Dzɛ̂ms 5:5 - To kə Kəzə̀ kə̀ Fughu ko

⁵ Ghɛ̀ mò fɛ am mbī mughu an lɔ̄; mò ghɛ̀ dûwsò nǎaŋ tsughûu ghue zɛʼɛ tǒ mbɔ̀ŋ təla ghe mò tsʉ naŋā enyəa ghe wiī pfʉ̄.

Dzɛ̂ms 5:5 Iomraidhean Croise

Lûk 16:19

Ghùw ù kǔu ù lì fə̀ lo nû mò ù ghue u laa tsə̀ghà ko an dàla tə̀ səŋò tò, à fə̀ghà mə̀ ŋ̀ghùe n nyə̀ghaan mò tò kədə̀ŋ; ù n zəa zēe tsə̀ghà wə̄n â fə̀ghà n dzûŋ mò nəgha tən tə dzə̀m.

Lûk 16:25

Abə̀làhâm ŋ kuūwn dzɛ̀ ndùw â wə̄n enyəa, “Ŋ wɛ, kele tsughu enyəa, ghəa ghù mò mughù am mbī, ghù mò ki fʉgha ù dzûŋ wò, Lazālùs ŋ kuuwn mùghù an tsù; êzə̄ŋ, ù kǔuwn mùghù alo nsəghanyəgha fɛ̄, ghù vʉ̀a ghù kuūwn lo an tsù.

Lumà 13:13

To sɛ̀ mô nyòʼn ghəəŋ ndùw aghəa tò ghî ghəla ghe mughu an tsə̂, mò à yò dzə̂ alo kələ̄m. Sɛ̀ ki dzə yo alendùw an lùʼu təla ghe mʉa kala lʉ̀ mò a te, ghəəŋ sùghò ghəa à nuūŋ gho fughu, ŋkāa ki sugho yo alemughu dzə̀adzə̀ kə emùghù ko, ŋkāa alebwiī baā kaaŋ tsəgha ghəa gho, ŋkāa aleki mʉ̌ʉn ko.

1 Timotì 5:6

Wìikpuw wəla ù kuūwn ləghaa alezəa zee ko ghue u wə̄n wo lo tǒ ghùw ù kpǔuw, abugho ù naām bûʼ lô ko â tuw ko.

2 Timotì 3:4

Ghe ke e feēn fughuu kaaŋ ghî ghò, ghe ke e vuūŋ ghəəŋ kaaŋ ghəa gho, ghe e kwo enyəa à bɔ̀ɔm mìaa ko ghee, ghe ke e ləghaa yo Zə̀ kò, kuuwn lâam ləghâ ghəa ghəla ghe zuūw laan zo a te.

2 Pità 2:13

Ghe lô ghee tsəa sùghò aŋ ŋgoʼ zəla ghe lo mo ghe m fughu â ghì ghò. Ghe nîi enyəa à lò ghəa è dzûŋ zò aŋghəa ghe zəā ghue e ghee zo, ghə̂əŋ kâaŋ dzə̌adzə̀ tə aghəa â ŋgàla tsə̀ tò. À lò aledzəsô ghue zɛʼɛ àsùghò tuw kə̀ dəla ko â ghɛ̀, â ghee aletseē ghɛ alelaŋā zəa dzəəŋ ghɛ̀ à ghee, kala kaŋlo, buʼn sùghò mbɔ̀ŋ.

Dzûd 1:12

Ghe lo ko tò na kə dzəa ko kə dzəso ghɛ abugho ghɛ̀ à ghee dzeŋe zəa kùun to a dzə̀m, ghe n zəa ghɛ̀ à ghee mo ghe ki ke yo tuw kə dəla ko, ghe sô lɛɛ̄n təla tsughu ko ghue e ghee zo. Ghe lo tò mbàʼ tə̀ zum to alo kəwāla kǔɛɛ kə foō kaāŋ tsəgha mo ghuuw e yo aletsoō səa tsughuu wô a te. Ghe yia lô sugho tǒ kâʼ fə nûm fò mo fə yo alebɔŋ kətam, mo ghe n dwə̀ən nùghù sə̀ kɔʼ aŋ ghueekətsə̄, mò mə̀ m bùʼ zùm sùghò.

Edêe Fughu 18:7

Ghəa ù fə̀ tsɔɔ̄ fə̀ŋ enyəa e mughù kuw nû, ki mɛʼɛ fʉgha u mbī wo u dzə̀m, bɔɔm fùghù sugho nlǒ wə̄n a tsù wəla u kpe sugho â wə̄n, to ù e muŋe aŋghəa a te gho. Ghəa ù dzàa tsughuu am fə̂ŋ è wən enyəa, ‘Mùghò wəla n doʼ, nàʼtūm! Ǹ yo dzə̂ aŋ wîkpūw, Ŋ̀ kê kɔ̀ʼ kòʼ yo tsʉ̂a u evʉ wo!’