Dzɛ̂ms 5:3 - To kə Kəzə̀ kə̀ Fughu ko

³ Kaʼbàŋ tɛʼɛ tə lo dzèe nù àsùghò shwə̀là tɛʼɛ to. Kaʼbàŋ tɛʼɛ àsùghò shwə̀là tɛʼɛ tə n dzè, dzê e ghee e te kê lò fəgha kəla kə kê tsʉʉ̄n fuūw to a zəŋò ghɛ̀, e kê pfʉa sughò gwən e ughùe zɛʼɛ̄ tò uwən. Ghɛ̀ ŋ kum e kuʼ naŋa kɔʼ, mo tsuʼ ù saʼā u sāʼ wə n su, mò à kè lò kum e te zo e lo tsʉā dêe fughuu tûe wɛʼɛ wo an tsuʼ u te wo.

Dzɛ̂ms 5:3 Iomraidhean Croise

Kə̀fwàʼ 2:17

‘Zə̀ kə̀ dzɛ̂ enyəa, “Kən lò fəgha kəla Ǹ lo fwaʼa an tsuʼ məla ŋ gùnsò tsughu; Ǹ lo fughuu tsughûu ghì ghə̀n à dzə̀m â shʉ̀ghà waŋa wo. Wɛ ghɛʼɛ à nûu ghò àsùghò a zən gho e ke naʼn wo fəgha kə̀là Zə̀ kə̀ dzɛ â ghee. Waafəghàŋ ghə̀ e ke koʼo sə gho, dzǒo mə̀ e ke tsəən noo mò məla n dwə̀n tsughu.

Lumà 2:5

À so kuuwn lo ko enyəa ghɛ̀ ki tùghùtùghù u tə fə̀ŋ wəla u ghəŋlo ghɛ yia zuuw yo ghəa gho. Ghəa a te a ndɔɔŋ kɔʼɔ ndùw nù aŋghəa Zə̀ kə lo dêe nʉgha u wə̄n ù pfʉa wo a te an tsuʼ wəla kə lo saʼā saʼ e wə̄n è tsəghatsəgha.

2 Timotì 2:17

Shwaʼ ù laʼso u ghee u te u pfʉa ghùw tò tətsughò. Ghî a lo a bə̀ghà ghe kəaa ŋgòʼ è shwà ù biigh wə̄n, à lǒ Hɛ̀mɛnus ghèe Fìletùs.

2 Pità 3:3

Alebùʼù nîi tsughu, ghɛ̀ ki alezuūwkɛlɛ̄ tsughu enyəa ghî à li a kê bùghò nù an tsùʼù məla mbī kê suū wo alebùghò mîa, mò à mùghù e ghee e boʼò kèle ghəa ghəla gwən e ughùe e ghee e ləghaa, ghe lo e tsoʼo ghɛ.

Edêe Fughu 17:16

Ndɔŋ tən èghəm ghù mò koʼ ghèe ghêe nyòoŋgwən zə lo bɛ̂ kpàlà chì, ghe ghəə̄ŋ tsughu kə dòʼò tsughu chwaʼchwaʼ u ghueetsə̄ wo, ghe tsʉā dêe kɔʼ tue kə wə̄n a beē. Ghe lo kə̂aan pfʉ wə̄n, ghe kpâa kɔʼ shwâ u ŋgwən e wə̄n zəla e doʼòdoʼò tsughu aŋ uwə̀n.

Edêe Fughu 20:15

Ghùw wəla ghe mò kəŋo kêe tsughuu zən e wə̄n zo am mwàʼsò kə emùghù, ghe m màʼà nyə̀ ndùw wən am fɛ̀ɛn kə uwə̀n kə te ko.

Edêe Fughu 21:8

Yia a bugho ghê mgbêbvʉ̄, ghî ghəla ghe taʼkè boō fughu, ghî a dzəa gho, ghəla ghe wiī ghî ghò, àsùghò à nuūŋ gho, ghî a uvùŋ, ghəla ghe kɔʼso zʉ̀ ù li wə̄n, àsùghò ghî ghə agha a dzə̀m, luʼu ke ghee kê lǒ fɛ̀ɛn fɛ̀ɛn kə wə̀n kəla zuʼ kə biigh kə səa wo àsùghò nyoʼ ko ghe tɔŋlo enyəa à lò sulfò, mò à fi lò e kpuūw kuenlò.”