Dzɛ̂ms 5:7 - To kə Kəzə̀ kə̀ Fughu ko

⁷ Waazə̂ ghaŋa gho, ghɛ kɔlɔ tsughu ko nlò fə̂ŋ tò êzə̀, to Mughu ù te kê telè bughò. Kòʼo sùghò aŋghəa ghî a usum a taā tsughu fʉgha u ghee wo a te, ghe ŋ kɔlɔ tsughuu təfə̂ŋ, dòʼò ko enyəə, ghuuw zə m bùghò tsùghù kwə̀n è wo, bùghò tsə̀ghà kɔ̀ʼ è sugho, fʉgha u ghee u te wə n dzə̀əm m bɔ̀ŋ tùghù dzɔ̀ tsùghù an usum.

Dzɛ̂ms 5:7 Iomraidhean Croise

Matìo 16:27

Wɛ ù Ghùw ki alebùghò ghèe ghê tsə̀təndə̄ghā tə Kəzə̀ tò təla tə lô tə wə̄n to an səghanyəgha n Tsele, ù è ke tsəa ko ghùw am fəgha kəla kə kpe am fwàʼ kə wə̄n.

Matìo 16:28

Kùmkùm, M̀ fɛ dzàa wò nù â ghɛ̀, ghî à lo nû fɛ mo vʉ e lô ghee â mbàŋ sɔ̂ŋ fùghù yo mo ghe kâ Wɛ ù Ghùw kôʼ ù bùghòo fɛ am mbī tò Kədə̀ŋ.”

Matìo 24:27

Bughò e Wɛ̀ ù Ghùw kê bɔ̌ɔm lò ko an ndɛ tǒ ghuuw e lô mwâa ŋgəaa wô wala ko kə dzə̀m, alekaʼā nughùu tsughu an tsə kə̀ səa ko m bùghò tsə̀ghà kùm wò an tsə kə̀ bəŋo ko.

Matìo 24:44

À fi lo enyəa, e kwo ghɛ̀ lô nîizə̂a koʼò sughò ghue zɛʼɛ zo; nu Wɛ̀ ù Ghùw kè bùghòo an nə̀gha zəla ghɛ̀ kwo naŋā yo.”

Lûk 18:8

Ǹ dzâa wô â ghɛ̀, ù tsòo mbǎa saʼa fughuu kɔʼɔ sāʼ â ghee tsuetsue. Ǹ sô fɛ bvʉa enyəa, bugho Wɛ ù Ghùw lo bughò fɛ am mbī, ù lo bùghò kòʼò ko nù ghî ghəla ghe boō â wə̄n a?”

Lûk 21:27

Ghe kê daŋso koʼò ko Wɛ ù Ghùw mò ù sò bùghòo am mbàʼ, à dwaʼa wo, ù è lo e lo sugho alo ŋkɔʼso.

Lûk 8:15

Yia a bughò ghəla an lùʼu kə̀ foōn ko, à lò ghəla ghe zuw tsughu shwaʼ u te wo, ghe n nyɛ̀ nì kɔ̀ʼ an zumso kə fə̂ŋ kə ghee kə̀ dzûŋ kò, wə m bùghò fughu kɔʼ kətam, aŋ ghùe zəla ghe zumso tsughu a te.

Dzɔ̌n 21:22

Yɛso m bɛ̀lɛ̀ ndùw wə̄n enyəa, “Abugho Ǹ ləghaa enyəa ù dòʼòdoʼò tò Ŋ̀ kê telè bughò èbàm, à ghù a te fəmso kə̀ kwò? Bùghò a bâà mùghò!”

Dzɔ̌n 21:23

Zwɔ̂ŋ wə̀ m fùŋ mìasò ndùw aŋ ghùe e ghee enyəa, Tsə̀ndə̄ghā zən lo kpuuw yo; dèe êzə̀ mò Yɛso ka fə dzɛ̂ dzə̀ â Pità enyəa, tsə̀ndə̄ghā e te lo kpuw yo. Ù fə̀ laam dzɛ enyəa, “Abugho Ǹ ləghaa enyəa ù dòʼòdoʼò, tò Ǹ lo telè bughò èbàm, à ghù a te fəmsô kə̀ kwò?”

Lumà 15:4

Ghəa ghəla ghe fə̀ ki tɔm naŋa am Mwàʼsò kə Kəzə̀ fə̀ lo alefughuu sɛ̀ â tsʉ̀ zò, enyəa to tsʉ̀ e te e mô lo aleghəŋlo sɛ̀ e lo alekaā tsughu ezə, e dzəlà tsughu sugho fə̀ŋ tə sɛ̀ aŋghəa a chiī tùʼ a te am fəgha kəla Zə̀ kə fə̀ to naŋa â sɛ̀.

Lumà 2:7

Ghî ghəla ghe kəŋo alekele zən e dzûŋ zo, ŋkɔʼso àsùghò mùghù zəla e mian koʼo yo aŋghəa ghe ghəə̄ŋ zeē ghəa a dzûŋ ghò, Zə̀ kə lo â ghe fughuu mùghù è doʼn təla zo.

1 Kòlentìan 1:7

Zən lò e ghee ghɛ̀ ki mɛʼɛ̄ fughu wəla Zuʼ tə Kəzə̀ tə̀ fughu â ghɛ̀ a dzə̀m, aŋghəa ghɛ̀ ləə̄m ndûw tsuʼ fəla Mughùbè ù sɛ̀ Yɛso Kə̀lestò lo kôom bughōo ebàm a te.

Gàlashìan 5:5

Zuʼ tə Kəzə̀ tə kûm dzə̀là nù fə̂ŋ tə sɛ̀ tò enyəa sɛ̀ e kwo tən enyəa Zə̀ kə̀ lo nìi sɛ enyəa sɛ̀ lo tsəghatsəgha bòʼ sɛ̀ boo fughu â Kə̀lestò.

Gàlashìan 6:9

E kwo ko sɛ̀ lô so e bughuu kòom nù aleghə̂əŋ ghəa à dzûŋ ghò, tɔŋlo enyəa abugho nəgha e te e lo kpē tsughuu, sɛ̀ lo kele nù namso ko abugho sɛ̀ doʼŋkè kôom ghɔ̂ɔn wò ebàm.

Kòloshìan 1:11

Ghàʼ yia gɔ̂ɔŋ sugho enyəa Zə̀ kə̀ tughuso tsughu ghɛ an daʼa kə wə̄n kəla kə tughu tsə̀ghà dwaʼa wo u dzə̀m, tò ghɛ̀ e lo alekɔlɔ tə̀fə̀ŋ àsùghò aleka ezə alo aghəa a dzə̀m alo eduʼnlo.

1 Tɛ̀sàlonìan 1:3

Ghə̄a ghàʼ zə̂əŋ zeē ko ghɛ aŋ gɔ̀ɔŋ zaʼa â Zə̀ kò, Tsele ù sɛ̀, ghàʼ nîi zə̀a yò fwàʼ kəla ghɛ̀ fwaʼā bòʼ ghɛ̀ boo fughu â Kə̀lestò, àsùghò ghəa à dzûŋ ghə̀là ghɛ̀ ghəŋlo â ghî ghò bòʼ ləgha zəla ghɛ̀ ki ghè zò, àsùghò tùʼ zəla ghɛ̀ ndzəmà chiī a zəŋò Mughùbè ù sɛ̀ Yɛso Kə̀lestò.

1 Tɛ̀sàlonìan 2:19

À lò ghɛ̀, ghɛ̀ ghəŋlo enyəa ghà è ndzəmā chiī tùʼ, ghàʼ è duʼnlo, yìa à lò sughò ghɛ fəgha kəla kə ghəŋlo enyəa ghàʼ è ke e lo aŋ ghùe ù ghaa wo a vʉ̀a Mughùbè ù sɛ̀ abugho ù lo bùghò e bàm.

1 Tɛ̀sàlonìan 3:13

Ghǎʼ yìa gɔ̂ɔŋ sugho enyəa to Mughu ù te mô ghəəŋ tsughu ghɛ̀ nɛɛ tsughu, ghɛ̀ ke e lo tsəghātsəghā, zɔlɔ am sə kə Kəzə, Tsele ù sɛ̀ àsùghò a vʉ̀a Mughùbè Yɛso abugho ù lo bugho ebàm ghèe ghê ghì a wə̄n gho.

Hibùlù 6:15

A m bugho Abə̀làhâm ndòʼ ka tsughu sugho zə zo ləma è koo, u m bùgho kèle kɔʼ fəgha kə̀là Zə̀ kə fə̀ to naŋā.

Dzɛ̂ms 4:11

Waazə̂ ghaŋa gho, kà nlò dzə̀ è bǐigh kele a zəŋò ghì à li gho. Chìa wəla ù kə̀a nduw dzə̀ è bǐigh â wàazə̀ ŋkāa ù saʼ nduw wàazə̀, ù fi kə̂aa dzə̀ è bǐigh â làŋ kò, saʼa sùghò làŋ kə te ko. Abugho ghù fwə̀là saʼā lâŋ kò, ghù fi bwîi dzə yò an làŋ kə te ko, ghù lò ko sàʼà ù təsāʼ.

Dzɛ̂ms 5:10

Waazə̂ ghò, kòʼo tsughu ko ghiīshʉ̀ghà a Kəzə̀ ghəla ghe fə̀ kə̂aa ghəa gho am bàm e Mughu ù te à. Yi lo ghî ghəla ghe fə kɔlɔ̄ tsughu fə̂ŋ tò an ŋgoʼ zəla ghe fə̀ zuūw.

Dzɛ̂ms 5:3

Kaʼbàŋ tɛʼɛ tə lo dzèe nù àsùghò shwə̀là tɛʼɛ to. Kaʼbàŋ tɛʼɛ àsùghò shwə̀là tɛʼɛ tə n dzè, dzê e ghee e te kê lò fəgha kəla kə kê tsʉʉ̄n fuūw to a zəŋò ghɛ̀, e kê pfʉa sughò gwən e ughùe zɛʼɛ̄ tò uwən. Ghɛ̀ ŋ kum e kuʼ naŋa kɔʼ, mo tsuʼ ù saʼā u sāʼ wə n su, mò à kè lò kum e te zo e lo tsʉā dêe fughuu tûe wɛʼɛ wo an tsuʼ u te wo.

2 Pità 3:4

Ghe lo e bvʉa tsughu enyəa, “À lo mo Yɛso ka fə dzɛ̂ nàŋa enyəa e lo kòom bùghò nù? Ù mafə sô bùghò à? Ù sò wɛ̀ɛ à? Ghê bə̀ghàbəgha mafə kpuwnlo, aghəa à dzə̀m yia kuuwn naam lô ko alo kətə̀ŋ aŋghəa a fə̀ lo tsəgha ko a te to mbī e tsoō kaʼā tsughu.”