Dzɛ̂ms 5:20 - To kə Kəzə̀ kə̀ Fughu ko

²⁰ ghuw wəla ù ghəə̄ŋ tsughu ghùw ù biigh wə̄n vʉ̀a ù tigh maʼà tsughu ghəa a wə̄n à biigh gho, ù kì alekele tsughu enyəa, ù fi bəghasə̄ ghùw ù biigh vʉ̀ aŋ ghùu vʉ zo. Vʉ̀a ù ghəŋlo enyəa ghe ghuūw maʼà ndə̀mà tə təbòo tə ghûw ù te.

Dzɛ̂ms 5:20 Iomraidhean Croise

Dzɔ̌n 5:24

Kùmkùm, aŋghəa Ǹ dzâa wô fɛ â ghɛ̀, ghùw wəla ù zuw shwaʼ waŋa wo, boo fùghù ndùw â wə̄n wəla ù mò tum wô mugho lo kele nù mughù è doʼn təla zo, ghe kê dzùuw màʼn yǒ wə̄n; tɔŋlo enyəa ù n nùghù sə̀ wò alo evʉ̄, dòʼò wò â tuw ko.

Lumà 11:14

Zə enyə lò enyəa waazə̂ ghaŋa tɔɔŋ Tə̀dzûu lô kpaʼa ghoʼò ghəa a te gho, to ghəa a te a ghəŋlo ghee a li a zə kətuw.

1 Kòlentìan 1:21

Tɔŋlo enyəa ghəa è fə lô enyəa ghî a mbī yo dzə̂ alekele Kə̀zə̀ an tɔ e ghee, Zə kə̀ n ləgha kɔʼ aletsəghàa tsughu an làʼsò zəla sɛ̀ zughòo kaŋlō enyəa kə bəghāsə̄ ghî ghəla ghe boō fughu tsughu â wə̄n.

1 Kòlentìan 9:22

Abugho Ǹ lo ghàʼ à ghê ghî lɛɛ ghəla ghe ki you fə̂ŋ tò, mùghò n dòʼò ndùw sùghò tǒ ù ghee, enyəa to M̀ ghəŋlo ghe boō fughu â Kə̀lestò. Mùghò m bùghò dòʼò fʉgha wən ù dzəm â ghì ghən à dzəm, enyəa Ŋ̀ kəŋo tsughu tədziī tə dzə̀m alebəghaasə ghee à li gho a te.

1 Timotì 4:16

E nîi ghôm zò a m ghùe wʉ̂a àsùghò an tsʉ zəla ghù zoʼn ghî gho a te. E ti ko a te, nu abugho ghù ghəə̄ŋ dzə êzə̀, ghù lo bəghasə ghùe wʉ̀a wò àsùghò ghì ghəla ghe zuūw â ghù.

Filemùn 1:19

À lò mugho Pôl Ǹ tɔɔ wô mwàʼsò kən ko aŋ ghu kaŋa. Ǹ lo tsəa tsə̀ghà wò nù ghû ebàm â fəgha kəla ù ki â ghù — kuuwn kele tsughu ko enyəa fəgha kəla ghù lǒ ghè ko alo bòʼ mùgho.

Dzɛ̂ms 1:15

Abugho ghùw tsə̀ghà təŋò tsughu am mòʼnlò e wə̄n è biigh zo, ghəa a te yia nyə tughu tsughu a zəŋò wə̄n, ù ŋ ghəəŋ tsughu ebo, a m bùghò bo e te zə a e tsə̀ghàsə bəŋ ko, vʉ zə n nì ghùw ù te.

Dzɛ̂ms 1:21

À fi lo enyəa ghɛ̀ ki alezə̀ghàa maʼà dzə̀adzə̀ tə bòobò tə aghəa tɛʼɛ̄ tə te to, ghɛ̀ ni ŋgɔɔm naŋa wo shwaʼ wəla Zə̀ kə̀ dzə̂n naŋā am fə̀ŋ tɛʼɛ, mo u ki kədaʼa alebəghaasə ghɛ.

Dzɛ̂ms 5:15

Gɔ̂ɔŋ zəla ghe gɔ̂ɔŋ tsughuu am fə̂ŋ e mɔ̀ʼ â Zə̀ kò, e baaŋ nû ghùw ù dzàŋa — Mughu ù te n nì nùghù dzâŋ e te zo. Mo à lò enyəa ghùw ù te mò ghəəŋ boon ghəa è li zo, ghe ŋ ghuuw màʼà ghəa e biigh e te zo.

Dzɛ̂ms 5:19

Waazə̂ ghaŋa gho, abugho ghùw ù mɔ̀ʼ am bvʉā zɛʼɛ̄ zə̀ghàa maʼà tsughu səŋò zò, làʼ nùghù ndùw an dziī è nùghù, ghùw ù li vʉ̀a ù bùghò nî tiso naŋa sə wo wə̄n ebàm an dziī è sə̀ŋo,

1 Pità 4:8

Ghəa è səŋò zəla e lo ghè zò lò enyəa, e ləghaa nlò ghue zɛʼɛ zo am fə̂ŋ e mɔ̀ʼ, bòʼ kwò enyəa à lò eləgha e tsəla nàlà ndə̀mà tə tə̀bòo tò.

Edêe Fughu 20:6

Dzɔ̀ lò ghî ghəla ghe lo kɔʼɔsəā alo evʉ̀ an nə̀gha e sûesʉ zə̄n, nu ghe lo am fɔe kə ghì a Kəzə̀ a zɔlɔ! Vʉ e kəbə̀ghà zəla e dzûum wo kôom kì yo daʼa kə̀ li ko a zəŋò ghì ghən, ghe kê kǔuwn lǒ tuw u tə̀fɔ̀e u Kəzə̀ àsùghò u Kə̀lestò wò, ghe e ke saʼa am mbī ghèe ghê Kə̀lestò am bɔ̀m n tə̀nùu eghə̄m.