Dzɛ̂ms 5:8 - To kə Kəzə̀ kə̀ Fughu ko

⁸ Ghɛ̀ kɔlɔ tsughu ko nlò fə̂ŋ tò, ghɛ̀ ka tsughu zə zo, nu nəgha e Mughu ù te è bughoo zə n su.

Dzɛ̂ms 5:8 Iomraidhean Croise

Lûk 21:19

Abugho ghɛ̀ kê kɔlɔ̄ tsughu fə̂ŋ tò, ghɛ̀ ke zə tuw ko.

Dzɔ̌n 21:22

Yɛso m bɛ̀lɛ̀ ndùw wə̄n enyəa, “Abugho Ǹ ləghaa enyəa ù dòʼòdoʼò tò Ŋ̀ kê telè bughò èbàm, à ghù a te fəmso kə̀ kwò? Bùghò a bâà mùghò!”

Lumà 8:25

Abugho sɛ̀ moʼnlò alekele fəgha kə̀là a kaām ki yo, a ŋ ka tsughu ko èzə alechì tùʼ am fəgha kə te ko.

Gàlashìan 5:22

Twam wəla Zuʼ tə̀ Zɔlɔ tə mʉā wo lò, eləgha, ebughunlo, ghue ù zumso wo, mwam ù dzûŋ wò, edzɔ̂ àsùghò səŋò zò,

Fèlepìan 4:5

Děe ndùw â ghì ghò a dzə̀m enyəa ghù ki zʉ̀ kə mwâm; tɔŋlo enyəa nəgha e mughùte è kwəla nyəa zə m kpe.

1 Tɛ̀sàlonìan 1:10

Ghe buʼù kə̀aa sùghò nù ghəa ghɛ̀ lo mo ghɛ̀ ləəm Wɛ ù Kə̀zə wəla ù lo nughùn wo alò kəwālā alebùghò èbàm am mbī; wəla Zə̀ kə mò nî nughù kɔʼ alo evʉ̄, tɔɔŋ Yɛso wəla ù bəghaasəa sɛ̀ an tsu wəla u ki alebùghò.

1 Tɛ̀sàlonìan 2:19

À lò ghɛ̀, ghɛ̀ ghəŋlo enyəa ghà è ndzəmā chiī tùʼ, ghàʼ è duʼnlo, yìa à lò sughò ghɛ fəgha kəla kə ghəŋlo enyəa ghàʼ è ke e lo aŋ ghùe ù ghaa wo a vʉ̀a Mughùbè ù sɛ̀ abugho ù lo bùghò e bàm.

1 Tɛ̀sàlonìan 3:13

Ghǎʼ yìa gɔ̂ɔŋ sugho enyəa to Mughu ù te mô ghəəŋ tsughu ghɛ̀ nɛɛ tsughu, ghɛ̀ ke e lo tsəghātsəghā, zɔlɔ am sə kə Kəzə, Tsele ù sɛ̀ àsùghò a vʉ̀a Mughùbè Yɛso abugho ù lo bugho ebàm ghèe ghê ghì a wə̄n gho.

2 Tɛ̀sàlonìan 3:5

Ghǎʼ yia a gɔ̂ŋlò enyəa to Mughu ù te mô ghəŋlo ghɛ̀ zuwkɛlɛ dzì zəla Zə̀ kə̀ dêe ləgha e wə̄n zo a te, àsùghò enyəa ghɛ̀ è lo alekɔlɔ̄ fə̀ŋ aŋ ŋgoʼ zəla ghɛ̀ zuūw tò Kə̀lestò.

Dzɛ̂ms 5:3

Kaʼbàŋ tɛʼɛ tə lo dzèe nù àsùghò shwə̀là tɛʼɛ to. Kaʼbàŋ tɛʼɛ àsùghò shwə̀là tɛʼɛ tə n dzè, dzê e ghee e te kê lò fəgha kəla kə kê tsʉʉ̄n fuūw to a zəŋò ghɛ̀, e kê pfʉa sughò gwən e ughùe zɛʼɛ̄ tò uwən. Ghɛ̀ ŋ kum e kuʼ naŋa kɔʼ, mo tsuʼ ù saʼā u sāʼ wə n su, mò à kè lò kum e te zo e lo tsʉā dêe fughuu tûe wɛʼɛ wo an tsuʼ u te wo.

Dzɛ̂ms 5:9

Waazə̂ ghaŋa gho, kà nlò ghue zɛʼɛ zə e tsəŋo saʼa, ghe lô saʼā ghɛ. Nu sàʼàtə̀saʼ m bùghò, vʉ̀a a fǔundughu.

1 Pità 4:7

Nəgha e fɛ êzəŋ e kpee wò nù â ghəa gho a dzə̀m alebùghò mîaa. E fi lo enyəa ghɛ̀ tee kɔʼ nlò alo efwee, ghɛ̀ naŋso tsughu ghuw kə ebwìi kɛʼɛ ko, tò ghɛ̀ è ki sə̂ŋ zò alegɔ̀ŋlò.

Edêe Fughu 22:20

Wə̄n wəla ù tèso dzâa wô ghəa ghən gho dzɛ̀ enyəa “Kùmkùm Ǹ lo kuʼù bùghòo nù.” Zə e lo ko êzə̀. Bùgho a Mùghùbè Yɛso!