ Mughùbè ù sɛ̀ àsùghò ù ghee.

1 Kòlentìan 6:11

Ghɛ̀ â li a fə̀ buʼu ghəəŋ tsəgha sugho ŋgòʼ è ghə̀a ghən. Ghe ŋ kuuwn sùw màʼà tsùghù ghɛ, ghe ŋ ghəəŋ tsùghù è sugho ghɛ̀ n zɔ̀n dòʼò è tsughu, ghe ŋ ghəəŋ tsughu sùghò enyəa ghɛ̀ doʼo tsughu ghî à tsəghatsəgha gho an zən e Mughu ù te Yɛso Kə̀lestò àsùghò an Zuʼ tə̀ Zɔlɔ to.

Efɛsùs 5:26

Ù fə̀ enyə ghəəŋ tsughu enyəa dzeŋe kə ghì a Kəzə̀ kò dòʼò fəgha kə̀ ba ko an daʼa kə shwaʼ u wə̄n aŋghəa ù fə̀ nî kɔʼ ghee sùw sə kɔʼ alo mmùghu.

1 Tɛ̀sàlonìan 2:12

enyəa ghɛ̀ è mughu tsughu mughù zəla Zə̀ kə̀ ləghaa ghè zò. Ù lǒ Zə̀ kəla kə mò tɔŋɔ̄ nyə wô ghɛ am fɔ̀e u wə̄n, àsùghò an səghanyəgha ŋ wə̄n.

1 Tɛ̀sàlonìan 5:23

To Zə̀ kəla kə fughu bughun zo mô tɔʼɔ̀ ghəə̄ŋ tsughu enyəa ghɛ̀ è zɔlɔ, wən à mughu ko: to ghue zɛʼɛ, zuʼ tɛʼɛ àsùghò gwən e ughùe zɛʼɛ zo mô kì yo dzʉ ù li wo alebùghò tâa wô an tsuʼ fəla Mughu ù te Yɛso Kə̀lestò kè bugho a te ebàm.

2 Timotì 1:9

Zə̀ kə mò bəghasə̄ sɛ̀, tɔŋɔ wò sɛ̀ enyəa sɛ̀ è mughu mùghù è zɔlɔ zo. Zə̀ kə ka fə enyə ghəəŋ dzə̀ bòʼ ghəa e è dzuŋ è li zo sɛ̀ fwaʼ â wə̄n. À fə̀ enyə lo ko aŋghəa Zə kə̀ ki fôʼ naŋa aleghəŋlo bòʼ dzɔ̀ e wən zəla kə ki â sɛ̀ mo kə tsəghà tsùghù a zəŋò Kə̀lestò Yɛso.

2 Timotì 4:18

Mughu ù te lo bəghaasəa nù mugho aŋ ghu kə ghəa à biigh ghəla a ləghaa alenomso mùghò. Ù lo nyoʼn nîi nyəā ndûw mùghò am fɔ̀e u kəwālā u wə̄n. Gɔ̂ŋ zaŋa e lo enyəa, to ghî à mô tə̀ma ŋkəma, fughuu sùghò ŋkɔʼso â Zə̀ kò to mbī kê bughò mîaa. Zə e lo ko êzə̀.

Hibùlù 3:1

Waazə̂ ghaŋa à zɔlɔ gho, ghɛ̀ ghəla ghɛ̀ lo mo Zə̀ kə ŋ ghɛ̀ tɔŋɔ am fɔ̀e u kəwalā, naŋa nduw nlo tuw kɛʼɛ ko a zəŋò Yɛso, wəla a dzɛ̂ enyəa ù lǒ tum e Kəzə̀, lò sugho tuw kəfɔ̀e kəla Zə̀ kə mò tɔŋɔ̄.

Dzɛ̂ms 1:1

À lò mugho Dzɛ̂ms, Ǹ tɔɔ̄ wo mwàʼsò kən ko, M̀ fwaʼà a tsəlà Zə̀ kò ghèe Mughu ù te, Yɛso Kə̀lestò. M̀ mwàʼsò kən kə tɔɔ wò â ghɛ̀ ghî a Kəzə̀ ghò tɔ̂ɔŋ ghì ghə Ezə̀lɛ̂ ghə̀là ghɛ̀ sɛ̂ɛ mughùu kaāŋ nduw aŋ kàlà tə mbī e dzə̀m. Yia M̀ fughuu wô ghɛ â tɔɔŋ zo.

1 Pità 1:2

Kə̀zə̀, tɔɔŋ Tsele ù Mughùbè ù sɛ̀ ù te n tsɔʼ kɔʼ ghɛ enyəa ghɛ̀ doʼo ghî a wə̄n gho an tə̀ŋ kəla kə fə̀ fôʼ naŋā, Zuʼ tə̀ Zɔlɔ tə ŋ ghəəŋ tsughu enyəa ghɛ̀ e lo ghî à zɔlɔ gho, enyəa ghɛ̀ e zuuw nduw â Yɛso Kə̀lestò, to aŋghəa kâŋ tə wə̄n an vʉ zəla ù kpuw ghè zò fə̀ sûw maʼà tsughu ghɛ. Ŋ̀ gɔ̂ŋlò enyəa Zə̀ kə̀ mô fughu ghɛ â bughuun zo, kə dêe sughò ghɛ â dzɔ̀ e wə zo naʼ è ndə̀m.

1 Pità 1:5

Fʉgha u te lo â ghɛ̀ ghəla ghɛ̀ lo mò à ghɛ̀ kwu kele daʼa kə Kəzə̀, bòʼ boo zəla ghɛ̀ ki a zəŋò Kə̀lestò, Ghəa ghən kê lò ko abugho ghe kê fughu ghɛ â mùghù zəla e doʼò tən, ghəa ghə kê lò ko abugho nəgha e te e kê kpe wo (aŋghəa Zə̀ kə fə̀ fôʼ naŋā).

1 Pità 2:9

Yia a kuūwn bughò ghɛ, ghɛ̀ lo aghî mo ghe ghɛ shîaa nù, fɔe kə təfɔ̀e, naʼ è zɔlɔ zo, ghî a Kəzə̀, ghəla ghe tsɔʼ kɔʼ alezughoo nduw dzɔ̀ e fwàʼ kə wə̄n wəla ù mò tɔŋɔ̄ nughù sə wo ghɛ alo kələm, naŋa wò ghɛ̀ an dzɔ̀ɔdzɔ̀ kə tsə̄ kə wə̄n.

1 Pità 5:10

Àsùghò abugho ghɛ̀ tsûuŋ fala tsughu aŋ kə̀mà fə enə̀gha, Zə̀ kəla kə ki se e kwuso zo, kəla ke mò tɔŋɔ̄ nyə wô ghɛ an səghanyəgha ŋ wə̄n məla n dòʼò tən, bòʼ sɛ̀ lô fəgha ko kə mɔ̀ʼ sɛ̀ à ghê Kə̀lestò, lo kôʼ enyəa ghəa ghɛʼɛ a dzə̀m ghə ŋ kòom dòʼò kədzûŋ — boo zɛʼɛ zə e tughuu sugho — Kə lo fughuu sughò ghɛ̀ â daʼa ko, ghɛ̀ e tɔʼ ti sugho.

2 Pità 1:1

Mùghò Sǎemòn, tɔɔŋ Pità, wəla Ǹ lo ghùw ù kə̀fwàʼ àsùghò tum è Yɛso Kə̀lestò; M̀ fughu wò ètɔŋlo â ghɛ̀ ghəla ghɛ̀ lo mò ghɛ̀ ŋ kele boo zəla e tughuu sugho tò zaʼā zo. À lǒ bòʼ dzɔ̀ e Zə̀ kə sɛ̀ àsùghò e Bəghambī ù sɛ̀ zo e ghəŋlo enyəa sɛ̀ e ki boo zən zo.

Dzûd 1:21

Ghɛ̀ kwu kele tsughu ko nlò ghue zɛʼɛ zo an ləgha zəla Zə̀ kə ki â ghɛ̀ aŋghəa ghɛ̀ ləmlo â Mughùbè ù sɛ̀ Yɛso Kə̀lestò alefughu ghɛ̀ â mùghù e doʼn təla zo an se e wə̄n è kwuso zo.

Dzûd 1:3

Fən a fə̂ŋ ghaŋa à dzûŋ gho, mùgho mò kuuwn ki nû moʼn zò aletɔɔ̄ wô ghɛ̀ â mwàʼsò kò kùu ndùw aŋghəa Zə̀ kə̀ lo dzeŋe bəghaasəa sɛ̀ a dzə̀m a te, yìa Ŋ̀ kôom kôʼ tsughu enyəa, Ŋ̀ ki nû alebuʼu wô kə̀ghu â ghɛ̀ enyəa ghɛ̀ tɔʼ tee tsughu am boo zəla ghe fə̀ ki fughu naŋā to â ghî a Kəzə̀ à zɔlɔ gho a dzə̀m, fughu tən ko êsəŋò.